B4uSky : 個人主頁 - 相簿 - 訂閱  [ QOOZA - 論壇 - 登入 ] 2008 年 5 月 16 日  星期五                                                   安穩．B4USKY*:D                         人大左... 自然會有好多好多野去煩... 以前自己仲有18,20咁真係唔會去信... 但係以家大個人... 要去諗既野真係好多好多 唔係話你唔去諗就OK 而係呢D野會係自自然然咁埋到來 哈...真係諗到頭都大埋... 好多時想去唔去諗唔去煩 但係...呢D野係唔可以放埋一邊唔去理 總要係去計劃一下 以後要點,以後自己會係點:D ________________________________ 呢排市場真係都攪得幾大鑊 做左十幾廿年都冇話要擺市 呢鑊真係比人攪到好好笑,好好FIGHT 而果一晚我就ON居居咁係到食花生同睇戲... 之後我就入埋推田區倒野...囧 攪到成2點幾先返到屋企... 其實計我話點係要做返一次野先得架啦 唔好比人恰到上面都要唔出聲 要比廣大既市民知道... 有D管理公司完來係咁做野法 係地連個市場都管唔掂?仲學咩人攪生意!? 慳D啦! _________________________________ 嗯... 既然以家BEFORU六人小隊都散左 以家真係咩哂意思... 突然有好大意慾想出MK買佢地之前出既碟 不過最衰就係冇"6 NOTES" 如果唔係一定出去買... 不過...買返之前出左果D返來"留個記念"都唔錯~ __________________________________ 呢排做野返工都咁Q煩 個個拍檔做野都唔團結 尤其係果兩兄弟...真係麻Q煩 成日都話呢到痛果度痛 成身咁Q多病就好心你唔好返工 好好咁抖下啦...PK... 應承左人地返工之後又話病左... 係唔係咁Q多病丫!? 朝朝唔係遲哂大到就唔返工...吊! 去死啦!做又要做埋你果份! 家陣你份人工比埋我地丫!? 以家D阿叔做野真係仲衰過D後生仔... 都唔知你地係玩野定真係有事... __________________________________ 前幾晚阿婆突然係我返工出門之前打電話來... 話阿公有事入左醫院... 仲話好大鑊可能會咩咩咩.... 果一刻真係呆哂... 除左即刻拉大隊深夜出門之外 當時個腦真係空白一片...唔知諗咩好 好彩既係...搶救之後已經冇咩大礙 不過就自己眼見阿公佢老人家都已經老左好多好多... 而驚到面都青埋既阿婆... 冇見佢一排都消瘦左好多好多... 證明左歲月不留人... 而自己都會有咁既一日... 好好珍惜以家既日子吧 回想一下... 阿公又行得又走得既時候... 我自己又係咁... 以家到佢都"果頭近"既時侯 自己又係哂都做唔到出來... 果一晚我係醫院度諗完又諗... 我究竟係求做緊咩!? 要值得反思一下! __________________________________ 都係打到呢到就算... 雖然有好多野都想記底... 但係以家滿腦子都空空白白 咩都唔想諗啦...   以上! ___________________________________ B4USKY*:(                       刊登時間︰2008-05-16 09:48 AM  [ 訪客留言(2) ] [ 編輯日誌 ] [ 分享至FACEBOOK ]   2008 年 5 月 6 日  星期二                                                   辛．B4USKY                         呢幾晚返工都返得好辛苦 近排都攪到傷埋風,病左... 又休左兩晚息...唉 又唔見左D錢   望就望佢快D好返 唔好野埋比細佬佢地就OKOK 琴晚一叫細佬出街買藥就好醒水咁去左 真係THANK YOU 開工都舒服返少少...   琴晚打副本好好笑... 一行5人組左團隊去打 解唔到任...中間仲要問返我點解做唔到任- -... OK U WIN! ________________________________   放工返屋企果時聽到收音機講"壓力" 如何有效率咁控制壓力對於人來講真係係好重要既一環 又唔可以係老闆面前展現出來... 又唔可以比太大既壓力比自己... 又要點樣可以將壓力變成動力... 真係學都有排學... 最近打機返工都真係好多壓力 如何有效率地減輕壓力而變成動力 真係要好好研究一下! 令到自己同埋身邊既人既每一日都過得輕鬆返少少 都未嘗不可:D ______________________________________ 以上嚕~   B4USKY*:D~                       刊登時間︰2008-05-06 10:28 AM  [ 訪客留言(0) ] [ 編輯日誌 ] [ 分享至FACEBOOK ]   2008 年 4 月 24 日  星期四                                                   正常．