B4uSky : 個人主頁 - 相簿 - 訂閱  [ QOOZA - 論壇 - 登入 ] 2007 年 5 月 21 日  星期一                                                   喔!．B4USKY                         現在是剛剛放工返到屋企... 睇睇下又幾日冇打日記 嗯,以家補打返先   落大雨,天氣太熱... 一直都係我返工既最大敵人= =... 呢幾日變化無常既天氣 完完全全係到折磨我... 星期五...熱到飛起... 到到星期日...突如其來既一場大雨... 噢...力盡了!   加上既係,檔口既同伴 個個都返左兩個幾月都冇休過息啦... 我都係其中一個 真係好想訓返一晚飽既... 有時真係唔明D老闆係到諗咩...   星期日終於出左人工加惠康休日 本來,一心一意想出下去掃貨... 點知...又係果場雨... 咩心情都冇哂... 食完早餐返返屋企呆左一陣 都係決定左出大埔BG4算...   到左大埔金源 一睇有兩部空機係到 即刻唱50蚊,TUNE下車... 不過事後我自己玩完之後 先記起之前唱錢好似冇找錢- -... SHIT!! 講講今日玩成點先... 為左儲分,今日玩既多數打RACING 超弩級頭3個LV都好順利... 之後LV4就出事啦 頭車頂到我HIGH HIGH 完全超唔到車...玩左5,6舖 仲要升埋個LV3 ENGINE先過到...= =... 不過好笑既係... 有一局排第二...過終點既時間竟然有4:53- -... 呆了...   玩左成日,架NSX距離FULL TUNE都已經差唔多 下一次打多50蚊應該可以搞掂   都係果句啦... 以家都係玩熟一部車,同埋了解多D成隻GAME先 仲有係SET 車果方面都要睇多D討論區 不過下一部想開既車種都已經諗好左... 佢都係一部我想係現實有既車種... FULL TUNE左架NSX就開佢... 期待唷!   由於最近工作比較忙既關係... 右手既手指公既關節最已出現疼痛... 呢排練起DM,BG4上來一路玩一路痛... 真係有D攞苦來辛既感覺... 不過DM方面都有少少回報既 以家玩FT2已經可以穩A TP2玩親都可以過到...不過都係拎B 打得唔好既原因除左係機舖對掍比較差之外 仲有既係自己太累了吧... 呢排玩親DM都有個諗頭 就係好想換對新既私家棍 仲有既係可以加埋防"扇"膠 我相信出來個效果會幾好 下個假期出去尖咀通利睇睇先   最近既工作量都算應付得來... 聽日連續兩日踩到5點... 今日要多點休息... 日記來到呢到嚕... 下次見!   B4USKY(^ ^)v P.S.wing~好多謝你既天氣報告 呢排既天氣真係好差! 妳自己都要小心d丫 祝:安康,日日都開開心心!                       刊登時間︰2007-05-21 03:39 PM  [ 訪客留言(1) ] [ 編輯日誌 ] [ 分享至FACEBOOK ] 2007 年 5 月 15 日  星期二                                                   氣分GOGOGO．B4USKY                         天氣開始熱了 返市場攪到我氣到抖唔到- -... 又熱又辛苦 好想放一日假丫 放兩日我諗都冇諗過 因為想放一日都好難 但係成檔人個個都好耐冇休過息啦 有D係到話好辛苦丫 好想休息- -... 我心諗 你地返一份都叫辛苦 好心你打少D ONLINE GAME啦= = 放工一返屋企就打 一打就打到夜晚十點十一點幾 有時我聽到都唔知同佢地講咩好... 返工又冇精神... 又唔準時返... 開口話你地又唔係 唔話佢自己又頂住條氣 唉! 我都係做好自己D野就算 冇眼睇...   有時唔係想話... 但係真係睇唔過眼 你自己死就算... 我唔拖慢工作攪到我要做埋你過份 有時見佢地比人話"醒未丫!?" 真係勁心涼...   咁大個人出來工作 可唔可以比D"認真既工作態度" 比人地睇下呢!?   