今日又係聰聰番啦，諗住等埋樂，不過等唔到，所以冇等啦，

我冇拎地理書番屋企，所以溫唔到書，所以就問聰聰借本書１路行１路睇本書囉，

ｄ野好多都唔知，我諗係因為我留心上堂啦，唉∼咁短時間點記呀．．

番到去測驗真係唔識，好多都係作落去，唉∼今次一定唔合格啦．．

跟住測完就上家政啦，明明係我做得最快，依家就變到差唔多最慢，唉∼

後尾小息直到ｌｕｎｃｈ啦，都係好悶，咁食完野咪去睇班足囉，

原來１ｅ今日踢喎，我都唔知，佢地都唔知，所以佢地著左校服踢，

不過都羸左２ｃ　３：１，民傑入左１球，聰聰入左（３）球，

係咪好奇怪點解聰聰會入到３球呢？！因為佢地比人入個球係聰聰擺[烏龍]，

跟住就上堂啦，又比人扣分，咁小事都話，屌∼好煩，不過咪由佢扣囉，

冇所謂既，合格咪得囉，要咁多都冇用，慢慢扣啦，唔智在個幾分，

跟住上完佢堂就上英文啦，唉∼咁鬼死多功課，點溫書呀．．

跟住就去留堂班啦，去完再打左陣波就走，番到屋企冇幾耐又出街食飯，

冇乜點做功課同溫書，聽日先做啦，廢事煩住哂，聽日早ｄ起身做好過，

唉∼聽日陪唔到你番學添，下次實有機既．．希望快ｄ測完驗啦∼

　　今日又係同聰聰同樂番啦，我諗應該以後都係同佢地一齊番嫁啦．．

跟住今日一路行一路玩，搞到成８點先番到學校，又冇得做功課添，唉∼

跟住冇幾耐就集隊啦，好耐呀，今日有人黎會考，所以我地班要靜ｄ先得，

不過都係咁，跟住又要過呢慢長既英文堂，唉∼悶到想死，所以訓左幾個字。

跟住小息啦，直到音樂堂測驗啦，咁就ｌｕｎｃｈ啦，真係快過，

跟住食完野就去左睇波啦，今日冇同呀矇個ｄ傾計，所以好鬼死悶∼

跟住咪上去囉，ｍｉｓｓ　ｗｏｎｇ又要我地做個ｄ唔知咩，好鬼煩，廢事做。

不過原來都有２分喎，呵呵∼跟住好快就放學啦，放學籍番數學班為名，

唔洗去留堂同見老師，超正∼仲得閒去左小食部食野添，點知多手，

搞到要賠錢比世顯添，不過好彩淨係賠１８蚊姐∼

聽日要統測嘞，仲未溫過書，唔知點考添，死啦，不過我諗唔驚掛，

總之大家努力，考好ｄ啦∼

　　今日咩都算唔重要，最重要既就係羸波，仲要羸２：０先出到線，

所以我地要打得好ｄ，今日一早起身冇咩好做，咪同人係ｍｓｎ傾下計囉，

跟住到左１２點就叫聰聰同樂等埋一齊去球埸啦，點知聰聰好遲先到啵，

跟住就去太和啦，去到見到澄同偉，呀ｓｉｒ仲未到，咪睇下波同食野囉，

後尾澄話我知ｌｉｌｙ佢地羸左波，原來呀媽係正選啵，

跟住呀ｓｉｒ到左，就同我地熱身啦，佢地又係度玩野，搞到呀ｓｉｒ話唔練，

咁咪唯有自己去球埸練囉，冇幾耐比賽啦，佢地最矮個個都好似同我咁上下高，

有ｄ驚驚地添，不過就咁睇佢地都唔係好勁姐，終於比賽啦，

我地初初同佢地差幾分，後尾打好左，第１局羸２５：１３，好勁呀∼

呀ｓｉｒ就話唔好就咁就滿意，第２局要打好ｄ，因為要計分，

第２局我地都羸左２５：１７啦，不過其餘個隊都同分，

所以要計細分，姐係要睇下邊個羸對手分數多ｄ，唔盤數，

我地就咁計應該出到線，不過都唔知係咪一定出到，

跟住打完波再睇左人地打多陣就走啦，因為實在太悶，

我番到屋企之後就梗係第１時間開機啦，不過都唔知幾時佢先唔嬲我。

唉∼希望唔再嬲我啦，都唔知點氹佢，唉∼