2009 年 9 月 5 日 星期六 
久違了．B4USKY
這個日記...都差不多成年冇打...
諗返當初真係滿腔熱誠,就算每日幾累都去打返D野落來,記低佢...
不過之後開始懶啦,日日如事咁做人...哈哈
又或者,人...都根本係咁,每日都做緊重複又重複既野:)
冇打日記咁耐,真係發生左好多好多既事...
無論WOW,以至現實生活...都發生左好多...好多...
最令人回味,令到我感到開心同幸福,就係遇見她...:)
或者大家都會覺得我好傻,竟然係GAME入面識女生...
哈哈...我地就係咁樣識...這算是緣份嗎?
長話短說了,當然當中我同佢經歷過好多既事,但係開心既,都係居多...
時間長唔算多...差唔多係短短既一年...
有時同佢傾返...嘩,時間真係過得好快...咁快就一年:)
或者,我地兩個選擇既對象...也許選錯了...
妳/我...都提及到,我同妳可能真係兩個世界既人...
又或者,我係妳個圈子當中,係比較少數既一類人,也許妳係我身上,得到妳想要既感覺,或者其他野...:)
對我亦一樣,我一樣都係咁做,各得其需...
可惜,我某一種責任心,比到妳一個好大好大無形既壓力...
終於...
令到妳太辛苦,抖唔到氣,要叫停了...
這個時侯...妳跟我說:是時候停一下了...
我聽到之後,其實我並冇怪到妳...只怪自己沒有用心去體貼妳...呢個係我既責任,但係...我做法錯左...我覺得係我迫到妳咁...
但係...當我太過去自責自己既時候...我就回想一下...
點解...點解...
反而....妳沒有去了解,我為什麼會那麼執著...我想問妳,妳真的明白嗎?是真的明白嗎?
這天妳跟我說,已經再受不了我這種壓力...
但是...我們由開始就不是已經知道,這條路...是一定會很辛苦,很難行的嗎?
但我也明白到,妳那邊種種的辛勞,壓力...妳也是需要去解放的,這我很清楚明白...
而且,不是普通女生的一般辛苦...
妳說我們的關係不算是某一種形式的關係,因為妳不想太矩束化...這個我接受...
但是妳要明白,有時候我想見一下妳,同妳食餐飯...
我唔呵求要拖手,又或者一些更加親密既接觸...因為我好清楚好明白,我唔可以咁做
我真的只想,看妳一下,妳的面容,就是如此簡單...
也許,我真的不懂得去再深入一點去體貼別人...
尤其對自己最喜歡的人...
記得...妳跟我說過一句:我是不會為任何人而改變自己...
但我在這裡想跟妳說:我會為我喜歡的人去改變自己,都想令到他/她們過得更開心,更愉快...
當然,每個人的做法與手段都不同...
我同100%對妳好,妳也許都可能不受落,但是另一個人用50%對妳好,妳也許會更受落,就是這個樣子...
我明白,妳的而且確,妳是一個比我更加成熟的人,雖然年紀比我少...
但是,有些時候,妳說的...不一定就是對的...我也有比你成熟的時候,妳也有需要我的時候...
那這些...對妳來說,又是什麼?
也許,演變到了今時今日既結果,係好事定壞事...冇人會知亦冇人可以有一個定位係岩定錯...
但係,我會做返我自己,既然呢個係妳決定,我會去尊重妳所有既決定...
因為...由此至終,我都係...一樣冇變過
係度希望妳日後既生活,比以前過得更幸福更愉快
B4USKY*:) 2009/09/06
事情既以過去,開心去面對明天的來臨...
要學的事情還有很多...很多...很多...:)
2009 年 1 月 2 日 星期五
新年快樂．B4USKY
2008年就咁GOGOGO左
以家就2009年啦 哈哈:D
31號果日同細佬+肥豪+熱狗出左元朗睇戲加打機
葉問睇完個感覺唔錯...
一句"還好"笑到我地甩肺:D
不過自己心裡有一個問號...
唔知真係果位葉問在生果時唔知打人果時又係唔係打到咁Q勁...
扭斷人手又斷腳...唔睇過都唔知原來詠春可以打得咁暴力- -...
話阿"力王"話.......一套女人拳法...=_="他奶奶的....XD!
睇完戲就去左打機...
呢日喪玩骰仔機...仲開始挑緊LV9緊歌...
以家玩每一首歌加埋過版個分都有成85萬++
自己本來都覺得好滿意OKOK咁...
