搞乜鬼又唔去？

　　今日原來約左阿芝佢地去志文兄屋企做數學功課，連MISS LEE都會黎架嘛!!*

　　點知我打去阿芝屋企個陣佢屋企人話佢出左街。

　　打去佢手提又唔聽，咪搵小寶囉！原來佢地去左見工。

　　而今日做數學活動取消左。

　　阿旎叫我落街打羽毛球，之後阿芝打比我叫我，

　　佢話一陣叫左志文兄去佢屋企做數學，問我去唔去，

　　諗諗下都係去啦，呵呵！做左一陣數。。

　　志文兄話想食野！我就同佢落左街買野食！

　　我地去左惠康先。之後落街市。

　　阿芝今日同我講話琴日LOOK LING個陣佢整親隻手。

　　咁我見佢甩左指早，廢時一陣有咩整親就好痛架啦！

　　咁岩我有帶膠布，我咪幫佢痴埋囉！點知佢話我好女人呀今日>3<

　　不過佢好似讚緊我咁，我都好開心！嘻嘻~*

　　去左芝屋企食左地度上海麵。EAT 芝 捧  呀!!!*

　　志文兄都係咁認為，今日我見到Ｄ好曖昧既行為！哈哈，好心你地啦。。

　　今日爸爸同我傾開揀科既問題，好似咁大個女都未試過咁樣單獨同佢傾過。

　　爸爸話只要你揀左唔後悔就得啦喎！

　　今日我拋開所有猜忌咁樣去同佢傾，爸爸，呢次係我最真心既一次。

　　不過傾傾下家姐由房到出黎，可能佢琴日聽到Ｄ野！

　　佢無同爸爸講過一句野！有咩都唔會直接同爸爸傾！

　　我感受到佢好唔鍾意！究竟係我多心定係真係咁？

　　雖然佢真係有好多唔岩，但係我覺得媽媽講得好岩！！

　　神呀！希望神你真係看顧我一家。

　　今日林傳道打電話比我，佢話收到我E-mail。

　　我以為佢收到會好唔高興添！神啊！我要好好諗清楚我受浸既問題！

　　我唔想無得到咩改變，我覺得我唔係一個可以受浸既人。

　　每一日我放係你身上既時間，往往比我自己身上既少！

　　有時我仲會覺得放係你身上既時間會浪費！我唔係一個好好既基督徒。

　　比我受到浸，咁係咪對神係好處？唔係。

　　聽日我會同林傳道傾傾呢個問題。

　　至於揀科既問題。我唔去見校長啦！我唔轉科啦！

　　好多謝金sir一番好意。個次我覺得我真係好任性

　　但係畢竟，選科對於我黎講咁重要。好難講架嘛！

　　雖然我到宜家都仲唔明點解神咁樣試一試我，不過我好堅決！

　　呢幾日唔知點解之前個份強烈感覺又有，

　　我唔知咁樣係好事定壞事，神啊！

　　如果你真係覺得我個一次既決定係岩既話，求你真係好讓我識得點樣放手。

　　我唔想有ｄ咩逃避既感覺。我對感情我並唔堅強，我並唔勇敢。

　　我永遠都係弱者，係我唔配定係我害怕？

　　神你每一日咁樣比我去經歷佢既存在！我會好痛苦。

　　神兩個人一齊唔係開心架咩？但係點解我會痛苦？

　　我唔知係我既問題定係佢既問題，不過我知道，我們都不願行第一步。

　　身邊人可能唔會影響到佢，但係會影響到我！

　　如果佢每一樣野我都咁介意既時侯？

　　呢一個人對於我黎講係幾咁重要。

　　神求你教我如何愛一個人，更愛神你！

　　或者我細細個開始只有被愛，沒有愛過。

　　但神我都好希望我愛人同時，都感受到被愛既感覺。

　　咁樣我會開心好多！更加唔會再難過。。