B4uSky : 個人主頁 - 相簿 - 訂閱  [ QOOZA - 論壇 - 登入 ] 2008 年 11 月 10 日  星期一                                                   積積復積積．B4USKY                         積積復積積... 積下積下又10號...出糧了:D 即入左2K儲起佢先:D丫哈哈 繼續績!...GOGOGO   話說以家返工做做下真係唔話得 雖然以家少左好多貨要輪休呢個係事實... 之不過就好做就左我地有d要返工返學既人仕啦:D 想休息既話一開口就可以GOGOGO! 真係認真唔話得~ 真係要見就來年尾就拿拿聲搵多份返下先得 因為如果夜晚可以咁樣就下返工既話... 真係可以諗得過! ________________________________________________________   前日同K豪,輝輝,肥銘,熱狗去左月睇戲... 一齊"爆粗BAND友" 不過要成65蚊一張飛真係有D過分... 輝輝想食爆谷一個細SET都竟然要成38蚊- -....(汗) 真係諗都唔駛諗丫你:(! 講返套戲先... 雖然有買開漫畫來睇...知到某一D既一D劇情... 就係知左D劇情就會知到D笑位係邊度... 初初咁諗預左唔會笑得出... 點知某某幾位演員拍起上來就認真到位兼好笑... 功力認真強勁...掂:D 某幾個位真係笑爆全場,OK U WIN!:D   睇完去左MK88打機... 到左之後人多到爆....真係不愧係星期六...囧... 咩機都冇得打,之後走左去跟DM V4... 到自己玩果時第一次FT2就跌棍...囧爆... 之後嬲嬲地打DARK+HID 打到尾又尾一粒...囧... 跟住再來FT2打到B一大個!:( SAD! 打完就返龜! ____________________________________________________   琴日放左工返到屋企上WOW大玩聲望... 攪左日半左右就OK左一個...囧...超累的說!:D 攪完之後就訓足一日:D 踢都唔醒丫!呵呵~ 想叫醒樹根做每日任...之後佢又唔醒... (又我返工之前,佢話我放工返來叫醒佢做每日的說...) 囧.......   _________________________________________________   打住咁多啦...   以上!     .........嗯... 突然想搵返D好耐好耐冇搵過既"朋友"...   唔知佢地以家點呢... 是好是壞都好啦...都算係"朋友"來既...   唔....     B4USKY*** :)                             刊登時間︰2008-11-10 10:02 AM  [ 訪客留言(1) ] [ 編輯日誌 ] [ 分享至FACEBOOK ]   2008 年 11 月 6 日  星期四                                                   魔獸．B4USKY                         日子過下過下咁又6號嚕 過多4日又話出糧... 以家10日就出一次糧,係每一次收到人工果一下個感覺... 就覺得日子過得比以前更快...囧...   放左工返屋企沖完個涼就上下網睇下野 睇下魔獸藏寶箱,睇下魔獸又有咩新攪作... 不過睇下睇下又知道左一D野....:D WOW Insider:當教育理念碰上魔獸世界!?<----呢個 如果大家有興趣就上藏寶箱睇下啦 我自己睇完個感覺就係... 一樣野真係好在乎你點去睇佢個特質:D 個意義丫,目標,責任心...都有因素係度... 個教授提出左打副本一點少少既心得出來... 我睇完之後個意識都幾大下 因為我係之前既日記都提及過...有一次打SW2王既唔開心既野... 但係睇完人地分析之後...我就有另一個啟發啦... 如下: 譯註：其實Golub原文的題目本來就是Fear and Humiliation as Legitimate Teaching Methods－恐懼與羞辱做為合理的教學方法，換言之，他因為這段經驗開始認真思考教學不是只準備蘿蔔，某些場合可能也需要鞭子。