之後心思思上下網同人對戰...
點知一同D日本仔自己就真係收哂皮
對親個個日本仔都95萬+CLEAR...我先得80幾萬- -...
...........
真係無言...唯有繼續交學費!
之後見人多玩骰仔機就同肥豪夾下BAND
自己又係咁易推下分咁...
唔覺唔覺又推左15分左右...他奶奶的= =...
最衰間機舖又焗又大二手煙...如果唔係應該有20分推下!
玩到7點幾左右就坐小巴返屋企GOGOGO
但係樹根佢地夜少少再戰金香...我就冇去啦...老啦:D,留返比你地班後生玩GOGO!
31號就咁就過左!
____________________________________________________
1號第2朝訓到點幾2點...
之後起煲下粥咁,整下其他野咁...就連WOW都冇上
:D 睇PPS睇左成日
呆下呆下咁訓覺之後返工 GOGO!
____________________________________________________
2009年又比D目標自己啦!嗯...
比心機搵錢
唔好唔返工
盡力去學多D野,試多D野
有時間就返多份工
有時間就搵返個伴=_="XD
對屋企人好D...
對朋友好D...
講過既野要算數,唔比唔算數:D
嗯...都差唔多啦!
諗到再打:D
______________________________________________________
以上!
B4USKY*:D
2008 年 12 月 30 日 星期二
最後的．B4USKY
成個月都冇打日記真係幾少有...
冇計...因為真係唔多想打麻...:D
自WOW更新左80LV之後都一直忙忙忙
沖LV,之後玩埋25就大病一場到以家
我諗計起上來都病左成2個星期都有多
冇打日記呢個幾月來都發生左唔少事
盡量記返一D落來先!
____________________________________________________________
WOW自起上個月來更新左之後
到以家都玩左唔少野
自己就好快用左唔夠一個月就沖哂戰士,薩滿上哂80
之後亦都好付出時間咁去跟團打25人,10人NAXX
不過無奈地其實自己心底入面係比較想玩戰士多D
因為自己都係鐘意戰士做DPS打怪,PVP個種感覺
係薩滿比唔到既...
自上個星期發燒大病一場,就連WOW都冇玩成個星期
真係噢NO...
不過諗心一層有時玩WOW就好似玩MHP咁
有時真係為打徽章而打,為裝備,聲望...
諗下諗下都幾悶...
只不過佢個獨特既表達方式又同MHP之類既GAME又有好大分別...
真係唔可以用三言兩語來講佢...
________________________________________________________
為左準備去遊戲展影下SHOW GIRL
特登約左阿新出左鴨寮街汁下相機D架生...
點知一買就買左差唔多千五蚊...WO
最為驚喜既就係,竟然比阿新睇到有岩用ist DL個直倒...
之後諗到唔駛諗就用左700蚊買左佢!
真係有個直倒成部機都型D...之後加埋D L架,柔卷罩咁丫
成部機...真係FIT到爆丫!:D
唔該哂阿新陪我出去買野,仲要等我左成個鐘:( SORRY!
________________________________________________________
19號既亞洲遊戲展...
本想一早放工就返屋企準備好D野就出發影相GOGOGO
點知就係係呢一日開始先來病...
之後更係冇去第一日既遊戲展啦
跟住來既第2日...咁岩呢一日又係肥豪佢攪左個同學聚會
我食左藥醒左就好似冇咩野咁...就又拎齊架生出發去遊戲展...
點知係搭火車果時已經見頭暈身慶,真係認真唔多掂...
心諗搭火車都已經係咁,坐船過海果時真係唔敢想像...
之後就死死下上大尖金JOIN左肥豪佢地打機...
上到去見到部新既音樂GAME好似幾過癮咁...
不過就超多人玩...囧左...
之後等到差唔多成9點我地先至可以叫做試下部機玩咩
初初睇人玩就好似好難咁...點知自己入左錢玩就係另一會事...
我自己個人就覺得好易上手...
有好多J-POP既歌...當中都有好多係自己幾鐘意,哈~更加要加分啦 GOOD!
打完機就成班去左金香打邊爐食飯,清一色男班! GOGO!
呢日打機打得真爽!:D
隔多左一日之後約埋肥義去埋最後一日遊戲展...
不過係預左冇咩睇同冇咩影架啦...
