B4uSky : 個人主頁 - 相簿 - 訂閱  [ QOOZA - 論壇 - 登入 ] 2008 年 1 月 29 日  星期二                                                   補打吧．B4USKY                         一月係咁過下過下 又過左一大半... 轉個頭又到二月 回頭諗返下呢個月做過D咩... 又好似唔係好多咁:D   冇打日記呢咁多日都發生左幾多事下 無論打機又好,做野又好 其實都幾多下 記哂佢落來啦!頂~   話買電腦都差唔多話買左半個世紀= = 終於係前幾日入左部新電腦 本身都係預4千頭頭多少少就算數 點知加下呢樣加下果樣差唔多去到5千... 干! 好笑好笑在,落好哂訂之後比細佬提一提 先記得買LAN線 一買又要買兩條,咁又170蚊...ON膠... 攪左一大輪終於都可以拎機... 不過上到去又有GAG事發生= =... 教機個死肥仔都唔知係唔係路 又開又關我部新機... 真係O哂嘴... 之後又攪一大輪先OK拎機走...   吹漲... 返到屋企攪機仲好笑... 肥溫拎隻碟來裝唔到 再O多次嘴...(多謝肥溫出手相助) 再攪多幾日個WINDOW 終於OK 謝天謝地...   電腦整好左 之後又教埋部舊電腦入房 又拉LAN線又呢樣又果樣 順個手汁埋個呢二年來都冇整理過既房間... 一係唔汁...一汁就攪左我幾日... 掃出來D塵真係多到你唔信... 不過我仲估唔到既係...我食左咁多年塵都冇咩事= =...(囧) 經過連日以來既整理 以家間房先叫做見得下人... 真機車...攪到我HIHI 不過期間都好多謝我細佬幫手   事隔幾日之後拉埋肥溫,細佬再出MK搵喇叭 之前係上水同細佬都睇過好多喇叭 但係一係就CHEAP雞到死,一係就貴到飛起 ON9! 一係就鬼死咁大個BASS...咁大真係托咩? 到左MK食過好好味既牛什就直上電腦中心 上到去都係睇中一對... CREATIVE 既 GIGAWORKS T20 <---$580 單元 之後仲見到有 兩個單元既...T50 <--- $980 @0@"點買!? 不過兩單元個外型真係正到爆...超正! 之後再行多一陣諗諗先買邊隻 到左最後都係決定左買一個單元就夠 跟住我去買,請看以下既對話- -... 我:唔該,要呢隻既喇叭....兩對丫! 收銀:好丫....(呆左一下) 下!?兩對!? 我:係丫...(囧) 路人甲:嘩!買兩對!?唔係一齊用架下嘩!? 我:哦...梗係唔係(實質就真係一齊用= =) 路人甲:嘩!你炸到飛天都得啦!(靠杯!咁Q多野講架) 我:@0@<---(扮出來既) 收銀:多謝你1176丫!兩對... 我:哦(收錢啦!PK)  - -真係好好笑! 到拎住兩喇叭走果時...超多途人既目光望住- -(算點丫!?) 返到屋企即刻試音 細佬即刻炸左一陣! 而肥溫就接收左我一SET舊喇叭走!(都幾大袋野架:D)   總結來講,電腦方便可以話差唔多OK哂 實在太好啦 遲下POST相上來比大家睇睇間房+電腦枱果面果樣 :D 打住咁多先!聽日打講打機方面!加工作   以上!   B4USKY*:D                       刊登時間︰2008-01-29 09:35 AM  [ 訪客留言(1) ] [ 編輯日誌 ] [ 分享至FACEBOOK ] 2008 年 1 月 10 日  星期四                                                   最近 ．B4USKY                         :D 呢期細佬興起左呢個:D<---攪到我都成日用埋 好好笑 呢期都係係咁努力慳錢儲起D錢 準備家中增添第三台電腦 雖然話以家部"老伯伯"快要退休 但係我都會比佢好食好住既 佢壞左,我一樣會拎佢去整   WOW方面GG場同波波佢地大家既努力 終於首次上到1710 :D 超開心囉...