而他在文章後半段剖析自己運用人類學田野方法觀察參與公會活動，在這段觀察過程中發現自己的價值觀可能與公會其他人不一樣，而公會成員價值觀卻應該是一致的，那其中的矛盾與不願意面對、或是害怕面對的心情，遠比INSIDER講得這些來的有趣.... 以上就已經講哂出來... 睇完既感觸真大... 老實講丫... 魔獸可以出到以家咁好玩... 真係唔多唔少都有好多因素 係就雖然D人物比較樣衰...囧 但係我覺得除左呢樣之外,其他野都做得好好...   魔獸不論你係休閒玩家也好,日日打又好... 無論你點玩,玩佢既每一個玩家都一致認同佢係一隻好GAME 加上3蚊就可以玩足一日...你仲想點呢:D   今日就講下GAME就算啦:D   以上!   B4USKY***** :D                         刊登時間︰2008-11-06 09:28 AM  [ 訪客留言(3) ] [ 編輯日誌 ] [ 分享至FACEBOOK ]   2008 年 11 月 4 日  星期二                                                   影．B4USKY                         小弟不才,希望都唔好偷圖pls thank you :D   呢D係前日同K豪佢地出左荃灣易既相 由於太耐冇掂過部機... 失哂水準:D... 不過第一次係個咁既環境影相... 因為影相既人仕唔係太多... 一搵到個MODEL影就係1 ON 1咁影... 我都係第一次咁影...有D驚... 因為佢一定係望住你部機來影:D... SO...果日影既相同去漫畫所節果D好唔同.... 攪到果日去影果時緊張到死,SET機又SET錯哂...囧... 其實有D打光都打得幾好...不過又對錯哂焦果到死啦=.=... 之後又唔記得返點SET機...真係O泡...囧~ 不過拎左呢次經驗之後下次就冇死啦... 期待12月亞洲遊戲展!GOGGO 去完果展同佢地打完機就約左阿新係上水食飯... 又去返老地方行樂食啦:D 見到阿新之後即刻比D相阿新佢睇... 一於惡補返下:D真係唔該哂! 傾完相機之後又下電話... 傾傾下之後阿新話不如去喝多杯野傾多一陣 我見咁耐冇見咁就傾多一陣啦,之後心郁郁想請返晚假... 實行一傾就傾耐少少啦:D 點知打比事頭婆佢話已經有人休左先... 咁冇辦法啦:( 之後去左7仔買左鑵啤就去左上水中心出面傾:D 傾多左一陣就收工返龜...恰左一陣就返工嚕....   __________________________________________________________________   話說有一日返到屋企... 見到自己部電腦前有本相薄係度... 咁就隨手拎起左上來睇睇... 一睇完來係爸爸媽媽係2003年去旅行玩影既相... 一諗到呢到... 數下手指佢地都有成4年冇去過玩... 加上爸爸又破左產... 想去都冇得去啦...除非係我請啦:D... 講返D相... 4年前佢兩個樣真係同以家差天共地... 只不過係4年之麻... 以家佢地個樣真係老左好多... 就證明左...佢地返工返得好辛苦... 諗到呢度...自己又責怪下自己啦... 點解佢地仲要挨...!?都挨左咁多年啦... 不過講咩都係假... 身為大仔既自己...要更加努力先得 唔單止係為左自己...仲有養大自己既爸爸媽媽! 好!GOGOGO~:D ______________________________________________   最近出街打機真係打咩都輸- -...囧... 雖質係話冇掂過一年半載姐... 都唔係差咁遠架- - GSD,三國,DM....仲有最近既GVG... 真係玩咩都輸比人... 係只有DM仲有得同人地FIGHT下... 其他真係慘淡收場... 輸果種感覺真係唔好受... 不過要練返哂D技術返來...時間同金錢都係一個好重要要因素...唉... 有時輸左仲要比人串77...,噢...WTF... 好,我認自己技不如人啦...最多咪唔打~ 遊戲來姐...我覺得最緊要都係識得點去享受佢:D 哈!   ___________________________________________________   OK 打住咁多先!   