2007 年 6 月 17 日 星期日 
失望ing．B4USKY
最近又冇打日記了
開始覺得自己有D懶- -...
20號之後就正正式式咁返惠康長工
希望到時有個好既開始
計埋今日仲有成3晚返市場- -
老實講,我真係連呢三晚都唔想開
因為,難得遲下可以唔駛返
返左咁多年都係咁悶真係有點兒那個
返市場其實真係好悶...
唔係貪佢時間又短人工又有返咁上下真係唔駛諗佢
不過冇野可以學到係鐵一般既時實
而且唔係因為以家自己有氣有力先去做佢
其實返市場真係可以咩年齡都可以返
識人既話真係唔愁冇得做
不過我想講既係
就係因為自己後生
仲有機會去學到其他更加有用既野
所以千祈唔好依賴返市場
因為佢有機會害左你一世
最近既生活都幾悶下
唔係放左工訓死左,一係就訓都唔想訓下- -
有時真係唔知自己想點=- -
雖然惠康期人工已經出左
不過要比一大半媽媽
就有既係...
市場20號份人工都要比一大半...
距離買電腦既日子愈來愈遠- -...
行過上水廣場見到SAMSUNG D高清電視真係好吸引
萬幾蚊多少少仲有19寸LCD MON送
真係抵食夾大件...
不過可惜既係自己冇VISA
唔係一早已經碌左一部返來
呢排屋企多左好多湯水飲下
真係感動到非常
真係好多謝媽媽爸爸既心血
做野咁辛苦有D湯水真係好好多
記得以前做扒王既時候
阿儀都有煲過湯我飲
我亦記得自己又煲過湯比盈盈佢飲
丫~講開又講
佢最近又點呢
前幾日16號冇出到去食飯真係好可惜 --
放左工返工屋企悶到HIGH HIGH
之後玩MSN玩到連工都冇返- -
真係激到HIGH HIGH
係冇心返就係冇心返- -
真係有D無聊= =...
得到網友既知曉- -...
原來FULL左 FT2既神人
姐係係YOU TUBE睇到果個外星人- -
佢DM 個SP 原來有成1535分...
我上左佢左SKILL LIST睇到呆哂
咩呢個世界真係有D咁既人存在- -
日日都可以練唔駛點返工既人真係好
可惜既係日本同香港既生活一D都唔同...
唯有只可以認命
不過我相信自己終有一日可以1300 SP!
自家用隻B4U LIVE已經睇唔到乜滯
都話一早買正版架啦- -
不過以家彼而想睇佢2007年果個
搵日真係要出MK搵搵先得啦
三國大戰2推出左之後都未試過去玩
不過佢以家仲係15蚊一局真係有點兒那個
你話佢如果唔出卡一局5蚊係咁打下
練下兵法都話仲可以接受到
畢竟係一既時代淨計儲好套1.0 1.1 仲有2.0
計埋玩大大拿拿都已經洗左過萬
今集2代反而想出去機舖睇下人點燒錢- -
一條條5蚊條,瞬間冇哂果種感覺係點
我真係好想知
到佢2.1"若獅子鼓動"出左之後都係儲好成套卡收藏下就算
當然
要到佢供過於求先買
諗返套2.0咁早買左真係蝕Q哂
遲下間唔中出去同根打下DESK就算- -
哂時間去煲一定唔會啦
都係DM好!
今日都有出左大88打DM
心血來潮就出左去
去到竟然冇左上網,人都灰哂
323好日都冇咁Q多人...
因為佢仲有上網
之後一條友返返過大88練下打法就算
講真打左咁多年DM都未試詔認真向89LV以上既歌挑戰
今日經過同阿雄研究過之後
終於都試左打"子供"= =...89LV AV
第一次衰收尾- -
第二次穩過左拎B
老實講自己冇諗過會過到
其實係自己有實力根本自己冇心去試
可能呢個就係自己停滯不前既最大原因
玩TP2終於有新既概念
今日玩連左好多COMBO
不過都係穩過拎B
但係一直都冇見紅已經非常之好
期待下次拎A!