大家一直以來死沖爛沖戰場打榮譽 講真係一句打戰場來做咩!? 就係打裝打GG場,同對手死過 \  口  /" 以家每日星期個結算都有進帳... 大家有進步已經好好啦:D 細佬之前講左一句說話... 與其龜分,不如推分... 的確...好有道理 好期待下一期既GG場:D 22都同細佬1799啦 :D武器 GOGO!   工作方面 過完年每晚都多貨到HIHI...:( 5,6百幾件貨都係得3個人送貨... 真係辛苦到HIHI... 重要既係,2點開市之後兩三個鐘都冇咩生意 到5點幾開始個賣手先開始賤價散貨... 老實講... 得3個人手真係應付唔到幾百件貨 呢幾日都冇咩點過漏過貨應該要偷笑... 呢幾日真係辛苦到...:(無言...   呢幾日唔係細佬提一提我有人仲有錢未還比我... 我真係唔記得... 唉...果4千銀幾時先返來!? 我真係唔想死追爛追 我好希望你好有自覺性咁還 我年半前借5千比妳... 妳一開聲我就去撲水比妳 到妳過左一年先還返一千... 一個月每日留返起幾百慢慢還都唔得!? 有時D野...妳咁大個人...希望妳明啦下... 以家問人還錢真係慘過"能"   唉 以上!   B4USKY*                       刊登時間︰2008-01-10 09:51 AM  [ 訪客留言(3) ] [ 編輯日誌 ] [ 分享至FACEBOOK ] 2008 年 1 月 3 日  星期四                                                   新一年．B4USKY                         2008年無聲無息就咁到左 先同大家網友講句新年快樂 真係弓起弓起   12月31日 除夕夜果晚幾經辛苦先拎到日假放 果晚真係玩到夠哂盡興 睇煙花打機真係樣樣都齊 可惜既係套"異獸戰2"真係平平無奇=.= 一如所料比唔到驚喜我... 真係有D失望 臨到踏入2008年果一刻 全人類一齊數10,9,8,7,6,5,4,3,2,1,0 果一下真係好深刻 因為好耐都冇試過啦 不過可惜既係睇唔到灣仔果面果D煙花 但係我地尖咀呢面都唔差 都有"龍吐珠"睇 倒數完全人類一齊返返去波波屋企玩下半場 不過返去都用個成2個鐘先得 真係難民咁多人...=.= 一上火車我已經訓到隻豬咁... 到左波波屋企 由於太大風又凍...我真係頂唔緊 上左波波間房度就又訓過 以家諗諗下果晚真係失敗 不過都睇到侏儒2008年1月1日就表演沖凍水涼比大家睇 好野好野!咁樣你都冇病到... 到自己醒左既時候已經係2點幾 同波波SAY個BYE就拉埋鈿佬返屋企 返到屋企又見到成班難民ONLINE 之前個個又話累既...機車! 攪哂D每日任又訓覺開工 1月1日就係咁度過左...   1月2日 返工放工又訓過... 好平淡咁過左一日休息一下!   1月3日 今朝開工唔知咩事- -!? 機車...市場錄得既氣溫只有1-2度.... 真係揮得手SAY GOODBYE... 返到屋企即刻進入冬眠MODE....     總結呢講上年既除夕都過得好好玩 真係好多謝大家出席 由於準備既時間真係少左好多 係度同大家講聲SORRY P.S 細佬!弓起你WOW 上左2000拎埋肩膀,三國大戰上左14州 今年要上霸王啦!   以上! B4USKY*                         刊登時間︰2008-01-04 08:55 AM  [ 訪客留言(2) ] [ 編輯日誌 ] [ 分享至FACEBOOK ] 2007 年 12 月 26 日  星期三                                                   點點．B4USKY                         好快又好快 2008年嚕 26歲仔都來緊 下一年訂立左D目標要去努力實行 實行來一個大滿貫!!   