B4uSky : 個人主頁 - 相簿 - 訂閱  [ QOOZA - 論壇 - 登入 ] 2007 年 7 月 29 日  星期日                                                   動漫．B4USKY                         一年一度既漫畫節又到左啦! 而且根又有?加比賽 加上我地今年有好多人去同佢打打氣 yo!gogo!   今年漫畫節比住年開得更長時間 去到成12點 不過我就冇可能玩到咁夜架啦 唔通又飛小巴返去咩? 我地入左會場前先食d野先 因為唔知要玩幾耐 都係食飽左先算 根因為要打比賽,就先行一步 而其他人就要排隊入... 排左一個鐘到就入到去 感覺上好似比往年快左少少 睇來控制人流做得幾好 不過入到去就係另一會事- - 由於我地今年第一日就去 我往年都未試過 肥豪佢地有d都係... 嘩!d人多到真doom 咁我地幾個就分開左行 我同家家,蕃茄就去買要買既書 先入東立...- -...迫到買唔到野既... 放棄! 之後行過mega store,見到唔駛排隊入- -唷! 即刻拉哂佢兩個入去 不過一入去就出事- - 先買左16期既"666" 之後有6期既"黑礁" 再來有3期既... .......= = 爆粗band友.... 仲有搵左好q耐 之後睇哂覺得買左佢好唔抵既... "大根先生"... ....... ....... 多謝7xx大元... pk- -入一個store就兩大袋書走... 之後就重到pk... 出返去放低哂D野見到阿華 之後再行多一陣 火狗工房就多人D迫爆... 勁舞團果邊仲癲... 算啦... 行到累搵返根睇打比賽 第一戰樂勝! 跟住聽返佢講要聽日先有得打 好!一行人離場~   過返海去左金禾打機 都係DM啦 不過今日都係娛樂重視多 冇加分!當郁動下算啦 玩完同佢地玩暴力車車 肥豪慘死係我手上 蕃茄是個人才!不可忽視! 玩完臨走大家身痕打拳機... 個個都有6千幾7千 到我手又痕...入左一蚊! 第一拳,正拳一出...8千一百幾- -... 個個呆哂...到第二拳既時候... 就諗起,有次來金禾見個黑鬼打既境像- - 我把心一橫學佢咁打...BOOM! 8455= =...掌聲!!   打完返上水金香食飯,邊爐! 笑料百出,係呢到唔多講啦 食到12點一行人帶住疲累既身軀回家! 返到去睇666睇到3點- -...DOOM 睡了!   祝賀弟弟第一場比賽勝出!                         刊登時間︰2007-07-29 05:14 PM  [ 訪客留言(3) ] [ 編輯日誌 ] [ 分享至FACEBOOK ] 2007 年 7 月 20 日  星期五                                                   信自己．B4USKY                         又冇打日記幾日 其實日記真係要日日打先叫日記... 我聽日開始要日日打返先得   最近同媽媽係工作上有D爭執 因為我做得唔係幾開心... 其間有D想放棄份工... 好多野都諗埋哂一邊... 所有唔開心既野都一次過將佢諗哂出來咁... 因為本來家裡都有D問題... 加上自己又做野做到好累... 壓力又大左... 把心一橫同媽媽講唔做... 但係隔左兩日... 有一日爸爸煮左飯食... 問我食唔食...之後我梗係食啦 係食既途中,我覺得食得好唔安樂.... 唔係因為餐飯有咩問題... 以家問題係係自己度... 一直以來...自己好多事都半途而廢 唔長進...唔生性... 突然覺得冇用... 點解次次自己都係咁... 冇一次可以叻返一次!?   