以上!   B4USKY**** :D  輝輝:D 同 COSPLAY小妮子!                       刊登時間︰2008-11-04 10:06 AM  [ 訪客留言(0) ] [ 編輯日誌 ] [ 分享至FACEBOOK ]   2008 年 11 月 1 日  星期六                                                   11月天．B4USKY                         無聲無息咁踏入左11月... 老老實實呢年都好似冇咩點做過野咁滯... 數返起上左頹都頹都2-3個月... 今年計起上來真係唔多掂 人愈大...就好似愈來愈懶散咁... 睇下自己識得既後輩有好多都好識諗 有D猛咁返工 有D猛咁搵工 有D猛咁讀書 有D仲2樣一齊做埋... 真係要好好咁向佢地學習一下   岩岩放左工返來 就上來打下個BLOG 有時日記呢家野真係想打先至會打 有時冇咩想記底真係唔僧特登上來打野... 可能唔想個BLOG淨係記底一D日常既鎖碎事掛... 總之想打就打啦,雖然以家都唔知想打乜野...   話說頭先放左工走左去銀行入錢... 係等緊入錢果時手痕痕打開本薄仔睇睇,一路以來D錢點用... 點知一睇真係想吊下自己=_=" 老實講句咁大個仔都唔係點識得去理財... 攪到以家都儲唔到錢... 有時諗諗下... 出左來做野咁耐...D錢真係唔知去哂邊到 大大話話都做左8年...應該有9年... 真係儲唔到錢...囧rz... 諗到呢到,又睇再睇下本薄仔... 對上一次洗左千幾蚊去買衫買鞋果次... 原來已經係5月幾既事... 睇下以家已經11月頭...差唔多係呢一半年以來我真係一個仙都儲唔到...又囧多次... 唉...... 再睇返前多少少...自己返菜市場+返倉果時就儲得多囉... 不過都洗得多呢,諗返果時d錢洗左去邊...到以家係到諗下真係唔記得哂=.=... 唔好講洗係細佬身上果d啦... 其實真係有數得計... 都只可怪自己有個錢係身果時又唔識點去慳,點去儲... 淨係得把口去話下人,自己又冇口話自己... 對!!我錯了...   到頭先終於入返兩千銀入個戶口度... 以家同自己講...要比心機返工... 以家其實都唔錯,返10日先會一次過出糧... 咁以後每十日就儲起二千或者千五... 咁每一個月就起碼有四千五入到銀行 到時有舊錢係度先諗下點樣攪下個保險金... 自己都唔細啦,係時侯要計劃一下自己既將來... 一直以來自己忽視哂既所有野,以家要好好去計劃同實行... 時間係唔會等我!!   講返買保險... 之前輝輝都有幫我草擬左一入保單出來... 老實講,我自己都好滿意個plan 只不過...保險呢樣野... 如果係一個人係由一開始就幫我跟好入份保單就係最好... 當然...可以既話一生一世既話更加好啦:D 因為我自己聽左d fd傾左一陣保險d野... 發覺左如果自己入保單成日會轉人去跟既話... 自己對果間公司同埋個經紀都會失信心... 呢句就係真話呢既...老實講句...我自己都怕... 輝輝做經紀既經驗尚淺 講到呢到唔係話唔佢唔掂... 只不過自己係諗遠左少少 琴晚佢又比左少少意見我諗諗... 我聽完佢講都覺得okok... 不過都係果句啦,比我自己計劃一下先:D 加上呢加咁既時勢... 做咩都好真係要諗清諗楚,同埋睇定d先好少少... 因為...自己拎出來果d錢...都係有血有汗... 辛苦錢來架...   _________________________________________________   呢排有時都會同下肥鵬去食飯(福苑) 老老實實啦- -...次次都係肥鵬係20蚊...自己條氣真係有d唔順...干! 佢個飯有時仲要鬼咁大個...我仆... 睇見肥鵬食飯個樣真係有d想打7佢!干~:D 不過隨便講下笑架姐:D 諗返下肥鵬話福苑可能會頂比人,又或者唔做... 我自己都覺得有D可惜既...畢竟,都算係聯和墟既老字號丫 (應該都有我咁大掛:D) _________________________________________________   近排冇咩野做走左去磅下重... 發覺自己不知不覺地重左成十磅... 