呢幾日都冇打日記 因為一來工作又忙 WOW又忙= =...真係24小時都唔多夠用... ONLINE GAME就係咁... 以家都叫做兩面都顧到 不過就真係少左好多出街玩街機咁 DM,BG4果D可以話完全冇掂過咁滯... 但係有時一諗到要到老遠先可以玩到就想休息下就算 呢兩三個星期都放左細佬唔少飛機... 無奈地真係好累好眼訓...希望大家明白...   最近既WOW都算係進度OK 係奧山周又加埋細佬幫手掛戰場既底下 D散裝飾品都已經原全換哂 以家加上公會又開始開25人...哥魯爾又開荒成功 真係可喜可賀 不過我一之後一定會步細佬既後塵... 就係跟副本會跟到暈= =... GG場方面... 由於以家都係季初... 個個人打分都打到爆哂頭 我同波波佢地個組合打生打死先KEEP住係1600既水平 真係MO CHI CHI! 不過一句到尾... 係大家都未齊S3之前...打到呢個水平已經好好 都係裝齊既時侯先發力沖上去啦!   最近自己都開始做多左運動... 不過一時之間沖得太"行" 個身體唔係咁適應到... 一玩玩左4個鐘到(羽毛球) 以家都到抖返3,4日先好返DD= =... 以家D肌肉真係痛到丫... 不過如果冇返工會好D既咁又... 講返果日打羽毛球先好笑 真係HOHO SUI 而且當日相當人齊 出席有(我,根,鵬,輝,婷,貓,YO,芷欣,茄) 打4個鐘轉4個場相當刺激 最尾仲來左個男女混雙 個結果係和氣收場,大家都1勝1敗 肥鵬(你D擊球姿勢好好笑) 芷欣(比我地攪到左仆右仆) 輝輝,阿婷(深藏不露) 蕃茄(原地打都嬴你"蕃茄ZONE) 樹根(唔該你地打好D啦 BY 根) 貓(嘻嘻...) YO(小YO......) 我(打到仆$%^&*() 總之就係好好SUI!   雖然以家都已經係聖誕節 但係我自己都要開工咁過 冇計啦... 唔開工又冇收入 加上就算放左假都係係屋企訓... 出尖咀既話...睇報紙都知啦 10幾萬人係出面... 不過呢... 係少左一份節日氣氛既~囧 但係...除夕夜會來一個 (十二月三十一日除夕夜打啪啪機打到過埋2008年團) 有興趣者請CM一下我報名! 地點:尖沙咀!   高清電視既日子就快來臨 不過我以家連部電視都未買得起 到要買果時真係要做多份工先供得起佢 但係以家又話要整多部電腦先 咁又係既... 繼續用以家部電腦玩WOW做其他野 真係GG場10000分都唔夠輸返落去! 所以以家真係打少左好多機 連自己最想玩好既三國志大戰都係兩個星期先出去玩一兩舖 自己D技術真係有待磨練= =...囧 遲下屋企有三部電腦... 歡迎大家上來EAT WOO   最近唔知個老豆咩野事- - 郁D就媽到我飛起... 有次佢檔口少左個人開工搵我幫... 但係我果日勁累勁眼訓... 果日我自己都係岩岩放工冇耐- -... 之後佢發脾發不特止... 仲唔睬左我幾日...我真係O嘴= =... 你自己份工有人潛左水冇返你就唔吊果條友... 就吊個唔去替你工既人...冇野丫!? 我替就人情...唔替就道理... 有咩理由係我錯先!? 人...個心真係難明= =...妖S 我自己本身都唔係咁鐘意返架啦 果檔野條PK又牙刷刷 我黑左佢好耐你唔知咋...老爸= =...唉!   以家乜野都貴D PK... 有時出街想上下倉都要計住計住 無他既... 收入少左就係咁... 又要買電腦電視... 兩個細佬一個就冇哂收入咁...但係有又問返轉頭拎... 一個就等住消息先... 其實我自己一直以來都冇咩所謂 家用比到就比...比唔到就真係冇 老實講...以家我自己都已經好少好少自己一個人出街玩...買野 以前既我好鐘意一個人買野,行到邊買到邊又食到邊...幾過癮 以家屋企又發生左咁多事 又話乜乜物物都要錢 你地有時唔比壓力我都冇咩問題... 如果一有既話我就真係唔受得幾多... 幾時玩完真係冇人知道... 