我宜家�H心情好悲憤!!
今朝食緊早餐�H時候,媽沖完涼,笑住口咁同我講:「頭先我諗住將你個bra晾出去,點知跌咗佢落街。」
燒賣停留在唇邊,我再控制唔住我�H面部肌肉,眉頭緊皺,右邊嘴角向大幅度上揚,以按捺不住憤怒的語氣回到:「你唔係呀嘛?」
我真係嬲到震!!
不嬲都唔會將啲內衣晾出街�H佢,做乜鬼嘢要將我個bra晾出去啫,吓????仲要早唔晾,遲唔晾,係要我食埋個早餐就返嶺南�H時候先晾,都唔會乾得切架啦!
怕我趕住著?我擺咗�H內衣落洗衣籃一日幾喇,但係你都係冇意思開機洗衫,咁我咪手洗,然後晾喺騎樓囉,我知會乾唔切,我預咗擺番hall再乾,你做乜要喺呢個時候懶好心啫?我唔信你晾出去幾個字個bra會乾透囉,係晾都係噚晚晾啦。
我知你個出發點係好呀,但唔該實行嗰陣小心啲得唔得呀?我都唔明點解你可以跌咗個bra落街架,媽媽大人呀,我好肉痛架!!!!你應該知道bra係唔平架,我嗰bra個�H價錢係等如一個Nike Sport Bra架!!我仲記得你話我買bra買得貴,咁你宜家一句唔該都冇,就將我個年資唔長,仲好實用�HSloggi掉咗落街呀!!!
我噚日先使咗一大舊錢買完衫,根本冇預過咁短時間內要使另一舊錢買內衣,媽媽大人你呢嘢無疑係一腳將我伸落地獄!!
我一諗到個Sloggi宜家就撻咗喺勁污糟�H簷蓬變咗垃圾,就真係開不了心,點解呀????點解媽你梗係要久唔久就做我一鑊架???次次都係做我啲衣物。每次你做爆我啲衫,我就唔想再返屋企!!
我係發脾氣呀,我特登唔同你講bye bye就走架,最唔鐘意你就係咁架喇,做爆咗人哋啲衫就話「俾返錢你囉」,咩喎宜家,平時又唔見你咁闊綽?又唔係真係即刻俾返錢我,我下個星期返嚟你咪又係會唔記得,真係好嬲呀!!
我宜家擔心我啲新衫喇,佢哋全部都係hand wash only,有一件仲要乾洗添架,我唔知媽幾時又會懶好心,唔問過我啲衫點洗就攞哂去洗,搞到佢哋要報銷,佢哋啲價錢貴過個sloggi好多!!我宜家將佢哋搬哂入hall,點都唔會擺喺屋企!!
分類: 未分類 |