5月咁就過左一半 真係快到自己都唔信 距離下一期人工淨返5日 星期日放假一定要出街BG4返夠本   今日放左工心郁郁忍唔住去左打DM 今日仲要係收晏- - 但係一心去練下DM就鬼打咁精神 落左323見到阿雄 傾左一陣就開始玩 由於成個月都冇認真咁打,同埋去練 對自己都冇咩期望打得好 不過,今日玩既FT2打得比本時好N倍 玩到3RD STAGE就來FT2 完左有成72% SKILL咁多... 可惜都係未上到S...不過已經好開心!YO~ 之後玩第二舖,試返D好耐冇玩既難歌 TP2竟然冇見紅咁拎B 完左之後覺得冇打咁耐都可以打返水準出來 睇來假期真係好好操返下   完左DM過左好耐都冇入既大88睇睇 因為收到風88入左三國大戰上三樓 我不過心諗都係冇驚喜架啦 不出所料,上到三樓只係多左部賭錢機- - 唉!又係賭... 之後返返地下打左舖太鼓 跟住睇睇BG4有返ONLINE未 點知又有返,咁就入左18蚊落去- - 由於佢係大機既關係 頭一舖真係唔知玩緊咩 個HB個位又唔同左... 仲有個BRAKE都... 唉...呆了! 不過都係過左一陣手癮 但係都已經18蚊了!   今個5月出左好多新GAME FFT獅子戰爭好似好正 出左糧可能會買 三國大戰DS以家都平左好多 係時候入貨了 仲有NDSL既應援團2... 嘿嘿... 睇返真係好耐都冇買GAME嚕   講起買野,衫褲鞋都好耐冇買過啦! 睇來出糧日又掃下貨先得啦XD!   屋企部PENTEX都封左塵好耐- - 唉,都唔知果時4千蚊買左佢來做咩... 搵日出去影下相都好... 不過都係有時間先啦...   最近放左係屋企拎返個BM個掣出來練返下... D手感真係遲鈍哂... 不過玩BM以家變得淨係睇首歌段MV都已經好滿足... 到左以家買左兩個掣都好少係屋企練DP 由於空間既問題... 嗯,都係有時玩下聽下歌 睇下MV就算了   蜘蛛俠3到以家都仲未有機會睇... 其他朋友都睇哂 仲有爸爸媽媽都睇左- - 以家好後悔點解前幾日冇同佢地出去睇 仲有既係以家人人都話好正既"十分愛" 老實講- -... 姑且唔好理佢好唔好睇先 因為有方力申我已經唔想睇呢套戲... 想問點解... 嘿!真係唔好問我- -...   前幾日因為一D事以整嬲左個細佬 老實講,我真係唔想你成日對住部腦... 我亦都唔想聽到話你自己因為冇錢先係屋企... 你都大個仔啦,會考都完埋咁滯... 你應該知道,以家有D咩野... 係應該去諗,係應該去做... 你唔係唔知你老豆係咩脾氣... 佢最唔想見到自己開工仲見個仔係電腦前玩- -... 有時真係希望你可以避忌下... 做阿哥唔係因為返工而成日話你 唔係成日用"錢"呢個字眼來話你... 只係... 你阿哥我,唔想你以家好似我以前咁... 你有時有時間 我真係好希望你有機會,就陪下媽媽爸爸... 我唔係講到好似第時冇機會咁... 我只係想講,我地做野既地方有時都好危險 真係唔講得少... 好似市場咁...我就親睇住有個靚仔比車 撞到佢部手推車,而部手推車就成部飛起左 成部跌左個靚仔個頭到... 之後成地都係血...白車到...之後唔講啦 我想講既係,成件事個靚仔都冇錯 因為係意外... 睇住佢個頭爆哂缸,暈左比人拓上白車... 我自己都估唔到可以係市場冇意外咁做左6年... 丫,順帶一提...個小朋友只係係市場做左兩個星期...   好...到媽媽啦 阿媽工作既地方,嚴格來講都係一個廚房... 不過地方真係好迫...冇咩空間 但係就要成日將D熱野搬來搬去 因為我都搬過,有幾危險我係知既... 仲有,地下一地無時無刻都係咁滑既 萬一,真係萬一... 搬住D熱水一跌...後果係點... 我唔想講啦,因為我唔想發生... 仲有成日用刀,有時唔夠精神 切親手手一D都唔出奇... 輕則...流少少血囉...不過大家唔好以家... 損左少少冇咩野 做呢行,隻手成日都要整野食... 蘸野,調味一定唔少得,有只比D蘸料入少少傷口都痛到7彩... 我呢排就試得多... 重則...少一兩隻手指我真係唔想發生... 呢到我唔想打啦...   可能...你有時會覺得個阿哥,爸爸媽媽好煩... 但係...有時我地都希望你諗下... 我地都想你好...   