今日老公要走了..佢同屋企人返大陸拜山啦~
仲要去一個星期咁耐呀><""真係好掛住你呀老公~
2010年3月15號至2010年3月18號~
星期一返學..放左學上左老公屋企玩..玩左一陣就返屋企啦~
星期二..本身一早講好今日去睇戲..點知我一起身~
老公就打黎同我講..今日返學..跟住放學上黎我到拎貓~
跟住就上黎我到..之後在落去apm睇戲~
但因為我太遲起身了..傾下玩下過左時..冇返到學~
到最後都冇去到..因為佢唔想自己拎阿啤過黎-.-""
星期三..今日返學..放左學本身唔係好想食野..因為m痛~
但老公琴日就話想食..咁今日就去陪佢食啦~我地今日去左食三和田~
138冇加一..但佢個到好小款..野飲都好小~最多酒囉~
但食到一隻叫白拖羅同蟹黃粥既野^^""白拖羅人人話係好野~
果然冇錯嫁..真係幾好食~個味好似三文魚..但比起三文魚又會好咬d~
唔知點講..有機會一齊在去食過~但蟹黃粥就其實係蟹柳粥~
但又幾好食嫁啵..佢咁多樣野...唔計生野食..呢個粥係最好食嫁^^""
食到大約11點幾就走啦..因為中間係到掛住吹水^^""
走左之後係深水浦行左一圈先去等車~12點幾返到屋企了~
星期四..本身係想補返星期二睇戲既...前一日老公又話可以7點走~
咁就可以睇早D個套..唔洗搞到咁夜返屋企~
點知到左今日..佢又話唔得..最好唔好個D~
仲叫我出去..我話唔出~佢又話..唉..出下黎都唔得~
咁我咪話囉..你都係唔想出黎先叫我出姐..琴日邊個講到話得得得嫁~
到最後都係個句啦..冇出到...等聽日啦^^""
2010年3月19號~
星期五..返學...但遲到-.-""上到去一陣就點名~跟住乖乖咁聽書~
9點打俾老公叫佢快D執好阿啤D野..跟住我黎到就行得~
但佢又掛住睇pps..唉!!早知唔教佢下載pps睇啦><""
本身9點就可以走嫁啦..但想做完個版先~所以9點15分先走~
落到去打俾老公..佢個時先開始執..唉!!真係火都黎呀~
咁姐係唔洗睇戲啦><""上到去..原來老公想.....
同佢講好嘔..好多血..佢都唔聽~好啦..咁咪....最後搞到佢成張床都係血~
哈哈..唔關我事嫁~係你死都要咋^^""
跟住就快快咁叫佢整好D野啦..但時間得返好小-.-""
整好D野就出發啦..因為太趕了~所以要飛小巴~
但開左車冇幾耐就見到夠鐘了..所以都冇得睇啦~最衰都係老公><""哼!!!
好啦..去到觀塘打俾媽咪要食咩..買俾佢食啦~
跟住買完就上我屋企啦...放低阿啤..玩左一陣..跟住食野~
我就去左沖身..因為好多血-.-""出黎見到老公同媽咪傾計~哈哈~
跟住就同老公坐係梳花到食野同睇電視...一齊有傾有講~
坐到12點老公就要走啦..送老公落樓下~仲帶左KAKI落去行下^^""
初初同老公坐左係公園傾下計..放左繩俾KAKI自己行下~
點知傾傾下唔見左KAKI...叫佢又唔理我地~我地出去搵又冇~
但當時我一D都唔驚..因為我知佢大約唔好走好遠^^""最後我係好遠望去M記見到佢~
行到過去..KAKI都唔理我><""自己行黎行去...老公叫我打佢~
但我當時真係出唔到手...因為佢真係太得意了~第一次見佢自己走左去玩^^""
跟住好啦..係M記門口到坐..KAKI開始走去玩人啦~係咁跟住人地行~
人地以為做咩有隻狗跟我返屋企既...但個時KAKI又走左去呀^^""
但真笑死左我...有一對情侶又好似我地咁係到行黎行去~KAKI就同佢地玩左好多次~
真係笑到肚都痛呀^^""最後1點幾老公先去等車返屋企~
咁我陪完老公等車我都行返屋企啦..但我返到屋企老公都去到太子了~
真係好快呀..小巴真係小巴-.-""
2010年3月20號~
星期六..本身老公話今日走嫁啦~點知我起身個時老公打黎話我知唔係今日走^^""
咁好啦..傾左一陣就收左線啦..因為老公要做野><""
跟住我就同媽咪去行街買野..跟住上返屋企坐一陣先落去食野~
就落多次去既時候..瑪奇有個fd就打黎啦~佢話佢岩岩係澳門落黎玩~
佢問我出唔出黎見下面..我緊係唔出啦..三唔識七..出去做咩><""
跟住落去食野...食完野去行惠康~俾錢個時老公打黎~
佢話佢而家放工啦...但佢而家出緊去搵個班人..問我出唔出?