之前話自己想去游下水
老實講跟本累到唔想去遊- -
冇理由一條友入大埔架
根佢地又唔係成日得閒
佢地有D已經開緊工
如果一個人去游水既話
我情願一個人落樓下跑下步算
呢幾日來都買左好多衫同埋一對新鞋
大滿足!!
係時候要停下嚕
下兩期人工扣扣埋埋比媽媽已經淨返唔多!
來緊既25號又有一次大型既活動
我係呢到真係衷心希望大家可以抽空出席
係到報一報一定會出席既人仕先
我,樹根,肥銘,肥溫,輝輝,肥鵬(好多謝溫同輝一齊請假出席)
彤彤,阿玲,芷欣
暫定有咁多人去
希望到時果日唔會落雨
個太陽又冇咁曬
個場又冇咩人
咁就FIT哂!!
6月25號!
大家到時見!
B4USKY~
2007 年 6 月 12 日 星期二
期待．B4USKY
每一天都發生左好多事...
不過每每想打日記既時候
腦袋就一片空白...
可能做野做得太累啦
不過...
遲一下根佢地有D活動攪下
當放左工出去散下心啦
彤彤生日
祝妳日日都開開心心,屋企人健健康康~
肥銘生日
祝你BG4愈玩愈快,打超弩打入頭100
仲有蕃茄都生日
祝妳條腰冇事,打排球愈來愈叻
以上三位,祝妳地生日快樂
係呢到都同妳地講句生日快樂啦^_^"
我既理想咩!?
我既目標係咩!?
我既理想對象是誰!?
最近真的摸不清頭腦
早點去睡了...
B4USKY(......)
2007 年 6 月 9 日 星期六
心意已決．B4USKY
琴日同媽媽傾左好多野...
佢亦都比左好多意見我...
係琴日放左工返屋企諗諗諗...
加埋今日一路返工一路諗...
終於都得出到一個答案啦...
以家我會全心全意
全力咁去幫媽媽手
盡哂力去學佢教我既野
以家我已經放棄左市場呢份工
其實放棄佢真係要好大既決心...
少左一份收入已經不在話下
不過...
以後有充足既休息去迎接工作的確戚一件好事
到左學有所成先返返兩份工都未嘗不可
因為...
媽媽講過話...
自己最多做多年半就退休
我知道餘下既時間
我要做D咩...
........
努力吧!
B4USKY
2007 年 6 月 8 日 星期五
好友夜．B4USKY
熱到飛起~
熱到抽哂筋!
YOYO~
呢排開工真係熱到傻
得閒又落場雨淋下你咁
真係好玩到非常
最近岩岩先病完好返...
真係唔想又病過...= =..."
琴晚好難得家豪攪返一個聚餐
雖然到左既朋友唔係多...
我本來都以為有好多人會到...
不過都係得5個...
有我,家豪,阿新,阿邦,仲有B狗
唔緊要啦,因為以家各有各忙...
不過...
琴晚餐飯真係食得好開心...
B狗病左都有來到,真係比面XD
希望你快D好返啦
估唔到阿邦都有玩MHP...
但係好可惜我部機比阿基拎左去上海...
唔係可以用返自己部機去夾機
不過最緊要係玩得開心~^_^"
以家雖然返左惠康都有成個月...
但係實質放晏都係好少好少
不過今日終於體驗一下收5點既滋味
亦都知道媽媽返呢份真係好辛苦
我以後要做既就係快D上手
做既再可以爽手D
咁就可以幫輕一下媽媽
係好耐之前
我仲係返緊扒王既時候
我好記得,我有一次同媽媽傾計
我係到面前喊左出來...
當時...我同佢講...
你呢個仔我真係好冇用...
書又讀唔到(老實講,我以家都好內疚)
錢又唔係搵得多...
講下講下自己都喊左出來...
當時媽媽同返我講
阿仔,你好叻,你係好乖
唔駛擔心媽媽,大家都係到為緊屋企出緊力
你唔駛比咁大壓自己
你辛唔辛苦,阿媽係知既...
傻仔來既,唔好喊...