之後係夜晚...同返媽媽講... 我會繼續比心機去做返... 我應該要做既野... 我會承諾返...我之前講過會做既野   加油!   最近同根打GSD唔係幾順... 次次同親"正義"既組合都係敗陣收場 唔知點解對親佢都係打得好差... 我可能係心理上驚左佢- -...唉... 打其他組合都冇咁差... 見親正義輸左3成... 真係要快D解決呢個問題 遲下出完去漫畫節果日真係要係尖金禾 好好操返一下! 打爆你!JUSTICE!   V3又有新突破!YO~(20/7) E1終於比我FULL左...打完都呆左咁望往個MON 大滿足! "海市"終於都過左80%+SKILL 有83%...連到7XX COMBO! "巴能士"以單手硬食打法... 74%收工...又係大滿足... 今日玩左果廿幾蚊到 加左有成4-5分...以家1165.3X 真係大滿足丫!好耐都冇試過一日加咁多! 以家覺得仲有好多歌可以去打得再好D 一定可以趕到尾班車上千二  終於都FULL (92% SKILL) 天熱咁鬼死熱... 出左人工之後即刻去左攪攪佢 今次剪之餘仲有染埋 因為之前HL左仲有D餘色係到- - 今次唔係上次剪個師父 不過今次又剪得幾好喎 佢幫我揀隻色都OKOK~YO! 加上價錢又公道 之前係肥叔叔度都係咁剪... 但係要成2百幾蚊囉- - ... 我今次都係158咋!頂你\  口  /"   仲有既係... 表妹竟然早過我結婚... 唉...又中炸彈了... 炸死左... 好! 29號見... 祝妳白頭到老啦!芝~   BeForU Sky 好耐都冇貼下圖,去片!  膠!係用來貼既! 係好耐之前係菜市場影既... 大家睇下搭到幾高...! 神人之作~  一張幾特別既相 友．誼．永．固！！                       刊登時間︰2007-07-20 11:05 PM  [ 訪客留言(2) ] [ 編輯日誌 ] [ 分享至FACEBOOK ] 2007 年 7 月 8 日  星期日                                                   NICE．B4USKY                         轉眼間又到左7月 一個年頭又過左一大年... 時間真係過得好快 我冇返市場計下計下又成個月咁滯 不過呢排先叫做訓得好返少少 因為工作上實在太忙... 亦都失左唔少約 有時都唔知講咩好... 總知就係好累...   冇打幾日日記 呢幾日都發生左好多事 以家盡量記返哂落來先 睇下自己又記返幾多- -...XD   重返魔獸世界 之前一直都講自己唔會玩返ONLINE GAME 點知以家又係玩返 不過以家玩返個進度比以前好好多 因為根,仲有肥豪佢地個個都有幫手 真係好多謝佢地 玩左2個星期到,由60LV,以家去到65LV 真係好快,根都話好快 以自己又身痕練左隻聖騎 以家真係好有心去練好佢 因為有日根帶我去練功 我地兩個係冇組隊既底下去練 所有既EXP都係我吸哂 升LV既速度快到非常 攪到我係到諗,到我隻聖騎有返咁上下LV 用返呢個方法去幫返根練小號都唔錯 因為屋企始終都係有兩部電腦係到 唔好哂左佢! 以家買左季卡... 仲有成74日玩...真係DOOM- -...   以自己係DM方面 最近終於都突破左樽頸位 個SP終於有得上下分 真係感動到非常... 