第一日返Game Fair份工,再次幫AI做野,今日話係briefing同睇吓個場,實情唔係囉,一肚氣。
Vincent真係有同我地briefing,但係之後我同堅堅就被賣豬仔喇。我地要負責game booth,但係唔知點解我地要搬貨同執架囉!!呢啲野Vincent從來冇話過SUPERVISOR要做架囉,唔知點解俾另一個人叫左去做,嗰啲唔係叫「倉務」咩?仲有,咁多貨,件件都有番咁上下重,得我同堅堅搬,唔係吓化?有冇用腦諗野架?自己唔幫手,睇住我地搬,要搬成點又早講,搬好哂又話唔啱,要再搬,WTF!!我同堅堅講哂粗口呀。
呢條人仲要要細細聲同我講,話堅堅唔搬野,唔X係呀?!成個倉啲貨都係我同堅堅分類同疊好,有啲好重�H貨我隻手唔搬得,堅堅一個人搬哂,呢條人竟然咁講野,我扯哂火黑面睥佢,話之佢係game booth�H阿head!
唉,唔好意思呀,堅堅,好似坤左你入局咁,我都唔知呢次咁大鑊。
Vincent得悉我地�H苦況,就走入嚟自己搬,呢條人先識得郁囉,不過啲貨都執得七七八八喇,多謝哂!
搬完貨,終於有得食飯,全日最輕鬆�Hmoment。Jonathan言之鑿鑿咁講俾Natalie聽堅堅同我好似樣,係我細佬,搞到全部人都以為我地真係姊弟,有個仲話我地係twins......唔係吓嘛?玩到咁大?我地喺嶺南從來冇人話我地似樣架喎,發生咩事呀?
分類: 未分類 |
