2008 年 6 月 23 日 星期一 
想．B4USKY
6月22日
早上約6時左右...
公公...
那時的你,正在想什麼啦?
最後的一刻,你又想著誰嗎?
你獨自離去的一刻...
是抱著一個什麼心情的啦?
...............................
總覺得,身為你的長孫兒
一直以來沒有什麼給過你...
也沒有什麼送過給你...
真的是十分不中用呢...
這天,你已離去...
我還沒有給你看到我的兒女呢...
四代同堂的感覺是怎樣呢:D?
嗯,不中用,不中用...
公公,你的孫兒在想你阿
你知道嗎?
現在我只可以,希望你能夠安詳的說
在另一個世界...
健健康康...
開開心心...
不用擔心你的孫兒們了,知道嗎...
我們會聽話的,我會的
也不用擔心婆婆啦
有你的孫兒在阿,和你的子女
路,好走的啦...
公公,安心上路阿...
公公....你的孫兒在想你阿...
真的...
B4USKY*:(
2008 年 6 月 16 日 星期一 
壯志飢餐之地獄x,丫唔係,是粟米也!B4USKY:D
連續呢幾日以來都係...
落雨落雨又落雨...
但係我放左工之後又鬼死咁好天
之後到中午12點幾到仲出鬼死咁猛太陽
之後到我訓醒返工跟住先來又落過...
喂!
係唔係睇住我開工先來落雨先!?:(
______________________________________
魔獸呢幾日都係打黑廟多
以家暫時推到"盒子"是也!
果晚打到P2得返十幾%血已經OKOK
希望下次可以推到佢啦,唔好耍腦殘:D
GG方面好快又來第4季,到時又有排攪付魔!GOGO!
希望細佬如無意外可以了左佢個鬥士夢!
______________________________________
講返係早兩日我突然提出既"壯志飢餐生日團"先
就係琴晚16號係聯和墟到上演左:D
出席既人仕有:樹佳,樹根,肥豪,肥銘,肥鵬,肥溫,波波,熱狗,侏儒,阿華
一行人等左差唔多成個幾鐘先入到去
不過都無損大家要飢餐一番日本放題既心情
之後等丫等,8點鐘!吉時已到,殺入戰場丫!
一入到去,侏儒隊長先行帶領大家點野食...
係咁寫係咁寫
而我地既肥銘軍師就係到為大家準備必殺武器
"WASABI":D
數分鐘之後,敵方既大軍已經殺到
對方既人數眾多,種類繁多
有串燒大軍,壽司綜合大隊,仲有敵方既主力
魚生軍團!!!!!!!!!!!!!!加上佢地後援又有水軍壓境(汽水,果汁)大約有9-10隊!
但係我地眾人都不甘示弱
拎起左我地既武器!(快子)
作出全力既反擊!
係第一輪既攻勢入面,一直持續左半個小時
我地先有樹根中尉,不支倒下...
餘下9人繼續力戰對方...
之後既第2波攻勢
敵方開始採取動野野生動物作出攻擊
包括有牛,仲有秋刀魚!
最後肥豪伍長更個人1ON1巨型秋刀魚
更得到眾人既掌聲
不過...都不及一個人對上3條的隊長...侏儒:D
.............
最後,眾人經過一小時既戰鬥,都相繼倒下,力盡...
但係依然有烈士對一種敵人存有興趣...
對方就係手無寸鐵既小兵..."粟米醫療兵"...
波波更帶領其餘既隊友,更把"粟米醫療兵"既屍首...
插上勝利既戰其....=.=囧!
而整個"飢餐"團,來到呢到,亦都接近尾聲:D
總結來講,我地一行十人殺敵無數
就連對方既基地出兵既人手都大為不足...
到左後期對方既質素亦都有所下降
對我地來講,真係有D可惜:D
哈!哈!哈~
____________________________________________________________________________
以上只係我無聊既惡攪之作
我諗都係只有有去既人先會體會得到:D
一行人食飽飽之後就過左88打機
又DM又灣岸
打灣岸先笑到我地成班叭街
個個都用原裝車來對戰
又夾又頂!笑到HIHI
不過之後都唔知好唔好笑
有個女仔用左架FULL TUNE既R32對肥銘,侏儒,波波佢地3個
我只係想講果女真係又ON9 又MK囉- -
對3個原全都冇玩過灣岸,仲要係用原裝車既玩家玩!?
就算係妳係起步果時讓佢地3個又點丫
10秒都比你追返有突啦= =....ON9
之後個女仔係一路玩果時同佢個FD講
妖,都唔好玩既~.........
我聽到真係火都來埋...