B4USKY                         岩岩放工見魔獸維修緊就打打日記啦:D   最近都開返工啦:D 不過以家每朝都要返成1點 但係人工就多左好多好多:D 福利又好左好多好多 雖然之前都係係呢一檔都做 如果唔係因為一D人事上既問題 我自己根本就會由此至終都係係呢到做:D 怪就怪就自己之前一直都沉唔住氣 一句就話唔做 諗返起都有D ON9...:( 都係果句啦! 做返好自己野算,你地唔好煩到我... 亦都唔好比到麻煩我:D THANK!   有時自己係到諗... 一直以來自己係人地眼中算係一個咩人 係唔係一個好既哥哥,又或者係一個好既工作拍檔 又或者係唔係一個做好左自己本份既家庭成員... 呢排都係一直反覆反覆咁諗... 早幾日媽媽同我傾左幾句 又話叫我了解下D咩咩保險... 又問我之後既日子又想點點點咁... 聽到呢度...我有D無奈... 首先... 雖然我仲未比到一點好大既貢獻比屋企... 但係我自己完完全全冇問過屋企拎一分一毫 加上我自己都有比家用... 有時我覺得...點解係都要比一D咁既壓力我呢!? 我真係想講...個家...係大家既...係5個人既... 我亦都想講...媽...妳叫妳個老公,又或者係妳個二仔做返好D先啦 我爸爸來講...我自己已經差唔多有大半年冇同佢傾過計... 以前兩父子有咩講咩... 我自己雖然都知爸爸有D"前科" 但係...我一直自己都係收收埋埋... 就係一個月前... 我返市場...我勁頂唔緊之前果檔果兩條友... 係...我咁就走左去,開開下工我閃左,係我唔岩... 但係我阿爸...淨係識得係人地面前話我乜,話我物... 又話我冇用...又唔死左去都算...之類... 講真...你做人阿爸既,有冇問過我點解要咁做!? 乜都係只係聽哂人地既一面之詞...算係點!? 你夠咁大個人都做埋一D大人唔會做既錯事出來啦!? 咁你D仔又有冇怪過你先!? 你真係唔好以為你地仔係KAI既先得架!? 你之前做出來既事...攪到阿媽媽晚晚都係我面前喊咁滯... 咁又點計丫!?唔通我拎刀劈9你丫!? 仲有...D錢咪又係阿媽幫你還...收皮啦你 妳老婆晚晚做成10幾個鐘丫 ,PK...你又去左邊丫!? 你唔好以為搵一兩晚煮下飯仔咁,就叫做好你既本份 咩丫!?以家者係當做返D野補償丫!?...食啦   仲有個大細佬... 一直以來...佢咩都要屋企人幫咁滯... 一時又話攪咩咩生意...一時又話返大陸打工 有時...佢返到來屋企沖個涼又閃左出街... 想問下佢近況都好難... 仲有既係...呢排佢又同班FD去左歐洲玩... 我見佢返來屋企汁幾件衫果時... 講真...我真係想吊7佢... 我好想話佢知...你以家係仲差緊人錢... 你有錢就拿拿聲清左條數佢啦...玩乜Q丫!? 老老實實啦...我都唔知佢條數... 唔知又係唔係阿媽出哂錢幫佢還... 我有時真係係到諗...我比D錢阿媽做乜撚... 我自己洗左佢,或者儲起佢都冇咁嬲... 快快手手攪好條數咪好囉... D人又唔會打電話上來屋企... 最慘既係...仲要我地幫你打發人地走... eg.你打錯...又或者冇呢個人係到...又或者...佢搬左... 唉... 我好想問...你兩個以家想點!?爸爸,細佬!? 如果... 我自己都好似佢地事但一個咁既樣... 我真係唔敢諗頭家會變成點... ________________________________________ 早早幾日阿WING搵過下我... 老實講...以家妳佢生活的確好完美... 已經唔係好似半年前咁... 妳日日都做喊包既日子啦 我都覺得妳已經成熟左好多... 只不過... 係妳有時太過神經大條...諗得太多啦 順其自然唔係好好咩!? 仲有...減肥呢家野呢... 慢慢來啦,冇可能一下子咁做運動,同節食去減... 一定要慢慢來... 我之前都個FD比左一個餐單我去試... 但係我自己實行左兩日就失敗左...靠北 哈哈哈! 加油囉!WING _______________________________________ 上半步講起借錢...吊! 講起就慶... 又諗起佢... 其實我自己無時無刻都諗起佢,嗯... 都可以用來提醒下自己... 不過講真啦,又唔可以怪哂人地既... 怪就怪自己太容易信...一個自己曾經想去喜歡過既人啦.... 嗯... 希望佢以家都係冇事啦...因為佢上次都講到好似好大鑊 好急用咁...:( ________________________________________ 講下琴日先!:D 由於早排冇返工一排...狂打魔獸! 之後到有工可以返返... 但係...一去到市場- -....就覺得睇野好唔清楚... 真係...睇野一舊舊,唔識性挑逗... 我覺得好似好大鑊咁... 於是就琴日終於都出街去驗眼...睇睇有冇需要配眼鏡... 就係咁樣,我,細佬,輝輝,侏儒,彤彤 我地就拉大隊去配眼鏡:D   行左幾轉終於都搵到一間比較好服務既舖頭 係上水廣場:D 之前都有上過去睇睇!但係都係得一間 以家都開左有成4,5間:D勁 入到去我同細佬揀左勁耐,一路揀,就有一個男服務員幫我地揀款 我覺得佢招乎得我地好好,OKOK! 