開始覺得自己上到1200SP唔係一件冇可能既事 雖然近日既SP都係由1152>>1159(7月7日) 係呢幾分入面真係意義重大 OVER THERE一直都係打得唔順 最近自己終於都開竅 直至今日為止最叻都係MISS 2 粒 仲要係唔應該甩果隻,如果唔係今日應該FULL左(ADV) XDDD 仲有既係以開始同阿福有交流 真係好多謝佢介紹咁多歌比我試推分 以家距離1200仲有成40分 真係希望可以係V4出之前 趕到"尾班車"上到1200 留返一個美好既回憶   GSD方面 由於返少左一份工 以家可以同根多少少時間可以夾GSD 去88打DM之餘都有同佢同人挑返幾場 而且慶幸既係... 最近既勝率都比想像中高左好多 其實係可以更高... 只不過係有時唔聽根講點打 成日自己衝左上前場比人打 以家自己真係要認清楚自己作為一部細機 (因為以家同根夾多數都係大細機,佢大我細) 係每一場對戰要做d咩野 進攻或防守一定要認清楚 留意住自己個拍檔每一步既行動 仲有我係覺得 如果我係要同根夾得好既話 係一定唔會比出面既係遜色 因為如果係計默契既話 兩兄弟一定係唔會比朋友差既! 我一直都相信係咁!   仲有既係...三國志大戰2 久違左既三國志大戰2 係近日終於有幾會一試 仲要一玩就係同根玩"店內對戰" 係1.1既時候我地兩個都冇試過 突然間係2.0就試打DECK 大家難免都有D緊張 我地果日試打左3局 第一局 根:魏國三金騎 佳:吳國天啟 一開局都可以頂到根D攻勢 到打到根死淨關羽出鬼神 我就比佢掃場- -...落埋城 到第二,三局先到返我贏 我用左一副未用過既DECK 若王天啟DECK YO!一用就WIN返根兩局 當然,佢係冇用兵法來打 如果佢有用再起LV9,就唔係咁講法啦 到打完對戰,佢試打全國 好攪笑地打三場都係對返同一個人 真係有夠DOOM! 個對手亦都好攪笑,第一局周瑜炮射空氣 根一個唔該就落左佢城...WIN! 第二局,都係比根落左城...而且輸得更加快 第三局對手轉左DECK,之後係少少既不運之下 和左一局 不過以係2.0第一次打全國來講已經好好 連玩左3局都係30蚊...真係第一次! 之後仲出左兩張SR...(SR馬超,SR呂布) 果晚真係勁開心丫打得!   最近同左D親戚飲茶交流 老實講真係唔係幾想去= = D姨媽姑姐成日都係到講 阿邊個邊個又每個月搵成幾多錢丫 又咩又咩咁丫! 之後又係到話下我搵一份又有幾多丫 下...乜咁少咋... 又話呢份工又冇前途丫,返果份工又唔好乜又唔好物- - 我聽到真係想回返佢幾句 我自己D仔女搵都未夠我多- -...妳講咩者!? 又話我返一份工又賴...咁我之前返兩份又唔見你地讚!? 真係無聊,講就大隻講... 臨走果時又調返轉頭話我係乖仔- -... 真係唔知你地想點...   有時自己做野真係有幾努力都好 真係得自己一個知... 你幾努力都係冇人會睇到- -... 亦都唔需要同人地講... 自己知自己事!   不過有時飲茶食飯都聽到一D更加令自己唔開心既事 有次聽到個媽媽係到講... 唉,以家都唔知係咩年代... D靚妹咁易有BB 亦都咁易一個唔該就落左佢... 有冇攪錯...老實講... 我真係好鄙視呢D視生命如糞土咁人... 一條好好地既生命就咁比妳地攪到佢玩完 咩事件!? 不過錯就錯在果一男一女.... 你地係唔係咩都唔諗就扑野!? 有冇諗過...攪完之後會有咩事發生!? 話落就落...有冇理過人地感受!? 我真係好討厭呢D人... 真係好討厭... 我更加接受唔到玩女仔既人... 更加更加接受唔到落過BB既人... 我到以都好記得以前係扒王同班同事食宵夜 有一個女同事係到講返佢落仔既後遺症比我地知... 佢以家都生左一個仔 但係佢有一晚...發左個夢 夢見到有一個小孩子既身體係佢面前... 不過...個男仔係冇左個頭 個男仔係到問個媽媽,"點解要細佬唔要我" 我地成班聽到呢到呆哂,嚇到飛起!! 之後個媽媽搵人做返一場法事先平息左呢件事 係呢到我真係好希望大家... 唔好輕視生命!   多謝大家!   