到佢地3個輸左之後
我心入面有兩個諗頭
1,比3部都係FULL TUNE既車比肥銘佢地3個再挑過果條女
2,就係我自己親自落場同果條女玩返場
雖然我自己真係好耐冇玩灣岸
但係我覺得自己都未至於會輸比佢
見佢係箱根係咁撞就知咩事....
不過,我最終都係冇做以上兩件事...
因為,條女係要型既,我咪比你班囉,遲早實有人收下你皮!
玩完灣岸一班人過哂去玩GSD
又係好HI又好笑
根同肥豪佢地分別同人1 ON 1
之後到我同細佬落場SM返人地
哈哈~
我地係出面都比人SM得多啦,今日終於可以SM返一D自視過高既人:D
打完機大家都各自回家
今晚真係好開心好好笑!:D
___________________________________________________________________________
P.S.
最後,都係到再一次同係呢個月生日既朋友講聲
生 日 快 樂!
仲有既係,雖然呢次生日食飯團都來得好急,好突然
不過大家都可以抽到時間席來食下飯,聚下,真係好多謝大家
我自己都估唔到可以有成10個人來食:D
來緊既日子有好多人已經搵到工,準備接受新既挑戰
係度都祝大家係新工作上有個好既開始!:D
謝謝大家
___________________________________________________________________________
以上!
B4USKY*:D
2008 年 6 月 13 日 星期五
煩．下雨天．B4USKY:(
今日返返工又係落大雨...
頂...
落雨真係好煩,對於我返工來講
不過落雨又有可能係對其他人有益處
起碼香港D水塘就唔會因為冇雨落而冇水- -||...
__________________________________
比雨洗禮左成朝之後終於放工...
返到屋企呆左一陣心郁郁上操DM
個詳情就睇返上一篇既日記"DM篇:啦:D
__________________________________
打完機就返屋企MSN左一陣
突然諗起呢個月細佬班同學有好多人生日
有肥豪,肥銘,侏儒等等
即時即興拉大隊來個"壯志飢餐,日本放題任食團"
之後放MSN出去比大家
到左中午個反應幾好
以家已經定左係6月15日 星期日食
地點係聯和墟 日本放題
價錢係 118 免收加一,任食任飲
大家一於食Q到佢汁笠!!!!!!!!!!!!!!!:D
__________________________________
MSN完同細佬開打22
係頭6場打到206X之後
就狂輸比一兩隊法賊...
起碼冇左百幾分...
之後再對一隊ON9戰牧....
都要輸埋,跌19分...
即刻冇哂心情打...走去訓...
入到房係訓之前諗...
自己根本係唔係真係冇技術!?
定係自己根本係呢方面完全冇技術
定又或者係比法賊食戰騎...
訓之前個心超亂,仲有既係...
超 唔 憤 氣!!!!!!!!!!
_______________________________________
訓下訓下 細佬叫醒左我
果時已經9點幾...
即刻上線打黑廟...
點知淨係得我去
細佬就因為整電腦而攪到遲左上線冇得去
點知打打都係需要細佬去幫手
之後推左兩隻王係12點就KO收工!
聽晚可以打"盒仔"啦
好期待:D
_______________________________________
P.S.雖然打22 GG真係好難同好辛苦...
仲要好講兩個人既合拍,默契,技術...
好多種種既因素有待我自己去磨練...
雖然個過程會好辛苦咁...
但係我都會去努力嘗試!
以上!
B4USKY*:D 唔好再落咁大雨啦 大佬!
2008 年 6 月 12 日 星期四
66月天．b4udky*:D
好耐好耐都冇打日記嚕~
話咁快又到左六月!
最近都發生左好多好多既事
真係要記一記底佢地...
@WOW
呢排都係打魔獸多
除左返工之外都係玩魔獸
不過魔獸都發生左好多事呢
先有細佬幾經辛苦之下
終於都成為準鬥士
55 戰績 2490 總合群組排第9名...
老實講...我真係好服我呢個細佬
佢係呢方面我覺得佢真係好有天份
如果現實中有類似既野可以比佢係呢方面可以發揮
就真係好好
但係...遊戲還遊戲...現實還現實
希望佢可以好好繼續努力落去
P.S.細佬係三國志大戰入面...
亦都升上 "霸 者" 弓起!:D
睇住佢升果一下,真係好感動,因為...
佢終於都叫做對自己有個交代...
_______________________________________
呢排都有同細佬一齊操22
不過都係比佢後指我多D
因為我自己本身個質素唔係太好
開起戰上來有好多細微既野都做得唔好
不過細佬都好用心咁講解,同指導
畢竟,我身邊每一天都有一個鬥士係我隔離:D
我都會加油架!
_______________________________________
又係另一方面
有一晚我請左假同肥豪,侏儒,細佬,我,加埋波波
係我地既變態集火對手既戰士底下
我地小號55既戰績打到上1900:D
好好玩,好好笑!
