喔喔!又隔左一大排冇打日記
呢排都發生左好多好玩又開心既事
盡量記下啦:D
@魔獸之前果個星期
盡左最大努力同細佬沖沖沖分
最先拼搏左兩日,老實講真係沖足左兩日
訓覺都只係訓左4,5個鐘左右
打到第二日係夜晚食飯之前終於先上到2050拎武器
老實講自己真係冇諗過可以拎到武器
因為同細佬打戰騎根本冇咩POWER同人地D 戰D 賊D,仲有術D玩
打到2050對於自己來講已經係交足哂功課
一路以來玩咁耐魔獸,玩開PVP,終於都叫係比到自己一個交代
換到S4鎚果下真係超開心...
拎完武器之後果日再繼續沖鬥士,沖肩
無奈地自己本身實力有限...自己一來根本冇咩時間去練...
不過最終都能夠打到2138<---最高分 真係好大感足...
好開心!
最後當然唔少得身邊一直有一位鬥士幫我成長(我細佬)
到最終,因為布魯想搵細佬一齊沖個22第一返來...
所以用左我個AC來試沖...
但係由於上面實左大多術D...根本組合來講已經輸左一大半...冇得打...
佢地沖到2282...就收手...希望可以幫我拎到鬥士
細佬話...就當係送份禮物比個阿哥...
THANK!
最後魔獸都更新埋冰封前夕
多左好多野玩
個成就系統出得唔錯,雖然有D煩...不過又好有趣
做返以前一直忽略左既任務...做返起上來真係覺得幾得意,OK咁喔~
慢慢做下啦:D
仲有20日左右就更新80LV,到時要爆肝先得啦:(
__________________________________________________________
早幾日同細佬+肥豪+熱狗一齊出左尖金打機...
好耐冇掂過DM,一推下分就停唔到手
60X>923 SP...
發左癲...搵日上埋千就算= =....
其間同肥豪都有夾下BAND,傾下心得咁
老實講,無論玩咩都好,有志同道合既朋友一齊玩,就係唔同D架啦
個感覺非常之好,下次一於玩埋GF!GOGOGO!
玩完DM,就同左細佬睇人玩GVG
睇左冇耐又落埋場打電腦
一打兩個人就一齊打到魔鬼高達先收攤...
我同阿炳打極都打唔過第4關...
真係唔知講咩好啦:D
同細佬玩完之後,細佬講:都唔係好難姐...
講堅...同細佬會拍打高達真係可以好放心咁進攻,大家又配合到~
加上細佬佢又有一定既實力~
要打爆機應該唔難,下次出去玩過一定要打爆佢~GOGO!
__________________________________________________________
26號好倉促咁攪左一次BBQ...
一早就冇預咁多人去
去到大尾督估唔到又有15個人....真係失哂預算:D
而且又有D夜晚要返工既都有來玩,真係好:D多謝出席
講返果日
今次我同細佬+波波話去搵爐先
點知到左粉嶺火車站都係要JOIN埋主辦單位先...
O左咀:D
人齊後到左大埔再買埋野飲先再GOGO
波波+細佬先出發搵位
我拉左肥鵬+扶扶上去買野飲...
唉,最終都係要我買野=_="諗住今次等食野架麻...囧
買下買下芷欣+陳燕都來左
都埋單比錢...OH!445蚊...干=_="
JOIN好哂人,又出發去 GOGO
到左大尾督
天氣好到非常,但係好曬...不過好在好好風:D咁幾曬都唔係問題
去到買左個10蚊既百寶膠盒雪野飲...囧
再行入少少搵到細佬,波波,黑柴佢地
就開始起爐...
講起起爐先嬲嬲地=.=...首先細佬佢地起既...點知起左3,4個字都起唔到- -
之後我去起,起好左個爐又冇人埋來燒...之後個爐仲熄Q埋=.=....
(SEED呢吊你)...
之後又因為冇鐵網既關係,起爐超難起...
最終都係要買...(因為我想慳=.=...都係慳唔到的說...囧)
以我前後就起左3次爐...囧!
點都好啦,起好爐之後我就去包粟米,金菇:D 正丫
包包下扶扶同波波走過來幫我:DTHANK!
之後我又攪下其他野...
攪好哂之後大家就圍起哂上來燒野嚕~FIRE!!!!!
呢日個FEEL真係好好
10幾人一齊圍起上來有傾有講,好開心
我諗佢地成班同學都好耐冇咁聚過啦
講開又講,我自己都算係睇住佢地大:D哈哈~
好多好多野都算係一齊玩一齊開心過啦:D
玩下玩下又玩到天都黑哂,食埋兩個梨,返龜:D
搭巴士果陣比扶扶呃左...之後成班去左大埔墟搭火車...U WIN!
最後都有多謝大家26號呢日出席既朋友:D
樹根,肥鵬,肥銘,波波,阿華,KAI豪,輝輝(受左傷都來既)
阿貓,(攪手~蕃茄),陳燕,包包,芷欣,黑柴,扶扶
多謝哂-3-"
________________________________________________________
最近阿炳佢果方面
同佢講左咁多野,佢都係諗唔明真係唔多掂
一個人變左心...
就算之後你自己做返幾多幾多既野都好...
為返佢付出幾多野都好...
都一樣係返唔到轉頭...
佢已經變左心,就係變左...
佢已經唔係以前既佢...
問題出自於邊一方面都好啦...
兩個人拍拖如果是但一面出左問題就會玩完
唯一既方法就係話...係個問題未出來之前...
你地兩個要先發現到個問題存在...
之後兩個人努力去想辦法去解決佢...(簡單來講)
解決唔到既下場就只有一個...
分手啦...
就係咁~
__________________________________________________________
工作果面...
問題其實都唔大既,有錢搵錢囉...
問題係阿權哥度囉...
有時真係覺得佢自己真係得罪左人都唔知...
睇下佢幾時中鑊金架啦...
到時我同阿炳真係買食住花生等睇戲:D
真係煩到上心口...
我唔煩到你,你都唔好攪到我...干!你!娘!
你呢D鄉村仔把口係唔係真係咁唔收得呢!?
_________________________________________________________
OK 打住咁多先=3=:
又就到31號,出糧了 GOGOGO~:XD
以上
B4USKY*** :D
