先係度多謝8月13日同在下一齊韓燒食飯既朋友!
肥義．肥豪．肥溫．肥銘．熱狗．波波．仲有來唔到既侏儒．．
當然唔少得既，仲有我細佬樹根：Ｄ
多謝哂！
由於十幾日又冇打日記
以家滿腦子都有好多野想記得落來
嗯．．．盡量記啦：Ｄ
早幾日又冇返到工一排．．．
又係屋企悶左幾日．．．
其實唔返工真係冇咩原因．．．
一來，返多咁多年真係好悶．．．
兩來，自己實在冇咩動力去返工就真．．．
唔知點解，個腦都係度諗埋好多好多唔等駛既野．．．
加上自己，同埋自己屋企問題一大堆．．．
單靠自己一個人既力量，真係唔做得幾多．．．
倒頭來攪自己壓力一大堆．．．
難為了自己．．．
最大問題係，根本冇人可以幫到我．．．
一路都冇返工
到左４日前事頭婆打來比我
話佢因為少左好多貨，冇搵我返工
（其實係我自己唔岩在先，冇返工．．．）
之後佢話佢個ＦＤ果檔要人（佢個ＦＤ都係事頭婆）
叫我過去幫住佢手先！
到返９月頭先過返去幫佢手
咁我就應承左佢啦∼
到左今時今日以家返左３日工
其實呢一檔個問題都幾大．．．我自己覺得
有時Ｄ野真係你睇我好，我睇你好
果時睇佢地做野好似幾合拍，幾爽手咁．．．
實質拍左３日個問題真係幾大下．．．
起碼呢３日入面．．．佢地３日都送漏左貨．．．
先聲明．．．係佢地送貨既問題
唔係我拉貨比佢地送既問題
＠送完一次貨返來就點枝煙食下先
之後先施施然入數．．．
然後慢慢咁出發．．．去送貨．．．
咁．．．比十個人你貨都唔掂啦．．．我睬∼
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
最近玩玩下魔獸
突然覺得玩魔獸以家都幾公式化下
先講講以家玩到７０ＬＶ
之後要做既事情
２２，３３，５５ ＧＧ場．．．唔計你大號小號
每星期都應該有一次既卡拉（１０人副本）
每日任務２５個（不過每日如果要做都至少做１６個＋）
一星期六日，每８點半準備上線公會２５人開組
打副本既時間大約至到１２點至１點半不等
之後每一個星期４為一個周期
之後一直重覆又重覆咁做
冇玩過魔獸既人可能會覺得
嘩，乜要做咁多野架！？
冇錯，你想你個人物勁就係每日都要付出咁多時間去玩！
以我自己來計
我自己由上個月開始，想自己都跟到夜晚既２５人副本
雖然之前都有去，不過唔係日日去
之後就想自己定一個每日既行程表
想自己返到工，而自己又唔會太辛苦，又可以跟到副本
跟住就實行到一個月．．．
到左以家，前幾日都有跟．．．不過以家到左要返工
想做到咁真係唔容易．．．自己有時難免會覺得真係好累．．．
仲有既係，有時出完街去玩
晏左少少返來，就話冇得跟團．．．
出團個位又比人搶左．．．
一心一意琴晚打左ＢＴ頭幾隻垃圾王
今日返來打之後果幾隻王拎Ｔ６裝備
但係人地都已經組好哂人入ＢＴ仲打緊．．．
自己可以講咩！？
呢一點我係勁唔鐘意．．．
一時話８點半開組．．．９點半都未組好，個個都知今日冇咩寶打就唔上
一時到打Ｔ６，就８點鐘就上哂水話＋＋＋．．．想點丫！你班台灣佬！？
真係ＰＯ ＬＥ ＣＯ ＫＡＩ！
仲有一點既係．．．最近ＦＡＲＭ ＳＷ ２王．．．真係要講講
有晚見到細佬係度同公會個會長吹水
講講下提到我出團打２王果時既表現．．．
老實講．．．打王果時我唔係全神貫注咁去補！？
ＭＴ死左就怪哂我！？
又係你自己識講，ＭＴ係有２個人補．．．
ＭＴ死．．．就話哂我唔識補！？
冇錯，我係用好少時間去鑽研隻薩滿
但係我都好比心機去玩佢，用左唔少時間
你估我好似你班台灣佬咁，考玩試冇野做就日日一早上線
之後打埋２５人就上床訓覺！？
我想講我唔係好似你地咁架！大佬
我用哂Ｄ精神出２５人．．．之後仲要冇得休息咁直接返工架！
你地訓緊覺果時，我仲要做到ＰＫ丫！