我今日打左咁多字,講爸爸媽媽既工作 可能你一早都已經明哂... 但係我好希望你...好認真咁諗諗... 現在既你...應該做D咩! 我亦都知... 你係一個唔鐘意比人話既人... 所以...你更加要去諗下 自己條路要點行... 因為今日唔知聽日事... 聽日分分鐘可以少左一個屋企人...   我要講既係咁多... 希望你用心諗諗...   B4USKY(^ ^)v P.S.好似講得太多了 諗呢篇日記,打埋都用左成個鐘... 嗯... 而我自己...都要繼續努力啦! 送比大家"FT2白金版"SS FULL COMBO HAZARD"!!                       刊登時間︰2007-05-15 07:20 PM  [ 訪客留言(2) ] [ 編輯日誌 ] [ 分享至FACEBOOK ] 2007 年 5 月 13 日  星期日                                                   母親節．B4USKY                         又幾日冇打日記嚕 應該係話,想打都冇咩時間打... 一係就太累... 一係就根D同學仔用緊...   好!報告下先!   返下返下兩份 都成兩個星期嚕... 其實真係唔講唔覺... 時間真係過得好快 返市場,放工 返惠康,放工 返到屋企... 訓... 之後又開工... 日日都係咁老實講的確好悶 心入面好想BG4丫! 好想放左工就一個落大埔打餐飽 不過唔得既... 一去左玩就出事架啦XD!   講到返工 唔去過惠康開工 都唔知到,媽媽日日都係果度做 係咁辛苦既... 的確...冇得座 成日十幾個鐘都係係到企... 淨係企,都已經人都癲 真係唔好計埋D變態既工作量... 雖然我都係返5個鐘 但係由8點開始做做做~ 做到可以停一停,抖一抖既時候都已經12點到 = = 我只可以講,果度野工作,永遠都係做唔完 我要比D心機,希望可以幫輕到媽媽啦!   有時望到D小朋友丫,學生食LUNCH 買野食... 可以玩下玩下咁過日子... 真係幸福 希望佢地可以珍惜自己以家既日子啦   不過呢 係果度做野都危機處處 好多地方都可以整親手手腳腳 返左兩個禮拜到 我都領我兩次野啦,真係快... 之前見媽媽介親手...燙傷手... 以家... 真係先知到咩叫痛...   仲有既係 星期二開始會間歇性咁返下10個鐘 者係有時放一點,有時放下6點... 唔... 返多D就多D錢 唔緊要啦 最重要既係,係下晝先可以有時間比我練把... 刀!!XD~   以家好多時候都會同媽媽食飯 多數都上新街市食 貪佢平平地之餘,食完野仲可以出平台傾下計 唔講唔覺... 兩母子其實有好多好多野可以傾 真係好多好多... 我會加油架啦!媽~   媽媽琴日難得放假我都冇陪佢睇戲 又係不考= = 因為太累訓左嚕...XD   工作量多左之後 最近先又心思思想練下DM- -... 不過都係等放假先嚕 嗯~ 諗下,下一個假日點樣去玩下好呢 好想玩跳舞機.... 好想打下DM... 好想PICK下GF 好想練好BM... 好想玩BG4 試下架NSX個SETTTING 好多打MHP2- -... 好想睇下電腦兼換MON   嘩! 真係好多"好想"   好啦!打到呢到 繼續努力嚕!   丫!仲有... 母親節快樂...   噢!仲有... 祝有睇我日記既朋友既媽媽都... 母．親．節．快．樂！   多謝各位觀想在下日記 B4USKY(^ ^)v                       刊登時間︰2007-05-13 03:35 PM  [ 訪客留言(2) ] [ 編輯日誌 ] [ 分享至FACEBOOK ] 2007 年 5 月 6 日  星期日                                                   什麼也要努力的．B4USKY                         工作也要努力...     遊戲都要努力吧...     有時...     輸的感覺真的不好受...       無奈的是...       