今日心情可謂峰迴路轉~~~

本來今朝心情幾好架~~~  但係依家就乜mood都無囉~~~

開咗半個鐘先開到部電腦，唔通...

唉，算啦。諗下今朝同埋噚晚會開心啲嘅~~~

今日係第6日考mock，考多4日就考晒mock了，就要準備會考~~~ HKCEE!!!

今日考中文聆聽 + 綜合。一入個hall，見到喺枱面有個十幾年前就out咗嘅耳機，即刻o咗。因為平時用的都係正常嘅機。突然俾啲老餅野我唔識得用呀!!!

我就賴話收得唔好~~~ 佢地安排咗我去特別室考，原來志同道合嘅人都為數唔少喎...

我地去咗一間課室考... 嘩，簡直係考試中嘅皇帝式享受啦~~~ 好似喺課室做練習咁輕鬆呀，又無乜人望住，又空氣流通~~~ 隨時發揮水準呀~~~

聽日英文聆聽都要求去特別室先~~~ 正!!!

考完之後就同啲同學影相啦。中五了，轉眼就喺間學校生活咗五年~~~ 記得Form 1時香港成咗SARS疫阜，幾個月唔使返學... 依家就中學畢業了~~~ 

至於噚日嘅開心事，就係第一次下廚呀~~~ 呀妹話好食呀，好食呀~~~ 我都覺得好好味，簡直係佳餚~~~ 又唔油膩喎...

明天，將又係一個新嘅挑戰~~~

開幕了~~~
My Beloved Diary 正式開幕了~~~
 
總算開了一個屬於自己嘅小天地~~~ My Beloved Diary 係一個我可以隨心所欲，要講乜就講乜嘅地方。
用咗個幾鐘頭，終於搞好搞靚自己個blog啦~~~
大家不妨留意下個blog左下角，有個公仔一路彈結他，一路唱情歌，為我個blog帶來生息不少架~~~
 
第一日開張，緊係想大家以後多啲嚟睇啦~~~