係當時來講,我真係覺得自己好冇用
咁大個仔,媽媽以家仲係到捱
當時真係唔知講咩好...
不過到左以家...可以做既...
就係繼續去努力做野,學多D,睇多D
講返以家工作...
打後既日子真係會玩好多...
亦要同自己講,要開始放棄打機嚕
不過都唔係既,真係會玩少好多
以家要用多D時間呢工作
用之前玩既時間去休息
以後真係要放假先可以去練DM嚕
就唔可以每日都練下,玩下BG4嚕
雖然...
一下只唔玩真係好難 = =對於自己來講...
不過我會慢慢來...工作行先!
講下其他啦...唔好比咁多壓力自己
最近上左"小板由梨"個日記
佢換左個新LOOK真係索到非常
B4U最高!!
個髮型都幾襯佢...
以前佢成日都係金毛= =...
以家變成咁個FEEL真係唔同哂
樹大就真係會招風既...
前排BeForU 其中一位成員比人係網上刻意中傷
希望佢地冇事啦...
以家自己都有上YAHOO睇新聞既習慣
不過呢排D細路真係好狼死= =...
細細個就玩強姦...我真係O哂
世界開始變了...
真係一代都不如X代
講開又講,以下係真人真事- -...
話說,我前日放工送貨去彩園
咁行下行下,我前面有兩男一女係前面行...
咁其中一個男仔就係個女仔既後面...
佢地兩個本身都行得好貼架啦= =...
突然...
個男生施展"粘衣擒拿手"
雙手衝入女生既冷衫內= =...
咁之後做咩就唔講啦...
咁個男生攪左都有成十幾廿秒- -...
唔好問我係咪係後面睇足咁耐...
係成個過程入面...我係想冇眼睇行快D架
但係佢地一樣愈行愈快...
咁我冇咩理由跑架- -係咪...
唉...
以家真係世風日下...
光天化日...著住校服
丫,順帶一提個女生既反應係...
一路都由得個男生攪...而自己就一路繼續...
食佢包"撈撈"= =...呆哂了...
仲有真係想提下...- -
就係以家自己每一日都要送貨
中間都要過幾多門下...= =...
有時開門都開得好狼狽下
因為成條街唔係得我一個人行
可能大家會問...
D路人見你拉住咁多野出出入入
會有"好心人"開門比你既...
不過=- =我以家送左成個月...
都未試過有人幫我開門囉...
有時有D阿伯係我前面行...
佢地又唔比我行先...
但係佢又要預住我= =...
到行到到門度...佢由開少少門係岩岩就佢自己出到
有時...係果一刻我真係覺得好"無助"= =...
係果一刻我又問一問自己,我有得罪你嗎- -阿伯
有時...
有D PK仲要我開返門比佢地過=- =...
仲要唔該一聲都冇,真係拎度門"亨"爆佢= =
你到時唔好嗌痛丫!
不過呢...
都有好多好心既學生妹幫下手既
太感激唷!
今日打到呢到啦...
岩岩先收工冇耐...
以家睇返上面打既野都覺得好攪笑XD
OK~YOU WIN!
訓覺去~聽日又踩到5點啦!
氣分上↑↑!
B4USKY(^ ^)v BeForU 你地要加油丫!
2007 年 6 月 5 日 星期二
行動GOGOGO．B4USKY
幾日都由於累累地既關係...
冇打幾日日記真係唔好意思
呢幾日既生活以家來嚕!
最近返工返市場愈來愈唔開心...
都唔明D人點諗既...
成日都覺得自己一定係岩哂既...
你唔會有錯既...
講你又唔聽...
聽你又唔明...
你做埋去啦!
以家真係就來比佢地激死...
其實夾手夾腳做好哂D貨OK囉...
點解係都要攪咁野出來架姐...
一個字...爽...
就OK啦...講咁多都係哂氣...
好期待下一期兩份出左做D咩好...
真係好期待
去街打機呢D一定走唔甩...
問題係問wii好定出電腦好
定係儲起佢先好
以後出既每一期糧真係好好咁運用
唔埋佢係用來玩定係做其他野好~
不過...
每一蚊每一毫都真係有血有汗...
