B4uSky : 個人主頁 - 相簿 - 訂閱  [ QOOZA - 論壇 - 登入 ] 2007 年 6 月 1 日  星期五                                                   大復活．B4USKY                         話咁快又過左半年啦! 哦呵呵! 終於返返兩份工又成個啦! 超辛苦! 超好玩! 仲有... 超正~超堅!(久違了)!!   返工都係咁啦 係呢兩三日冇打日記... 差唔多晚晚都落雨- -... 真係吹漲! 唔係唔想打日記... 我每日都有事想記低落來... 但係真係太累了!   前果排由於食左太多熱氣既食物... 攪到自己病埋... 以家好返好多啦 打DM都令捨唔同... 但係都有個好大既問題...=- = 就係以家永遠都係拎唔穩對棍... 因為次次玩親既時候... 對手已經因為工作攪到好累- -... 又冇咩力拎棍- -... 變左玩高LV既歌要出多D力拎棍= =... O哂... SO...以家都係打一舖就已經收哂皮...   今日弟弟部電腦又比阿基哥攪到收左皮 攪到弟弟又要出來整... 唉...又兩舊水... 睇完腦過左大88打機... 本身自己已經好累... 見弟弟唔開心就陪下佢啦 加上自己又想練FT2...XD! 到左見到阿雄 即刻挑佢機- -...呵呵! 一人WIN一次...算係咁啦... 不過我自己都估唔到"SAY"竟然會輸比佢- -... 又O哂了... 今日FT2打得幾好,睇得多D"神人"既片係唔同D 我都好希望自己有一日可以FULL到一首過千COMBO既歌!   睇來... 又要惡補一下了! 多學費吧!B4USKY~   B4USKY(^ ^)v P.S.今日打住咁多先... 太累了... 星期日又放假啦!出街惡補一下先!XD~ 好想4人BG4丫! 有玩BG4既朋友,睇到我個日記星期日出金禾丫! = =... 希望有人出席!GOGOGO~                         刊登時間︰2007-06-01 07:23 PM  [ 訪客留言(4) ] [ 編輯日誌 ] [ 分享至FACEBOOK ] 2007 年 5 月 29 日  星期二                                                   病了．B4USKY                         幾日都冇打日記既原因... 係因為自己病左...   冇打幾日日記好抱歉唷!   前幾日終於都忍唔住買左PSP隻 FFT"獅子戰爭"來玩...$300...= = 玩左一陣之後,上網睇有快速升LV 之後又玩多一陣已經12LV,XDD   呢幾日都好想出大埔BG4 可惜都係冇出... 心入面好多TUNE車既模式都好想試下 不過出左去之後返來會好累... 之後都係打消左呢個諗頭了   呢排細佬都玩返WOW 睇下睇下自己都想玩返 等埋下期兩份人工夾埋有幾多先 夠就出多一部電腦~ 哈哈!   應援團2由弟弟幫我DL左 以家已經玩左華麗應援!正丫 快到PK~真係唔識玩- -... 不過今集好多好聽既歌! HEY DJ~   開心既有好多... 唔開心既亦都好多... 有既係... 最近病左啦... 仲有既係...市場做到我就來唔想做... 又唔係唔知自己多左咁多貨 成日中壞哂其他人... 一D就晨咁早返去幫手 一D就晏一晏先返工... 以家者係算係點先!? 咁我都返下唔返囉... 唔準時開工囉... 我今朝終於都忍唔住射左一日波... 你地慢慢做啦! 有本事就炒我囉,橫掂你地少一個都冇所謂架啦!嘿 講起火都來埋!   B4USKY(^ ^)v P.S.呢排真係叫"應搬團"都唔掂- -...                       刊登時間︰2007-05-29 03:27 PM  [ 訪客留言(0) ] [ 編輯日誌 ] [ 分享至FACEBOOK ] 2007 年 5 月 25 日  星期五                                                   何謂．B4USKY                         開心... 究竟一個人點樣先算係開心... 今日開工突然間係到諗呢樣野...   每個人... 可以令到佢地開心既程度都唔同... 可以係好少既事... 例如幫助都人地... 亦都可以係發生一D好盛大既事 例如朋友幫自己慶祝生日...   但我又自己諗自己... 係咩野先可以令到我開心,笑... 我自己就可以好簡單 有時開工做起野上來 可以傻下傻下,笑住咁做野... 但係又唔會影響到工作既... 我覺得係最正既... 因為... 係我地係市場做野來講... 係最輕鬆...最快樂既... 就算本身令我地好討厭既下雨天... 我都會當佢幫我解暑XD   一個人定自己開心既指標係邊呢? 請你食一個早餐... 係你出糧既時候... 找到你/妳另一半既時候!? 世間上每一個人都唔同... 