今日買咗勁多野，有鞋(好靚架~~~)，八折，原價$499，折咗$399，仲送一頂原價$295嘅帽，頂帽都好靚架~~~ 所以用咗$400買咗價值差唔多$800嘅野，抵到爛啦~~~ 所以今日係wise purchase~~ 跟住，買咗Little twin stars 隱形眼鏡盒，Little twin stars 啤牌，Little twin stars膠紙座... 所以大收穫囉~~~

我決定咗唔戴con了，所以個新嘅con盒可以當化妝盒用... 隻眼損咗4個月，今日先好番~~~ 試戴con仲好唔舒服，所以我想放棄... 或者我唔適合戴啩，淚水唔夠~~~

啱啱去完gymnasium，有啲啲攰~~~ 但係有幾日無溫過書啦，所以要努力了。今日安排咗自己溫宗教，唔知點溫~~~ 但都要溫，萬一唔合格，張成績表會好樣衰... 好彩print咗張時間表，唔係就會日日溫自己鍾意嘅科~~~ 忽略其他了~~~

今朝起身，大霧到對面樓都睇唔到，我諗係50米範圍內，令我諗起校長嘅《霧之戀》。跟住成日去咗街，嘩，好曬呀~~~ 曬黑我白晢嘅肌膚~~~ 算啦，個個見到我都話我面青口脣白，好似道友~~~

送啲相俾你睇呀~~~ 用電話影，可能無咁清楚...

戰利品如雲~~~ yeah~~~

噚日去完飲... 大家都大啦，男婚女嫁實屬正常~~~  一段天荒地老、海誓山盟的真愛，於眾親朋戚友萬千舉杯及姹紫嫣紅的玫瑰花接受神聖的祝福。爆vocab添~~~ 唔係，有啲野唔用四字同煽情嘅詞語係無法寫出精緒來。

噚日去到嗰到，同兩個表哥和伯父鋤陣2。佢地話，輸的要望女仔。儲夠一分鐘就要望足一分鐘，仲要直望。咁大家都知我不嬲都唔望女仔架啦，不嬲都係佢地流晒口水咁望實我嘅... 所以初初真係有啲淆淆地... 不過，又唔俾淆。咁，唯有硬著頭皮去玩。哈，點知，手氣唔錯喎。有一局我更大顯神威，使出一招乾坤大羅移... 一局炒兩家39。哈，一局就儲了39秒了。表哥手氣背，輸了。真係要望啲姊妹一分鐘。仲要用隻手'talk'頭，佢仲睇到面都紅晒，伸晒脷，流晒口水呀，我地唔俾佢避... 一定要望實。 點知我後來就去影相，影完到佢影，我攞佢副牌，嘩，真係天上有地下無嘅一副好牌。一攞佢副牌，就嬴啦。好明顯係人嘅問題。但係佢話我未嚟前佢係嬴緊架~~~

晚宴九點開始。一開始，新郎同新娘手牽手進場，我地用預備咗嘅炮竹向佢噴射。頓時，場內變得五光十色，繽紛滿場。當然少不了玩新人，在此不贅了。

我地發覺間酒樓好似好趕時間咁。啲野擺到「咩嚟咩斜」，甜品隻碟放喺碗紅豆沙上面... 啲橙又唔切，好似預咗你包走咁，真係睇到眼耳口鼻都o晒。

唉，有啲野... 真係要做應酬囉~~~ 嗰嗰見到我，話：「嘩，朱俊彥~~~」「嘩，你好高呀~~~」「有無六尺呀？」「高過阿爸半個頭啦喎~~~」「嘩，你身型變得好標青呀！」←(最鐘意呢句~~~)「你好叻仔呀~~~」。聽到好多次，簡直要我雙耳活受罪。我唯有左耳入，右耳出。口上掛著一副標準的傻笑跟住，就好行咁講係咩係咩？應酬，真係唔係我強項了~~~

去到十二點先喺酒樓走呀~~~ 但無相像中咁攰~~~ 不論如何，祝一對新人佳偶天成，郎才女貌，早生貴子，百子千孫，百頭到老。最緊要都係有情人終成眷屬啦~~~ 這是表弟對表哥表嫂嘅小小祝福~~~