2月就咁無情咁來左...
日子真係過得好快...
呢排天氣亦都凍左好多
提醒一下大家要注意多D天氣
不過以家咁凍先叫有D冬天FEEL
哈哈
但係我一D冬天出街既衫都冇...囧
今日呢篇日記都係講打機多
可能會有少少悶...
不過以下都係我一直想同有玩魔獸既朋友講
2008年1月2日...
FANTASIC公會正式成立...
當時公會會長係龍兒...
但係以家變左係"佢"
而且係我地一班FD終於可以開得成既公會
意義重大
時至今日
公會進度非常好
卡拉可以開兩團,ZA首次拓荒推到3王,直至2007年1月30日首拓25人副本戈魯爾,即日推到
初出矛燼的一個小小的公會....
時至今日有咁好既成績
都係多得大家既努力,同埋背後...
係出現以上成績前,默默耕耘既佢...
一個公會既成長
由收人,組團打副本
當中付出既心機,時間,耐性,呢點先係最重要!
要有付出幾多,同埋要係咁短既時間內
達致大家今日有目共睹既成績
我想講既係...的確唔容易
當然...
有好既事,當然會出現壞既事...
呢次既佢
無論開公會...
突然當上公會會長...
一切由零開始...
由收人...
以至出團10人/25人副本...
到帶領大家打每一個副本
照顧會員...
仲有好多好多...
咩野都係第一次做/當上
難免做起上來會有好大壓力
而他都可以撐到今時今日...
加上打副本行每一步路
萬一出錯...24人就要一起陪葬...
而且要應付所有人既心態
要用什麼方式去對每一個人
當中就難免都會發生一D沖突
呢D都係要面對既其中一環
壓力...
其實到最後
亦都難免會出錯...做出一D令其他人反感既行為...
但係講到呢到
大家又有冇諗佢...佢點解要咁做!?
佢一直以來既付出,浪費精神和時間
係為左D咩,又係為左邊個?
老實講句,佢以家玩魔獸,玩到隻角色有幾盡,大家都應該好清楚
佢亦都可以唔理個公會
自己做返自己想做既野...
想打副本,GG場,戰場...想點就點
但係到返最後,佢都係去為大家開副本,組戰場AT,為大家解任務,為大家開一個公會一個大家庭
仲有大家什少接觸既...25人副本...
但係佢做以家既野
難免對大家既態度,語氣會重左同埋差左...
的而且確...係你地既眼中,佢係錯左...
但係...係我眼中...是對的
佢有時都對我講野既語氣好重...
說話好難講
簡單來講就好似打22
短短45場入面,就可以帶領到我升到1850呢個階級
當中個過程,佢緊係有對我語氣差
加上我係佢哥哥,我當然反感
但係到我諗心一層既時候...我有時的確係做錯左...
佢話我就係想我好,佢唔話我,唔同我講,我就永遠都唔識去改
佢認真同我講野,語氣加重,係想我要好好咁去注重我呢個問題
到以家今時真日...
我闇命既角色,都成長起來...
無論副本,GG場,戰場...好多我之前成日出錯既地方...
以家都得以改善...
仲有,我以前係好怕打55GG既...
以家唔怕不待止,55既成績仲上到1729,已經好過以前每星期都係係1400-1500呢個階級...
多個月以來既努力,佢一路既提點,都係功不可沒...
冇佢,就冇以家既我...
但係你地作為佢既現實既朋友...
有冇諗過...佢點解要咁做!?
佢點解要咁認真,用咁既語氣去同你地講!?
就係因為想你地好,當你地係朋友先咁講...
唔通...
一直以來,你地成班就冇做錯過事!?
係邊個一直以來都接受你地,包容你地!
有事開聲要幫,佢一定絕冇托你地手掙(無論現實,魔獸世界)
就正正因為以家你地覺得佢做錯左...
而你地又冇同佢慢慢咁傾
反而各自係到自己攪小圈子,攪分化...
我想問你地,你地當佢係咩?你當他是什麼?
講到呢度我對你地好反感(無論現實真人,魔獸世界既角色)
你地都唔會做錯事架?
你地係魔獸吊人老母就天公地道!?仲有好多野
你地自己既個人宗旨去哂邊!?
你地錯就OKOK
佢錯就攪小圈子,分化佢一個!?
唔該你地諗返起以前...
佢點幫你地(60LV果時開始到以家)
我只想同你地講一聲
佢係當你地係朋友先咁同你地講野...想你地好!
唔當既就話之你地啦...
仲有唔好有口話人冇口話自己
你地自己心入面有冇話憎邊個憎邊個...
就好似以家某人同某人又做返朋友咁...
真係新一年,新景象?
如果除夕果晚冇約大家出來...
你地又會唔會自己攪一團出來玩!?
而以家大家又會變成點!?
你地有冇好好諗過...!?
唔該自己心照...
到以家佢做錯野...你地又咩態度對佢!
你地既包容,接受,去哂邊到?
佢一直以家點對大家,大家應該好清楚好明白
因為我都睇到好多野...
知唔知一個人帶領整個公會
打副本,同埋另外為大家預設既AT戰場...
果種辛苦壓力...你地又明唔明!?
帶大家打已經係好難
加上以家好多都係第一次做
咩都係岩岩開始
個過程有幾難,你地又有冇去體會過
壓力又有幾大你地知唔知!?
仲要打得順,推到王...等大家有寶齊齊分...有榮譽齊齊分
仲想點!?我問你地仲想點丫
淨係玩一隻GAME都可以睇到佢點為大家著想,去付出
你地自問又可唔可以做到咁!?
倒頭來,打王打唔順,副本個進度又差...個個死得超大!
倒頭又係會指向邊個...
到最後...
要受既,咪又係佢一個人受哂...你地又明唔明
感唔感受到!?
以家你地反而冇同佢分擔以上講既壓力...
仲要返返轉頭怪佢做錯果少少野...
你地係唔係應該都負返D責任!?
仲有大家又記唔記得...
之前有人話想攪返起個佢個公會...
但係...
佢以家又攪成點!?
大家心照...
你憑咩去攪?攪你D小號啦
當然
每一個人玩魔獸都有自己既原則...
但係,就唔好遺背自己既(現實)良心
魔獸入面既角色,就係你地真係既倒影...
呢個大家應該都一早知道
以上我講左咁多野都係我一直想同大家講既野...
當然...有人係唔會領佢情,繼續我行我素,自己就是原則
但係...要做到好似佢付出咁多,又有邊一個可以做到!?
仲要係玩GAME都要先放朋友做出發點既...
希望大家真係可以好好咁,自己一個人靜靜咁諗下
一直以來,係有一個唔計回報,想同大家好好享受魔獸既人存在...
令到以家大家玩魔獸都變得咁多元化既...又係邊個...
到最後想講既係...
雖然大家玩game個目標,心態都好唔同...
但係..."佢"個想法,心態就係我以上所講既所有野
你地可以話唔一定要領情,我覺得唔緊要!...
因為呢次呢件事而令大家都冇朋友做都唔緊要(包括我)
但係"佢"對大家個心就係咁...
他對大家...
就是如此 認．真 和 著．緊
不論現實＆魔獸世界
大家好好咁細想一下...
要講既就係咁多．．．．
以上
B4USKY*:D
（就算第一次打好哂咁長篇野變左亂碼．．．．）
（我都要再打多一次比大家睇．．．）
（呢篇野已經打左兩次了．．．）