其實... 有時又會諗... 人點解要有感情!? 感情係負面來講可以比到好多人傷感... 分手,離別...太多太多...   最後得出來既野就係...   眼淚...   今日真係好熱好熱... 加上有2個人冇返工... 得我一個拆車咋...陰功... 放左都係忍唔住返屋企沖個涼先返惠康... 如果唔沖果個涼真係死比你睇   今日係媽媽既休日... 我放左工返屋企爸爸媽媽都起左身嚕 咁我地就出去飲茶... 佢地先出門口,我之後先出... 到左茶樓佢地係到傾計話買40寸LCD TV 原來佢地早左出門口就係去左睇MON 食飽飽爸爸就帶我去睇 行去途中好撞到小肥 咁就一齊出發百老匯 到左睇下睇下,我反以睇中左部50寸- - 但係又差唔多價錢既,不過衰就衰在係陳列品呢... 不過真係好正丫,月供都係8百幾咋...   睇完電視,爸爸去交錢 我同小肥就行多一陣 行左冇耐係臨走前買左個袋... 279蚊,之後仲要有折 250蚊咋-3-" 好正丫,終於買到個岩心水既袋袋啦...   SHOPPING完返屋企打日記... 今日太熱啦...終於都要開冷氣訓- -...   B4USKY(^ ^)v P.S. PEACE!!                       刊登時間︰2007-05-25 05:15 PM  [ 訪客留言(1) ] [ 編輯日誌 ] [ 分享至FACEBOOK ] 2007 年 5 月 24 日  星期四                                                   feel．B4USKY                         難得一天市場既休日... 我竟然用哂來訓覺... 計計埋埋訓左16個鐘 到7點起身返惠康果時 條頸都仲有D痛... 真係唔休好過休...   不過呢... 終於都可以真真正正咁抖一晚... 事實上... 我真係累到七彩...   今日要記底既事情不多啦... 因為都係工作工作...   休息多一點吧!SKY~   B4USKY(^ ^)v P.S.休日成功!                       刊登時間︰2007-05-25 04:45 PM  [ 訪客留言(0) ] [ 編輯日誌 ] [ 分享至FACEBOOK ] 2007 年 5 月 22 日  星期二                                                   討厭自己．B4USKY                         凡事去得太盡... 是好,還是不好!? 有時... 真係好辛苦... 被迫得太盡的人 也很辛苦...   每日每時每刻積下來的壓力.. 可以在那裡舒發出來!? 人大了... 想的事情只會愈來愈多... 不會愈來愈少的...   家庭... 事業... 前途... 還有將來...   什麼都要想... 什麼都要煩... 有時真想靜一靜下來... 休息一下...   最近自己比最大壓力既... 都算係自己個細佬啦... 雖然... 口講成日想佢好... 但係實質冇諗過佢個心諗咩 同埋... 佢已經識得點諗... 我唔應該比太多壓力佢...   以我自己都好唔岩... 雖然... 自己既工作上受到好多好多既壓力... 加上呢幾日都好唔開心咁開工... 自己真的... 錯了...   今日同細佬出左去食大家樂鐵板餐... 真係好耐都冇食過嚕... 諗諗下... 新都間大家樂就好似我同根都會傾好多計既地方 有時打完SEED傾下講下 有時又提下三國... 我覺得係果度食野真係好舒服   食完野同佢去左大88打下機 我知根佢好耐都冇出過街打機嚕 到左佢就打SEED 我就BG4 BG4終於都SET到架車算係冇咁跳,OK咁啦 超弩上到49秒台...開心... 之後睇下根打SEED 佢今日WIN左4舖咁多 打完佢都好滿意+開心... 見佢笑返,我都安樂哂...   今日去左上水間通利都冇鼓棍膠買... 睇來要出尖咀- -... 太遠了吧! 仲有又係新都睇到一件西裝褸好靚 一睇就睇上眼了...都係160蚊咋!   有時間一定要做哂自己想做既野!GOGOGO! B4USKY(^ ^)v P.S.對不起!                       刊登時間︰2007-05-22 02:50 PM  [ 訪客留言(0) ] [ 編輯日誌 ] [ 分享至FACEBOOK ] « | 16 | 17 | 18 | 19 | 20 | 21 | 22 | 23 | 24 | 25 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

wingnmac

Nicola2007

dead1324

johnnyhui_yi

ivan53542007

lacus21

TSZTSZ630

Abo2007

cleverluck

Marilyn

kitluiangie

mimikuen

顯示全部(26)

» 我的好友