嘩 真係好耐冇返黎打野啦 好掛住呀 其實我而家返緊工嫁 不過最近好想打返日記 等自己既將來可以睇返 都知自己做過咩丫 時間過得真係好快 我同阿志一齊左都就黎四年半啦~好長呀! 我都返左富明西藥房呢份工就黎一年啦! 諗返起原來我之前冇返工都有成3年啦 真係非常多謝爸爸媽媽咁努力去照顧我 當然仲有老公啦 只係拍拖 你都出咁多錢去養我 多謝你地咁錫我 愛我 我而家會努力返工嫁啦 前個排有一日同老公嘈左一次大交 原來之前都有野唔開心嫁啦 但令我爆既事就係~ 事原 而家我同阿妮一齊做緊同一間公司 佢入左黎做唔係好耐 前排佢成日請假 返唔夠一個月就一次過一星期 仲同老細講因為去旅行 跟住返到黎又話呢間公司有咩唔好 有咩唔好 成日話要轉工 所以就成日請假去見工 因為佢係我介紹入黎做 所以老細以為我教佢!! 有一日 我地阿頭Chirstine(簡稱CT啦) 佢話老細屌啦 叫我地唔好在請假 在請就出警告信!! 好啦 我都唔可以在請啦!!點知阿妮轉請病假~ 咁你病我都冇計啦 點知有一次阿妮請病假 咁我放工諗住同老公買餸返屋企煮啦 點知!! 阿妮周ms都係到 阿妮仲要化好勁既妝! 點解?唔係病左咩?點解要化妝?點解會出黎? 因為呢次 我真係好嬲呢個人 一路都冇同我講過 呃我 仲要因為你我俾老細屌 覺得係我問題!! 之後都好地地 冇啦啦佢又黎 又請病假!! 呢次既嬲真係嬲到入心啦 因為佢冇同我講既情況下自己一個出黎搵我老公! (本身我已經覺得呢個人成日想溝走我老公嫁啦) 食完晏 老公打黎同我講阿妮話出黎搵佢wo 我就話你咪同佢講要做野 唔得閒理佢囉!! 老公話佢係長沙灣地鐵站打俾佢 冇得走啦 我真係做做下野 大聲地屌左一下 心諗 你冇撚野呀?因為你又請病假我都俾老細屌左3次 而家仲要唔同我講咁自己一條友走黎搵我老公單獨? 事後老公仲要同我講你阻住佢做野 跟出跟入!!你當你自己係邊個呀? 真係屌你老尾好啦 就係因為咁 我真真正正地嬲左呢個人! 過左幾日 因為我遲起身(我唔可以遴到)所以我請左病假 跟住同媽咪去行街 咁岩見到買左部新電視 咁屋企D野就要轉位啦 但因為得我一個 所以我搬位失敗><" 係當日夜晚既時候 我老公打黎 佢話(ms同阿妮原本出去睇戲 但ms唔想睇 所以叫佢一齊食混亂拉麵) 因為我好憎呢個人 所以我好嬲 我話人地拍拖 你又跟去做咩? 老公話 一齊食野丫嗎 我仲嬲咁話你咪自己去買野食囉 明知我唔鐘意呢個人 仲要同佢地一齊食野!!老公(笑一笑 好啦 唔講啦 拜拜) 個下真係嬲到不停打個張床!不停喊 不停諗!最後我whatsapp send左分手 當時因為佢掛住同佢地食野 吹水 佢一路都冇睇到 我就照做我既野 到左搬位失敗後 收到fb and whatsapp 好幾個訊息 (點解呀?老婆 我愛你:3 咩事搞到老婆仔咁嬲呀? 老婆仔)之類既說話 其實聽到都幾冧 但因為佢當時唔理我嬲照同佢地加上我搬位又失敗 令到我成個人都好唔開心 過左一段時間 我應佢了(內容唔打 太多) 傾左一段時間 我唔理佢(因為唔知點應好,只可以不停喊不停喊) 直到有一下 老公話(我仲好愛好愛你) 我心痛了 唔想失去了 但我想試下佢係咪真心 因為當時都零晨1點幾2點了 我想叫佢幫我搬返好個位 但一個人又做唔到 要等爸爸返黎一齊搬 我就問佢(今晚零晨4點半黎我屋企幫我做D野得唔得?)