我都係人來架 我都想將自己搵返來D錢點用點用 我媽媽就成日問我,點解你好似都儲唔到錢咁既... 我就只可以講一句說話就係... 唔好問我...問你自己既屋企人! 係日記我就唔想多講... 邊個唔想日日可以係屋企打機... 邊個想半夜就走出去開工捱凍淋雨 邊個唔想話要乜就有乜 想玩乜就玩乜 有時我真係想問大家一句... 你地自己又做過D乜野!? 仲有既係唔好郁D就吊7我...       ......... 太多唔開心既事都發生係自己身上 好似果日打羽毛球咁... 出哂力咁打 - -...不過打完個FEEL好好 果日我每一球都出哂力打咁滯 攪到以家打完咁耐都仲痛緊- -囧... 算啦...   都係希望在明天! 以上! B4USKY*                         刊登時間︰2007-12-26 10:55 AM  [ 訪客留言(3) ] [ 編輯日誌 ] [ 分享至FACEBOOK ] 2007 年 12 月 4 日  星期二                                                   空白．B4USKY                         踏入12月 意味住2007年好快就會過... 都係果句啦 呢年又係覺得佢過得好快 點解會咁架呢!?   天氣終於係咁以凍返少少 咁先叫做冬天架麻 不過一到左中午就一樣咁熱 攪咩!?但係朝早開工的確係好凍 有一朝得12度...凍到震   返返下漢華又話少貨叫我休息... 抖左兩日後以家又返第二檔 今年轉檔口真係轉到暈 仲有既係呢檔既人工少左DD 變得有D壓力嚕 希望呢檔可以比我好好地咁做落去啦   天氣凍左都少好多出街 實行全力玩WOW 第三季GG場係早幾日已經開左 之前真係好多謝我細佬幫手打戰場 終於都儲到75000榮譽 更新左之後即刻用左6萬幾榮譽 真係機車到非常 以家隻戰士即時勁左好多丫!好開心唷 S1 3件 S2 1件 S3 1件...囧...好好笑 上星期打卡拉一口氣拎5件防裝 靠杯!發到豬頭唷 不過以家諗心一層... 付出左好多時間先有今日既成果...   由於返工加WOW已經用左好多時間同精神 有時想出去操下街機又或者做下運動都懶XD 嗯嗯... 要好好咁分配下時間先得!   丫! 幾時可以同大家一齊出去玩下拍拍機打太鼓丫! 有時落到機舖成日都係自己一個人玩 真係好悶... 好想好似果日大家BBQ完去尖咀打機果日咁... 咁開心,玩得咁爽!     ...... 屋企既煩惱依然存在 但係當時人以家仲係懶得去處理... 我唔知點好... 危機隨時埋身... 以家好似等緊人上門咁... 驚又唔係,唔驚又唔知點咁... 最近唔知係自己既問題定係人地既問題... 我竟然可以因為小小事而罵到自己個媽媽PK... 我錯了...原諒唔到自己... 呢D事唔可以再有下一次!!     最近都係煩惱多多...   以上!   B4USKY*... P.S 唯獨係睇住自己個日記... 個心先會靜落來...                       刊登時間︰2007-12-04 09:19 AM  [ 訪客留言(2) ] [ 編輯日誌 ] [ 分享至FACEBOOK ] « | 7 | 8 | 9 | 10 | 11 | 12 | 13 | 14 | 15 | 16 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2015 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

xenvirea

lacus21

cleverluck

johnnyhui_yi

Yvonne1989

kitluiangie

sininkcheung

wingnmac

Marilyn

Max1324

HIMIKO

lapsunpat

顯示全部(26)

» 我的好友