嘩...真係唔多掂 再係咁重落去真係唔係辦法... 可能係上兩個月冇咩點返工日日都係咁食既關係啦:( 加上晚晚都係爸爸既愛心飯局... 真係唔想肥都難.. 唔食又比爸爸吊煮左又唔食:D 但係食左又唔可即刻訓覺... 食飽先去訓係超易肥... 真係....................EXCITING :D 但係有得食又冇理由唔食架:D   最近同媽媽都好似少左D溝通... 冇計啦...佢咁夜先收工... 佢放左工返來我好多時都已經訓左...準備一陣開工 到我放左工返來佢又出左門口開工...唉... 我媽媽幾時先可以唔駛咁辛苦咁挨... 我好想爸爸媽媽可以快D退休... 爸,媽... 你地D仔都大個哂啦,等我地去努力啦~ 加油!GOGOGO~!   ____________________________________________________   魔獸果方面 琴日星期4終於放左鬥士龍... 雖然條龍到以家都唔係屬於自己... 頂多都係得半條... 不過諗返起之前自己一直既努力係冇白費到既... 仲有好多謝我細佬幫左我咁多忙... 用左咁多時間來訓練我 THANK!樹根~ ____________________________________________________ 打住咁多先... 岩岩又出左糧 買D野送比自己先 GOGOGO :D   以上~   B4USKY***** :D                         刊登時間︰2008-11-01 10:20 AM  [ 訪客留言(2) ] [ 編輯日誌 ] [ 分享至FACEBOOK ]   2008 年 10 月 29 日  星期三                                                   GO!．B4USKY                         以家以後打日記可能會有D時差 姐係今日打呢篇日記姐係琴日既日記 希望睇既人可以習慣到- -...   琴日放工又例牌咁周阿炳傾傾傾傾傾 傾左一大輪,佢都係咁既樣... 老實講,我自己都有D就來頂唔順... 就來比你攪到我要GG...   兩條友返到我屋企樓下又吹過 真係唔得你死...   傾完返屋企沖個涼就WOW GOGOGO 玩左一陣成就 HAR左一陣就MSN左肥鵬一陣 之後就約左去福苑食飯:D JOIN埋佢就一齊行左落聯和墟 個飯好Q多汁,又好Q好味... 不過淨係計平肥鵬咁囉...我吊~:( 食飽飽兩個人各自走 我返左落上水幫下架單車泵氣 泵完見飯成攻心,就心思思上左大操下DM,郁下對手咁 點知一玩就玩左40蚊...囧 923>>979SP左右啦...頂,加得好少下,仲打左首長歌,不過星之碎片咁低LV 唔緊要啦,最衰就係冇影相,成首長兩都係MISS2粒....吊! 不過就爆哂GREAT!=.=... 仲有FT飲恨又甩一粒...90%SKILL過...好過上集8X%...唔知係唔係有人睇住... 緊張...最後先來甩... 打玩自己諗左一陣...自己對手打極都係好"硬"唔夠柔咁... 都係果句啦...有心+有時間先諗諗操唔操啦~   返到屋企玩左一陣每日任... 頂唔緊...就GOGO SLEEP!       以上啦~   B4USKY*** :D                       刊登時間︰2008-10-29 08:40 AM  [ 訪客留言(0) ] [ 編輯日誌 ] [ 分享至FACEBOOK ]   « | 1 | 2 | 3 | 4 | 5 | 6 | 7 | 8 | 9 | 10 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ December 2014 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

nancy978

xenvirea

Marilyn

dead1324

HIMIKO

cleverluck

WANSAIKEUNG

johnnyhui_yi

mimikuen

fong_1314520

ivan53542007

Yvonne1989

顯示全部(26)

» 我的好友