好多人都會講"初戀永遠係最難忘"

但其實最難忘既係第一次真真正正愛上

而又得不到既果個人

無論我再識幾多個異性

即便已經嘗試過拍拖

個每當我再次見到有你既相

我個心依舊會砰砰跳

過左咁多年我仍然唔明白

自己點解可以咁鐘意你

我可以捨得刪除同男朋友既相

但有你既始終唔括得

有時候發夢會見到你

我係幾咁想係事實

或者幻想總會係美好

我以為同喱個男朋友可以一直行落去

但最終都係忍受唔住

若果可以比個機會我見到你

我真係好想可以同你做朋友

同你有一張完整既合照

我諗已經夠我爽好耐

即便你宜家已經有女朋友

但我知你無唔記得我

見到你follow番我instagram

我真係好開心

多謝你仲記得我

 病左成個星期都未好番

每次病親都好麻煩

盡量可以唔睇醫生我都唔會睇

寧願去藥房配藥

明明已經準時食藥都唔好

每朝起身狀況都唔同

不停咳不停咳

咳出痰或者會好少少

但我就偏偏係個咳痰白痴

由開頭齋咳搞到聲都變埋再無啦啦傷風

身體係都打抗唔到病菌

最後都係要死死地氣去睇醫生

幸好喱次D藥唔易化枝咳藥水又未到好難飲

喱段時間keep住食藥

成個人都溫溫鄧鄧咁

我諗喱個醫生開既藥最大分別就係有睡意

以前食個隻無咩特別

每晚都因為咳而無教好訓

轉左藥之後藥力強好多

好快覺得眼訓

宜家個人訓多左休息夠感覺都好D

希望過埋喱個星期就會好番

同白韻琴姐姐聲say bye bye