老公問(咩事?)我話(唔好理咩事 你幫唔幫?) 老公話(幫但可唔可以話我知咩事?)我話(可以 幫我搬返個位) 好啦 跟住一路傾啦 3點佢就話不如而家出黎食野啦 觀塘等 好耐未試過同老公咁夜係條街到拍拖 可惜今次唔係拍拖 因為嘈左交 所以冇拖手 行行行 行到4點就返去啦 老公望到 問我發生咩事? 我笑住咁話 想搬位 但搬唔到 好重 媽咪又幫唔到手 跟住老公就睇睇睇 開始郁手 我話 等爸返黎一齊先搬啦 好重 老公話 唔等啦 眼訓 唔想等(其實我知佢唔想爸辛苦!) 一路整 我一路望住老公 我覺得佢突然變得好man 個下好似有一種光係佢身上 我知道 我仲好愛呢個男人 爸都未返 老公就整完啦 我叫佢咁夜係到訓啦 沖涼先啦 跟住佢叫我一齊沖(因為我已經當冇事發生) 所以好啦 一齊沖 沖沖下老公突然講左句野令我個心痛一痛 好驚! 老公做左一個想摸我既動作 老公話(可唔可以呀?最後一次丫?) 個下真係好驚好驚!我忍唔住 扮沖完走左出去小小地喊 老公沖完出黎 我扮冇事 跟住訓教 老公叫一齊訓 我問(而家我地咩關係?一齊返就一齊訓 如果唔係我就出廳訓) 老公話(一齊訓係到傾)跟住就一齊訓 一路傾 我又問(咁而家點呀?)老公話(我地而家攬住 摸住對方個心) 跟住...老公話(你摸下 我跳得好快嫁 我仲好愛你) 就係咁 冇事了 第二日係老公屋企訓 我訓到一半 老公上床訓 突然同我講(老婆 我愛你 我日日都同你講一次丫) 因為我半訓緊 所以我話好 唔知原來係真既 第二晚老公真係有講 我先知 下 真嫁?(開心到暈^^") 就係因為發生左呢次大事 我感覺到我地既愛情有增進了!! 仲有樣非常重要既事 係最近開始的 在一次感覺到辛苦得來係值得既! 最近端午節 志媽叫佢新工人(秋美)包粽 包左勁多勁多 有一日我返工 出門口前 志媽問我食唔食粽叫我拎2個返去 因為我怕佢嬲 所以拎左2個返工當早午餐食 重點係志媽叫我拎 個下我覺得好出奇但真係好開心 晏就我同老公講(我唔出黎食啦 你媽俾左粽我 我要係公司食粽) 老公答我(我知呀) 下....志媽主動同老公講我拎左2個粽? 夜晚我問老公你媽點同你講?老公話(一起身佢叫我食粽 話bobo都拎左2個) 個下仲好奇我問(你媽叫我bobo??)老公話(係呀 佢而家叫得好正嫁啦) 非常非常開心 好有突破既感覺!! 第二次 我返工前志媽冇啦啦叫我(bobo 點解上唔到網既?) 以前志媽一定唔會問我 佢一定會叫醒阿志叫佢整 今次佢出聲叫我 仲要叫bobo 真係唔知點形容!! 第三次開心既野 端午節志嫲叫我上去食飯 以前志媽唔鐘意我 我幫手"裝"飯/湯 佢媽都唔會要我幫 呢一次 佢自動俾我 又一突破既感覺!!我真係成功左?老公又點諗呢? 親戚一個一個不停結婚 我......仲要等到幾時呢?
但可唔可以話我知咩事?)我話(可以 幫我搬返個位)