今日既日記打到呢到!唷~早抖! 幾日呢既大事回顧完筆!多謝 BeForUSky                       刊登時間︰2007-07-09 12:22 AM  [ 訪客留言(3) ] [ 編輯日誌 ] [ 分享至FACEBOOK ] 2007 年 6 月 29 日  星期五                                                   久違了．B4USKY                         由於呢幾日返工都返得好累- - 雖然冇返市場 但係身體上非常之唔慣... 我都唔知點解... 我都好煩惱的說 日記不知不覺又停左成個幾禮拜了 發覺自己真係好懶... 都係要勤力返D先得啦   冇返市場睇睇下都有成十幾日嚕 但係唔知點解 呢十幾日來都訓得非常之唔好... 係極之唔慣果種... 往往都要落左床成個鐘頭先訓到... 到醒左既時候又勁覺得自己訓唔夠... 問題以家係... 無論自己訓左或訓少... 累與唔累落床訓都好... 都一樣出現呢個問題 攪到自己返工都冇咩精神 條腰又係咁痛 都唔明身體呢抃咁唔爭氣 攪到呢排自己打機都打得冇咩心機...   6月27日BBQ好順利咁舉出左 先係呢到多謝有出席既人仕 當日既天氣好到非常 唔係太曬太熱 不過我果日冇上到提壩覺得有D可惜... 一來想上既時候已經成5點幾 二來自己身子又唔爭氣咁... 唔想上... 不過大家都玩得好開心 臨走前仲同家家來左一場"應援團" 大家打到和氣收場...哈哈,的確係少見 今次都有影大合照... 可惜唔係人齊- - 最後係大家上左巴士就開始落雨... 真係走得岩岩咁好!   到返返大埔大家就分左兩團 一團人返屋企WOW 二團人就出尖金打機 我就係二團既人 到左尖咀咁岩有回歸10周年煙花睇 OKOK咁啦! 之後過機舖之前阿貓加入左戰團 我地先上左金和打DM 今日其實我好想教下肥鵬,根,仲有肥溫既DM打法 無奈自己都掛住打DM... SO都係冇左回事- - ........... 終於都睇到三國大戰2既實物 我同根雖然冇卡係手都想過返幾舖癮... 想買返套開卡組又咁岩賣哂 真係想玩都冇得玩 不過最過癮都係同佢地玩啪啪機 1蚊3條命真係抵玩到非常 用10幾蚊就可以同班FD笑餐飽 真係開心到死...   玩完金禾就過金星BG4了 到左無耐 肥義玩左一陣就要走 我送左佢搭車之後又返返去再戰BG4 可惜既係,今次都係玩唔到4人對戰... 一來少左肥義,肥豪 二來當日實在係太多人... 我地只可以遂個人去玩 到我玩果時差D唔記得點玩極力子- - 真係玩到手忙腳亂... 玩到差唔多12點幾... 我叫大家都走啦,怕搭唔到尾班車 咁大家去埋7仔買D野飲就落去搭車... 點知我地行行下睇到個電子版 顯示左12點23分就開出尾班車 而果時我地就得返三分鐘 一行9條友就飛奔去入閘 但係最後都係得肥鵬一個入到閘- -   其餘上唔到車車既一行人就好無耐就返返上地面打發時間 途中上返去見到荷里活機舖 成班就落左去抖抖 因為跑左成段路都好累 而我同根就繼續操下DM 總結來講今日成日都打得好差好差... 唔知係累定係咩因素 真係打得好唔好... 係金星果時見到幾個千三千四分既神人 睇佢地打既時候佢地真係打得 好輕鬆 到自己試下挑戰果首歌既時候根本真係另一回事 ,...... 我究竟係欠缺左D咩野... 點解- -... 有時諗到呢到... 點解人地做到我又做唔到呢!? 真係要好好諗諗... 我自己好少對一隻遊戲咁認真 咁鐘情於佢... 以佢就係DM... 一直以來我都好想好想玩得好,更加好! 我能夠,打得更好嗎?   到左成2點幾...