我想出既..但又唔知出左去之後有咩搞..所以一口話唔出~
老公叫多幾次我都話唔出之後就收左線..跟住我都返屋企啦~
點知一返上屋企就見到二家姐帶左好大班fd上黎..仲要用左我部電腦><""
唉..咁冇計啦~打俾老公問佢地係邊啦..佢地係荃灣..但我唔識去啵~
咁老公就話..等陣我地去旺角個時打黎叫我出去啦~咁我就話好啦~
大約9點幾老公就打黎叫我出去啦..我唔洗一個鐘就出到去啦~
跟住咪去搵老公佢地囉...行左一個街口就見到佢地啦~但原來唔係好多人咋~
得老公同樂樂..仲有兩個澳門落黎既朋友仔^^""有一個都幾靚仔嫁~
但最唔開心既係...同老公只能做朋友..唔可以拖手><""搞到好唔知點呀~
跟住行啦..佢地4個男人行..我自己一個係前面行~行下行下唔見左佢地~
跟住老公就走過黎前面問我做咩行得咁快...係到陪我行^^""
行下睇下野...但得老公買左個新煙盒..我地個個都冇買野~
本身老公睇中一件衫...我一話好睇..老公就問佢地有冇人要買野~
如果有既話就可以講價..因為件衫要成69蚊-.-""好高..佢地話我有千里眼~
可惜冇人要買衫..買到老公都冇得買~其實我都想買嫁..但老公冇問我..所以算數啦><""
跟住行左一兩個街口就走了..因為男仔都係唔鐘意行街既-.-""
咁就要諗去邊好啦..本身就諗住去網吧嫁啦~但因為老公未食過野~
所以大家一齊陪老公去食野^^""因為個個都食左野先出黎..所以我地係陪~
跟住去左金太郎食...叫左兩個拉麵..一個三文魚頭..一碟刺生~
真係講左都唔聽..話左老公人人都飽..得你一個食..唔好叫咁多~但你又唔聽~
最後有好多野都冇食到><""108蚊...本身2位澳門朋友都拎銀包出黎話夾返~
但老公唔要..所以今餐老公請我地咁多人食^^""跟住就行去網吧打機啦~
初初去老公樓下個間..但因為冇5部連機..所以走左去我學校個邊個間~
我學校個邊個間有好多位..本身我入去問..但因為我唔係好識點睇佢地D位~
所以叫左老公去同佢傾..跟住俾錢個時..我一手俾張20蚊老公~
佢話唔洗..跟住其他人就開始唔俾><"""搞到今次打機都係老公請~
對唔住呀老公..搞到又要你請咁多人-.-""我唔應該係呢個時候俾錢你嫁-.-""
好啦....跟住開始玩啦~開左3個鐘..因為我唔想老公聽日咁辛苦~
跟住打左3個鐘瑪奇..但老公叫加多1個鐘~因為佢想玩L4D2~
但大家都只係話好..無所謂~但又冇人起身去加鐘~因為如果在唔加就關機~
咁我就叫老公..我話快d去講啦..如果唔係就關機嫁啦(個時講得好似有d大聲)
跟住個靚仔就起左身行去講..個時真係覺得唔好意思><""好似叫佢做野咁~
仲要佢俾錢..老公本身諗住俾錢佢俾嫁..但佢巳經俾左錢了~
所以老公就收返起個銀包..跟住個一個鐘就佢地幾個玩L4D2~
我就自己係到玩瑪奇..有時都有望下佢地既~見到樂樂係咁大叫~
真係諗返起我地4個第一次一齊去網吧玩L4D2既時候^^""我同WING都一樣係咁大叫^^""
玩到5點幾就走啦...但樂樂冇車搭..所以老公同佢地2個就係到陪佢~
老公叫我走先><""咁冇理由唔走啦..佢都講出口啦~
但好夜..佢地都冇送我行去等車~嗚!!!!!!
坐小巴個時send左個sms俾老公..大約都係話返大陸要小心..我會掛住佢~
跟住返到屋企沖完涼老公就打黎啦..佢同我講返到屋企了~
佢都會掛住我嫁..跟住就收線訓啦..因為佢真係好眼訓~
聽日又要一早起身去執野返大陸~真係辛苦呀><""但冇計啦~
返大陸最後一次見面...當然想見耐D啦~^^""
2010年3月21號~
星期日..12點14分..老公出發返大陸了~
2010年3月22號~
星期一夜晚老公打左兩次長途電話俾我..第一次係去到話聲俾我知~
第二次係老公要訓教..打黎同我傾左一陣電話^^""開心呢~~