所以我就即刻上返線同會長講．．．
如果我真係負累既，請你搵過隻”神人薩滿”啦
我唔想哂你既時間，同我既時間
我唔打，訓下覺仲好過．．．
以家都只係講跟２５人咋喎，都仲未要計打既ＧＧ場！
ＧＧ場要訓練技術來講．．．
更加要付出相對既時間．．．
加上，自己訓練出一套好既技術都仲未夠．．．
仲要有幾個好既拍檔．．．
之後仲要大家好好”約到時間”去上線打
仲未計要訓練大家既默契，同埋團體合作．．．
講左咁多，要付出幾多既時間，真係有數得計．．．．
要講．．．真係有排講．．．
仲有既係．．．年尾到就要更新
到時又開７７ＬＶ．．．
到時要升到個人物７７ＬＶ
又意味住又要跟新既２５人，１０人副本
唔該，日日準時上線．．．打＋＋＋吧．．．
到時又唔知又要幾多時間落去呢！？
魔獸就係一隻要全程投入付出，先會得到好回報既遊戲．．．
難聽Ｄ講句．．．就係同返工冇咩分別．．．
不過最重要既，都係睇自己點睇．．．
有人會係覺得值得既，睇自己點去衡量．．．
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
最近有時冇野做．．．
都會無無聊聊打開份報紙睇睇．．．
其實自己個人真係唔多鐘意睇．．．
因為．．．一打開份報紙一睇
唔係咩咩人意外死．．．
又話吸毒死．．．
其實每日都真係好多人死．．．
尤其係吸毒果Ｄ ＰＫ．．．
姑且我唔理你係因為咩壓力大丫，咩感情問題之類．．．
唔該你地死呢，自己行埋一二便死．．．
死都唔該唔好連累到一Ｄ無辜既人．．．
仲有，你地既阿爸阿媽先係最大既受害人．．．
養到你咁大，累人累物！？
自己諗諗啦！
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
自從玩魔獸跟２５人開始
自己都開始變得少左好多既娛樂
睇戲丫，做運動丫，什至乎去機舖操下機
ＰＳＰ，ＮＤＳ出左Ｄ咩 ＧＡＭＥ
真係如果唔買Ｇ－ＧＯＺＥ真係咩都唔知．．．
而最近出左三國志大戰．天
都唔可以第一時去買返來好好咁享受下
同樹根一齊對戰應該都幾過癮．．．
我諗應該係時候出手啦：Ｄ
始終街機既門欖實在係太過高．．．
一來自己如果要提升技術
要投資既錢絕對唔係野少．．．
加上我仲要出埋細佬個份去玩
１５蚊一局真係有數得計．．．
雖然玩全國對戰既話就會變得慳錢
１５蚊＞１０蚊＞５蚊咁續局．．．
但係好似我呢Ｄ弱者第一局就輸真係絕對唔出奇．．．
咁就變左１５蚊＞１５蚊＞．．．咁一路落去．．．
你話呢．．．
不過講到呢度．．．真係不得不提下自己個細佬
係∼
雖然佢玩果時我都要出埋佢果份錢
不過，細佬玩三國就連我自己都不得不承認
佢係好有天份．．．
如果，唔計我用佢張卡打群雄．．．唔計呢Ｄ錢
計落佢應該用左３代目左右已經升到以家既”霸者”（以家佢張卡５代目）
因為我自己睇返一Ｄ人，分分鐘打左８，９代目
什至乎更多代目．．．
都一樣升唔到上去，一直都係做州者，真係太可憐了
不過，人地錢多去燒，你吹咩！？
加上，細佬佢有時上全國，都可以打得羸Ｄ”征霸”
佢以家玩到來呢個階段，可以有咁既成績
除在我自己覺得一直以來付出左咁多錢同時間去玩係值得之外．．．
仲有既係．．．細佬的確係好有天份，同實力．．
作為佢阿哥既我，真係登佢開心：Ｄ
前幾日佢仲參加左ＨＫ既三國比賽
果日高手雲集，佢自己亦都打出應有既水準．．．
可惜到左１６強輸左比地形．．．
到最後都係輸左少少．．．真係好可惜．．．
唔緊要啦，下次再來過
你阿哥支持你！
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
打住咁多先．．．
有機會再繼續講下其他野：Ｄ
以上！
B4USKY:D!!