我,侏儒 都買到武器 S3的呢!丫哈哈
而細佬,"力王"就唔夠分...好好笑...
講真,真係冇諗過小號都可以拎武器,以家仲話要沖埋個肩返來!
好!下星期大家打上2000 趕上尾班車!
不過,都要多得細佬諗到4 DPS 打55先得既:D
辛苦大家了!
_______________________________________
自己以家都開始有跟返25人
打海山,打黑廟...有細佬陪,仲有肥豪TIM
都係多得細佬組我,同肥豪入公會
以家我隻薩滿同一個月之前真係差天共地...
D裝備真係換左好多好多
我又有T6手
肥豪又有T6頭:D
好幸福丫!
但係以家都幾辛苦架...因為晚晚都要9點開組
又或者8點半
不過,辛苦魏返來既,係值得既
有幸推到海山5王,阿克....果一下真係好開心...
不過,點解唔出T6頭比我!!!!!!!!!!!!!!!
______________________________________
DM方面
鼓呢,真係好耐冇打嚕
係有時一大班人出街打機先間唔中掂下
早排玩返都好多歌打唔返...
雖然係意料中事...
但係,自己打唔返出以前打到既成績出來真係唔好受...
好似FT2咁...以家打極都係B...以前下下都A
CIB竟然過唔到...中段就死...
TP2仲要打埋C出來...ON9....!:(
就係咁易睇下上面D所謂既成績...真係屎到暈...
所以,今日把手一橫決定每日放工之後都要操返下!
就係有返呢顆心!
今日既戰績如下!
FT2 打返A
CIB 過到!
淨係做返出上面兩樣野我已經開心到爆
以家都決定左每日,又或者隔日去操返下!:D 加油!
_________________________________________
好!講下返工啦
WO~呢排就多時事發生嚕
先係因為檔口唔夠人,咁我要搵人啦
原本係想搵肥溫先既,點知就衰在
收到一個識左成十幾年既老朋友...阿炳啦
之後又聽到佢講咩呢!?如下
冇錢
又想結婚
差好多人錢
想搵多D錢
唔怕辛苦
點都會做 .......之類啦
好啦,見係你以家個景咁差- -....新人都用你啦
點知就出事......
先返左一日,就話累....好!比你放一日
之後又返左3日,又話又抖,去街睇戲,好!比你去
之後又返3日,突然係開工前打比我話唔返(果日落狗屎咁咁大雨)
好!又之後果日,又係開工前打比我話:我搵到份酒店做,阿佳!我唔撈啦!
OK U WIN!!!!!!!!!!!!
你叫我點同人交代丫 炳哥!?
又話唔怕辛苦......!?頂你個肺...
真係講起就慶....
總之果幾日我就做到HIGH HIGH!
真係唔搵你返都冇咁辛苦........
唉,撞鬼!
________________________________________________
@生活方面
嘩!上個月真係破哂產咁滯
真係唔用過咁多錢先唔知到自己原來係搵咁多- -......
先係上個月頭買左兩張都算係幾PRO既電腦椅= =....
多謝 $1118.....
之後,係DOUBLE PARK 買左 兩對鞋
一對我 一對細佬
之後仲有一頂帽.由於要買夠1000蚊先可以JOIN會員
噢!又!$1165
跟住再來既係三國志大戰3 官方卡薄DX版
多謝$1180 之後買埋 三國志大戰1 官方卡薄(不過係二手既)
不過比我係MK搵到都算係我好彩:D
在落來既係熱狗幫忙既三國愨大戰2.1追加頁
又來$720:D好爽丫!
(在此鳴謝熱狗幫忙係台灣由買到運埋來HK THANK YOU)
再來出糧比媽媽 數目不便透露:D
WO !!加加埋埋,都差唔多用左成皮野.......ON9
咦咦~仲未計出街打三國果D喎:D丫哈哈~
__________________________________________________
雖然上個月都發生左好多事
我真係記唔哂:D
有開心有唔開心:D
唔多開心既都應該係輝輝幫人攪生日最終都比一場雨攪亂哂...
最終都係取消左真係好可惜...
不過啦!係到都補返一句 阿彤!
生 日 快 樂!:D
________________________________
喔~6月又差唔多過左一半啦!
我都要加油唷!
以上!
B4USKY*:D~
2008 年 5 月 20 日 星期二
時間巨輪．B4USKY
呢兩晚都落鬼死咁大雨...
貨又多,做野又做到勁忙
每一個拍檔包括事頭婆同埋佢個仔都做得好辛苦
好大壓力...
仲未計埋果D又扮Q哂病唔返工果D拍檔A,同拍檔B
老實講...
係斗話唔辛苦就真係同自己係度講緊大話...