連荷里活都要收舖啦 我就帶領佢地成班人就由尖咀行返去MK 到左MK成班都勁累 就落左24小時美心店坐坐... 真係舒服都非常 之後就過埋去搭小巴 返到上水食M記 係到多謝牛柳咁累都要服侍我地呢班難民 THANK YOU妳! 大家食飽飽就返哂我屋企(點解呢- -) 返到去我就真係頂唔順啦... 要訓了! (係呢到真係對唔住媽媽了,要佢咁擔心我地兩兄弟) (我承認真係出去玩,真係玩得太夜返來了)   = =...淨係出左一日街都打左咁多野- -... 呆了!   最近少左一份收入 WII... 新電腦又遠遠無期了= =...唉 唔掂唔掂 要重整一下份收入先得 之前仲話返返兩份工之後出去三國大戰一下 以家好似冇左回事咁 要努力返唷!   好啦好啦! 打到呢到啦以家要訓嚕!XD   B4USKY*~(^ ^)v                         刊登時間︰2007-06-29 11:20 PM  [ 訪客留言(2) ] [ 編輯日誌 ] [ 分享至FACEBOOK ] 2007 年 6 月 18 日  星期一                                                   解脫．B4USKY                         父親節都冇咩點出去食飯慶祝 哈 今年又係好普通咁過左 冇計啦... 我因為冇返市場激嬲左爸爸 但係...我一D都冇覺得自己唔岩喎 老實講 我係特登咁做 以家一諗起唔駛"日日"咁返市場淋雨 可以係張床到大覺訓真係興奮都非常 你地可能覺得我好衰 有工唔返,放人飛機 但係...我係特登想比佢地知 比人射波既感覺係點 以家唔係話果檔冇左我唔掂 我可以話比大家知,我唔係一定靠打你工開飯 你市頭d契仔契哥咁懶懶閒閒做野丫嗎 以家比哂你地做嚕 你地潛水唔返都唔關我事 我之前都受夠啦! 我抖返夠本先搵d替工做下都不知幾爽!   今日放左工又去左323練dm 不過因為佢部dm仲有上網既關係 因為大88仲係上唔到 一坐低入完錢先見到個y比人打到殘哂 我睇見都有d心痛 之後玩ft2差d fail仲要拎b ex都入唔到,玩左3首歌之後好無奈過左大88玩 上左大88玩都係玩左20蚊 以家決定左每日都抽時間出來打20蚊 今日打神羊打得有史以來咁好 之前好多連唔到既位都連哂 其實放鬆成日人來打真係好好多 打完之後以家考慮既買一對重少少既鼓棍 睇下遲下又打成點~ 期待中   打完dm同媽媽仲有根一齊落左婆婆到食飯 去到好多親戚都係哂到 不過佢地已經食哂- - 我地食尾圍 諗諗下好耐都冇去探公公婆婆嚕 每次見親佢地都係到諗 好想係佢地有生之年 睇住我家立室 等佢地可以做埋太公太婆 不過又諗諗- - 自己以家連拖都未拍... 哈,真係諗大左... 但係自己真係想試下四代同堂既感覺 我真係要努力努力!   xd!有冇人可以考慮下我耶~ 呵呵~   B4USKY(^ ^)v P.S.聽日做節,5點開工丫!正呀~                       刊登時間︰2007-06-18 10:42 PM  [ 訪客留言(1) ] [ 編輯日誌 ] [ 分享至FACEBOOK ] « | 14 | 15 | 16 | 17 | 18 | 19 | 20 | 21 | 22 | 23 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

Yvonne1989

ivan53542007

lacus21

Abo2007

KakumeiAbyss

Marilyn

johnnyhui_yi

wawa1817

nancy978

mimikuen

xenvirea

Max1324

顯示全部(26)

» 我的好友