真的沒太多的時間去練習...和遊玩了...哈哈       最近的工作都不錯...         感覺良好的...^_^"     但是...心底裡的都是向遊玩的方向呢         其實...工作是永遠不完的...       所以...金錢也是賺不完的       可以做我只有努力去幹吧!         有人說過...知識就是力量...       但自己又聽別人說過...       "懂得怎樣運用知識...才是力量"       大家...又怎麼看呢       而我自己就想著...         後者唷       最近由於工作上,時常和媽媽一起...         爸爸下午又沒有上班...         這幾天我們幾個人...     都時常一起吃午飯         感覺上...哈...融洽多了...     大家說話也多了...這是平常沒有的       現在啦...就算工作有多辛苦都好         嗯....     都是值得呢!^_^"       題外                               刊登時間︰2007-05-06 05:56 PM  [ 訪客留言(1) ] [ 編輯日誌 ] [ 分享至FACEBOOK ] 2007 年 5 月 5 日  星期六                                                   奮鬥．B4USKY                         幾日都冇時間打日記- -...       應該係話...       累到唔想打姐...XD!       好!報告一下吧!     先講工作!GO~     返左惠康已經有成5日咁多啦(嘩!真係多...)     做既野大致上都係執頭執尾...   嗯...     其實都OK既...   不過有時諗返起D野放係邊     邊d要做先邊d係做後- -...     有時真係攪到好亂...       真係要快d上手...記熟哂佢地先得...     仲有既係...       唔想阿媽咁辛苦...   以家返返兩份真係冇話慣唔慣...       唯一可以令自己冇咁辛苦既係       就只可以玩少d...得呢個方法係可行既     變相每日放左工就係,訓...同埋訓...         前日同肥銘佢地成班出左大埔打機     主要都係BG4...     係個日...終於都出左KEY(35蚊)     雖然放左兩份覺都冇訓就出 = =...(真係好眼訓)       本想玩到6點就走...   點知都係玩到成9點先散水     而自己係BG4開左既車係...       NSX TYRE R...   之前玩灣岸都好想佢有呢架車用...     但係冇...   不過以家係BG4就可以滿足到我     以家仲有肥銘肥豪佢地一齊玩       真係唔怕冇人陪囉!XD     玩完之後返返屋企都冇訓住- -...       上左BG4個網係到改車- -   改到冇哂D分先收手訓...真DOOM     實在太正啦!呵呵     B4USKY(^ ^)v P.S.快D到10號出糧啦-3-"     本來都想記得好多野落來...     不過...真係太眼訓啦- -,下次記得先打啦-3-"                       刊登時間︰2007-05-05 07:09 PM  [ 訪客留言(0) ] [ 編輯日誌 ] [ 分享至FACEBOOK ] « | 17 | 18 | 19 | 20 | 21 | 22 | 23 | 24 | 25 | 26 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

lapsunpat

nancy978

kitluiangie

wingnmac

sininkcheung

TSZTSZ630

WANSAIKEUNG

kim1801

KakumeiAbyss

dead1324

Nicola2007

cleverluck

顯示全部(26)

» 我的好友