前日同細佬佢地一班出左尖咀打機...
個過程正到非常...
好難得咁多人出尖咀...
平時都係出大埔多
好在,我地果日去果兩間機舖(金星,金禾)都冇令我地失望
丫,順道一提出席人士...
我,弟弟,肥銘,肥溫,仲有余家家
我同銘一齊BG4左,亦都一齊忍唔住出左KEY玩"極力子"
我同佢都一樣上左癮了
亦都開左一部新車"TYRE R"
不過今日玩得最開心都係DM嚕
終於都有分加就不在話下...
以家SKILL 有1153了...終於上左一分- -...
之後狂打FT2...到最後終於都過到FT2"白金版"...
雖然都係AB...但係過左都成個人彈起左...
嗯,好耐都冇玩三國嚕...
雖然今日都有見到,但係都係我弟弟玩,過下手癮咁...
我自己就冇玩啦,可能真係太貴啦...
因為以家都係鐘意BG4多~XD
仲有呢日都有玩太鼓9...
親眼睇住人地FULL左"月下美人"我自己都呆哂...
仲有肥銘話人地係外掛...XD左...
仲有既係...
出左尖咀終於都買左綁鼓棍既膠啦...
綁左之後比想像中更加好打...
真係爽到爆
我同根用左之後勁左N倍
手感好左好多不在講...
最緊要既係真係可以"真真正正"咁拎"實"對棍...
唔怕佢跌棍~
左成日DM都"冇"甩過手就係最好既証明
不過都有野玩得唔好架...
係金星玩BM IIDX,第一個STAGE FAIL左...
O哂...XD!
以家覺得自己個手感原全跟唔上街機...
機舖個MON就16:9
係屋企練就4:3= =...
出到去個FEEL原全唔同哂...
真係唔識玩...O哂!
其實以家真係好開心...
雖然做野都有D唔順利...
不過呢D都係好少事來架姐...
開心既原因係因為有好多朋友陪我打機...
陪我玩...
有弟弟,溫佢地陪我DM,佢地以家都進步左好多
有銘,豪,輝輝,陪我BG4,佢地個個都係好好既對手...
有家家,肥鵬,陪我太鼓9,你地要加油丫,向魔鬼進發!
每每有時間佢地就陪我玩...
實在太棒了!!哈哈~
果日去完玩...
之後果日就訓足一日...
真係有夠DOOM
前日放工返屋企一入房之後呆哂...
我個狗竇竟然比人汁到企企理理
係呢到真係要多謝我媽媽
就連我自己都唔知點樣先可能攪好間房= =
媽媽妳竟然可以整好哂~
真係麻煩哂你啦
請你食"目黑"啦!YOYO~
最近自己都開始實行"減肥"唷
因為覺得自己好似肥左...
目標係先減左個肚腩仔...
要加油嚕,多菜少肉...
日日GOGOGO
呵呵...
順個便可以慳返D錢用來打機...
不過以家開始有D唔習慣...
原因係放左市場之後返惠康呢個空檔
真係會好肚餓...
放市場成日睇到D人"那"住個飯盒係咁大啖大啖食- -...
睇見佢地都怕佢地啃親...
自己睇到又肚餓...
由於大計當前,要忍耐一下
以家由平時既放工一盒飯,變左一個包或者兩個...
不過遲下慣左都要食一個就算XD!
仲有既係以家要配合埋運動先得...
親以家咁熱真係最好就去遊水...
短期目標先以一個星期游一次...
7月開始試下可唔可以兩次...
嘿嘿,應該對我個計劃有莫大幫助
要加油!要成功!
新一月又開始左...
無論係工作,打機
我都要繼續努力
最近有好多朋友既留言支持打氣
真係好多謝你地...
仲有久違左既朋友都有上來留言
放心啦,幾夜都會出來食餐飯...
不過唔好成11點先開飯喎- -...
今個星期四,到時見啦...
B4USKY(^ ^)v P.S.係呢到,多謝大家既支持!同埋打氣
大家都要努力丫!
最近真係過得好開心,真係好多謝你地(包括妳丫WING)
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