但係又比我睇到有D平貨買...係忍唔到心之下買左百二蚊野:D
________________________________________________________
一直自己都有買開GAME書睇(G-ZONE)
我相信買下買下以家都有成過百本係屋企啦
有時自己係度諗...以家D家用機個個都上哂次世代...
以自己就仲係度PS2=_=...
講開又講,G-ZONE又成日都係講PS3/WII/XBOX360...
我自問自己一部都冇...有時都唔知買本GAME書來睇咩- -...
不過,有時就係鐘意佢地班編輯既言論非常之好...
有時我自己都好BY佢地講既野...
所以我每每一買左本書返來就會先睇"編者的話"先既=_=v
_____________________________________________________
講開自己病開...自己個細佬近幾日都大病埋
返左來屋企休養=_=...
真係一係唔病一係就個個都病...
有時睇見自己D細佬病...自己做佢地阿哥既...真係好心痛
如果我自己冇事既話,都話可以煲下粥下,照顧下佢咁...
唔駛等到佢地病成來話搵個人去睇下佢地...
不過...諗到呢到...
我自己就諗返起我曾經對過一個人好關心,好照顧佢...
知佢有咩頭暈身慶就又煲粥,又煲湯,仲要山長水遠咁拎出去比佢飲...
可能自己果時根本就係一廂情願,又或者自己根本就係冇野搵野來做...
但係當時我對一個人果份心意...我相信我自己唔會再用係第二個人身上
因為...我到以家都係覺得果時做出來既野根本一文不值,就係咁多!
呢份心意,都係留返比自己既屋企人啦!
_________________________________________________________
近日突然好想學下肥銘咁去FIT下魷,過下D唔係打機既生活
睇下好似好好玩同好吸引咁,成日聽肥銘講佢D玩之處!:D
肥銘,等大家個病好返之後就一齊落大埔睇架生之後直接落大尾督FIT!FIT!FIT!:D
GOGOGO!
________________________________________________________
仲有一日多少少既時間就會踏入2009年...
希望下一年比今年過得更加好,而且搵得更多既錢~
GOGOGO!:D
以上!
B4USKY*:D
2008 年 11 月 17 日 星期一
戰鬥．B4USKY
話說係琴日打完篇日記之後就去左摺衫...
點知...
.....................
唔好講咁多...去相算...
 =___="
 囧....=_______=(汗)
之後戰鬥左成日,攪到夜晚8點...
 :D
 KO
不過以家仲有一個問題...就係淨返出來既位...
應該用D咩野來放電腦好...
冇理由又放部電視係度丫...
此終都係有部電腦方便,打機,睇戲乜都得:D
OK! 趕住去訓覺,醒左之後同客廳戰鬥!
GOGOGO!
________________________________________________________________________
早少少一口氣攪好哂間房仲要...
唔駛到過年先至話來攪:D
乾乾淨淨 GOOD!:D
以上囉!
B4USKY***** :D!
2008 年 11 月 16 日 星期日
2008-11-16
天氣開始凍凍地又或者涼涼地...
唉!都唔知叫佢凍定涼就好啦...
夜晚開工可以有陣時得十幾度...
但係晏晝又回暖返廿幾度
有時呢d天氣真係有d頂佢唔順
真係hohosiu!
話說呢期返工,要返6日點知都係返左3日...
一日要輪休...冇計啦...
一日唔太舒服...請左假...橫掂佢又少貨...
一日自己竟然唔知醒訓到6點am先識醒...
又係hohosiu...
干...呢期糧都唔知有冇2k- -....完了!
shit!
_______________________________________________
話說呢期我一名好朋友又同返佢前度女朋友復合...
oh!真係唔知講咩好啦...:D
佢地係返埋一齊之後,個衰仔真係可以成個星期都唔搵下我:D
好野!你係得既,,,
不過呢...係返埋一齊就好啦,你自己唔好再諗咁多野啦...
個人太多心,多擬...對你一D好處都冇!
_______________________________________________
話說呢...WOW仲有1日多少少就會更新
喔喔!80LV GOGOGO
成就又GOGOGO!
:D正丫!
我又FIT下...點知FIT左佢上來!:D
GET U!
_____________________________________________
話說12月肥豪大大話有聚會攪:D
期待中．．．
不過啦,到時話去打機都唔知出到去玩咩好的說:(
囧X10!
到時先算啦!GOGO
話說回來...
DM V6又話做緊"路K"啦...囧...
駛唔駛咁快丫!?
______________________________________________
以上!趕住去摺衫!
B4USKY***** :D
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ January 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
|