我諗我同我細佬都有揀左成個鐘咁滯... 到之後,細佬先揀到款,但係我又想配 不過一副要成388好似幾貴...如果兩副就...=.=" 就係呢個時侯...個男服務員話...第二副有優惠...二百塊就可以... @0@噢噢! 咁我都順個便...買埋我都揀岩左既款啦-3-" 到行埋去驗眼之前,個男服務員就話要"加強境片嗎"!? 咁佢就講左一大輪既好處比我同細佬聽... 我就話又幾多錢先!?咁佢就篤篤部機... 8XX就有兩副"加強左鏡片"既眼鏡啦...=.=v ok u win! 傾好價錢,我地兩個就輪流驗眼... 得出來既結果係...細佬既散光比較勁'o'~ 之後驗好...比錢走人:D P.S 驗眼果時,D字好似粒米咁...FXXK!叫人點睇= =!? 感覺上好似比人耍緊咁@.@" ______________________________________ 最近都係咁過啦...冇咩特別,冇咩驚喜...   唔知...自己班老朋友又過得點呢!?:D 有時間搵搵佢地先-3-"   以上! B4USKY*:D~                       刊登時間︰2008-04-24 10:20 AM  [ 訪客留言(4) ] [ 編輯日誌 ] [ 分享至FACEBOOK ]   2008 年 4 月 11 日  星期五                                                   最近!．B4USKY*                         講講最近既近況啦   前果排工都冇返 日日都係屋企WOW 真係人都荒廢左唔少 大大話話都差唔多成過月嚕 不過呢排又開始返返工 慳返起D錢先 但係都不得不提既係 阿權拉我開工 THANK!   魔獸方面都係咁啦 最排更新2.4... 之後個個都玩到人都癲 日日都25個每日任...ON9 SER 冇280%座騎真係諗都唔駛諗... 淨係每日任攪哂25個都差唔多要2個鐘+++ 仲有未計每日星期都要打既卡拉... 仲有間唔中都要打下,仲要滅很大既小戈- -... 波波真係好好野...咁都可以帶到肥豪打上2000 係到都弓起埋佢可以上2000拎肩~正唷! 細佬幫人地打55都上到2357...on9 ser... =.=...全SER第一名隊伍!....   MHP2G都係3月27號出左 攪左一大輪都終於都可以玩到 雖然隻GAME改動唔係太大 但係都已經令到我地打左兩晚通宵... 快D搵日齊齊打多次!   29號BBQ好好玩,好正! 果日可以好開心咁玩,係到多謝大家既出席   ___________________________________   人係一種好喜變既生物... 往往好難令人捉摸一樣 就好似以家我打左篇語無論次既野一樣   希望大家見諒! 聽日見!   以上! B4USKY*:(                       刊登時間︰2008-04-11 10:05 AM  [ 訪客留言(4) ] [ 編輯日誌 ] [ 分享至FACEBOOK ]   2008 年 3 月 25 日  星期二                                                   停滯．B4USKY                         日記耐唔耐先打下,真鬆榚   略略打下算:D   魔獸呢排都幾多事發生左...   @小號搏哂命咁升終於上到70 @奧山周搏左老命2日打6萬榮譽(小號) @肥銘都加入左呢個大家庭 短短個幾星期5X LV(一日3LV) @我,樹,波波,西停拎左2000肩 33 55 都試過上2000+ 好開心! @每晚以家都山貓山貓... 好好玩,好好笑 _______________________________________ 琴晚因為傾去BBQ而發生左一D少少既插曲 希望大家而後唔會再發生 29號果日大家開開心心咁玩   來唔到既,唔緊要啦 我地下次再約過囉:D ________________________________________   以上! B4USKY:D                       刊登時間︰2008-03-25 08:12 AM  [ 訪客留言(0) ] [ 編輯日誌 ] [ 分享至FACEBOOK ]   « | 5 | 6 | 7 | 8 | 9 | 10 | 11 | 12 | 13 | 14 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ December 2014 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

mimikuen

lacus21

sininkcheung

johnnyhui_yi

lapsunpat

KakumeiAbyss

Marilyn

Nicola2007

HIMIKO

WANSAIKEUNG

ivan53542007

kitluiangie

顯示全部(26)

» 我的好友