但係我作為一個打工仔
逗得人地份人工
就應該做返好自己每一日應該要做既野
同要盡既責任...
我更加唔想比到壓力任何人
包括我自己!
________________________________
講起事頭婆佢地
佢個仔係呢個月頭生左個BB女
不過原來生左個B
要做既野同承受既壓力都幾大
就簡單來講
睇事頭婆同佢個仔每一晚返工係咩樣就知咩事- -
先唔好講佢地點照顧個BB
淨係以家市場晚晚都咁多貨要賣
又有時佢地伙記又攪咁多麻煩野出來...
壓力真係幾大....囧
仲有淨係又照顧返個媽媽既3餐,又要話坐月
又有好多野唔可以食,又唔可以做之類...
嘩...我每一朝都聽聽埋埋唔少:D
不過都好既,比我都知道好多生B要知既野
有D咩做得,有D咩唔可以做
因為...
我都會有咁既一日:D
___________________________________
琴日同細佬,加埋致命魂打33GG
個勝率都係半半波咁啦
細佬話,打戰賊騎
戰同賊既個人技術都要幾高下
無奈地我自己既個人技術真係唔高...
PVP同人單P真係少之由少...
冇計...我都唔想...
不過,細佬都好用心教我要注意D咩
係咩方面要提高一下水平...
我自己都承認以家係顧隻小號顧得太多...
自己都變得本末倒置了...
無奈自己真係付出唔到咁多時間去玩
以家都係決定左玩好隻戰士就OKOK嚕
好好地咁享受斬殺人既快感啦:D
_________________________________
講到呢度...
真係不得不提一下我細佬
的確,兩兄弟真係冇咩點計...
無論生活上,相處上,遊戲上更係係一個好好既競爭對手
雖然係打機方面,好似打三國,DM丫,GSD,屋企既上至電腦,下至PSP,PS2之類
由開始玩到以家...
都用左好多好多既錢...
計起上來都用左好多...咩都係買最好既...
不過我覺得...冇所謂
細佬又以前咩都唔為人著想既
變得以家好識得點去用錢,用比較著實既方式去用錢點去玩
好似呢排都傾開工國D新卡點樣點樣
的確,我知道佢好想出去試新DECK
但係無奈以家D新卡既定價都幾高下
但係從我同佢討論點去砌DECK同個成本
仲有未計入錢落部去玩:(
細佬都好識得點為我去著想
我覺得,雖然係大家既眼中可能只係覺得係好少既事
但係自己身為哥哥見到自己既細佬都識得為人著想
識得去衡量一件事既輕重....
呢D野,只有兩兄弟先至感覺到....
___________________________________________
講下自己個大細佬啦...
琴晚同屋企人食左一場便飯
從婆婆口中得知,阿公已經冇咩大礙
婆婆總算都可以食返餐安樂茶飯:D
食到飽哂知道阿基都來食野
不過我已經食飽哂
咁之後我同樹根就走左先
出到門口見到阿基...
第一下個感覺真係好陌生...
雖然...佢以家冇係屋企住
而且,我都好少打電話比佢傾下近況咁...
老實講,我連佢手提我都唔知
其實無論阿基佢之前比到幾多幾多既麻煩屋企
佢始終都係我既屋企人...
嬲一個人,討厭一個人,加上佢仲要係自己既親人
我自己都覺得好辛苦好辛苦...
諗心一層...再深入一D去諗
可能,佢有苦自己知...佢唔返屋企住
可能都知道,屋企其實唔大...住5個人都好迫
訓都冇位訓...又或者又有其他因素啦
不過,阿基佢成日咩都唔同屋企人講,包括我呢個阿哥
我真係唔知佢個心入面係諗咩...
唯一可以做既係...找搵多D機會兩兄弟傾下計啦
我亦都唔想,樹根唔鐘意阿基...
因為樹根有時諗野都幾單純...
當然,我亦都希望3兄弟都可以和睦相處
雖然以家都係冇咩大問題出現,係少左D講野同了解...
_________________________________________
最近細佬D朋友都有幾大既轉變
老實一句啦....我都當左大家係我既朋友
你地就好似我D細佬咁...
我一直都係咁睇你地
無論點都好啦
做每一件事都要好好咁深思熟濾呀
唔好一時之間,覺得果樣野好就去做
唔理後果咁
可能背後有好多唔好既因素你地都唔知
唔好一枝箭就來個大轉變咁
咁之前做既野就會白白咁浪費哂D時間同埋成果....
不過,點都好啦
你地都要加油
又或者可以多D同你地既屋企人傾傾,你地都有阿哥,同家姐
大家好好地咁坐底傾下
慢慢來啦,唔好比咁大壓力自己...:D
__________________________________________
以上!
B4USKY*:D
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
|
