今日好開心~~因為今日去咗shopping~~~

事前都預咗會血拼架喇,我同魷都目標一致,唔放血,唔收手haha~~

開頭個勢唔係咁好架,好似冇咩衫啱咁,而且啲衫好多毛毛,搞到我勁打噴嚏,個鼻勁唔舒服。

啲衫真係要試上身先知啱唔啱自己,有啲衫著上身會有好大驚喜。

嗰件黑色shirt,諗住唔會著得好睇,點知心血來潮,拼埋另一件shirt到,超靚呀唔該,勁似著咗件西裝褸咁~~

我竟然買到褸喎!!一個話買褸買咗N年嘅人,終於買到褸,It's magic!!

好收獲豐富呀今日,我同魷好似做咗豪客咁,其實都係碌咗兩次卡啫,但係兩次都過千囉,做埋5cm VIP添呀,你都咪話唔勁!!不過佢張coupon好惡囉,15號之前?唔好再快啲......

魷呀,我都仲未買到件靚靚shirt襯你送畀我嗰條tie呀,我哋仲要努力呀。仲有,過番數俾我呀haha。

好嘞,我又買哂上身衫而唔買下身喇......我仲要買......總之革命尚未成功啦。