星期五 2-4-2010~
今日2點幾土起身..因為今日係婆婆既生日~
夜晚要去酒樓食飯..食完飯就坐船去澳門~
咁我一起身就開始整野啦...整下整下都成4點啦~
跟住同媽咪同家姐去大家樂食下午茶~~
食完就出發去酒樓啦..因為佢地卜左5點~
我地去到岩岩好入得去...但婆婆佢地到左啦~
去到見到大e係到唱緊歌..咁我地當然要同婆婆講聲生日快樂先啦~
講完之後等左一陣..跟住就打牌啦^^""
我同二家姐都有份打..因為冇咩人黎左~
嘩..二家姐真係黑到爆...係咁輸..仲要我幫佢俾錢-.-""
搞到連我都輸...打打下俾媽咪打~因為佢好悶~
跟住D人就開始到啦...因為二家姐同媽咪都輸緊~
所以媽咪叫二家姐俾其他人打..咁我同二家姐就出左去行下~
咁岩佢地開第二"木台"...但二家姐想行街..搞到冇得打><""
咁陪佢行一陣啦..佢去到一間賣衫既野到..我都唔記得叫咩名啦~
跟住話想買個件衫..咁咪打俾爸爸叫佢買囉~
咁岩爸爸岩岩上左去..跟住佢就要落返黎啦~
試下呢件試下個件..最後買左2件~可惜..我睇唔岩><""
因為個間野冇得著上身試...所以行左去洗手間到試~
試完冇問題就上返去...但仲未食得飯~
咁媽咪就俾二家姐打..跟住我同爸爸仲有媽咪一齊唱歌~
唱到8點幾食飯...D野食都ok啦~不過個"木台"既人就麻麻啦-.-""
我地係同婆婆同"木台"的~~所以食既野都食多D~
食到11點幾就走人啦..真係食完就各自走-.-""水都冇吹多句~
算啦..咁咪走囉~跟住行去搭車過中環..去到就上商場買船飛~
用左一個鐘時間過黎..咁岩有12點幾既船飛..仲要150蚊咁平~
岩岩好^^""咁就行入去過關..跟住等有船啦~
等緊期間見到好多鬼妹同有D靚仔..哈哈~一路睇一路等~真係唔知時間過呀^^""
好快就上船啦..但因為我地4個人..所以冇窗邊位坐-.-""
咁就算啦...諗住訓下教啦~點知又訓唔著啵-.-"""
咁咪睇戲囉..睇到落船~一路睇一路坐真係有D暈><""
不過落左船之後都冇咩野...跟住出去啦..又要過關啦~
一出到去..二家姐就開始去影相啦~影影下影到一間叫海立方~
咁咪行入去睇下囉..點知原來係賭場..咁今次黎都係想入今生第一次既賭場姐~
咁爸爸咪帶我地入去囉..入去之前放低D行李係門口個個姐姐到~
跟住就可以入去啦..真係好開心呀~一開門個下野..真係嘩左一聲~
原來唔係人地所講咁多煙..入到去感覺好靚..但呢間唔係好大~
跟住爸爸帶我地周圍行下啦^^""一路行一路問爸爸呢個係咩個個係咩^^""
跟住行到去21點個到..爸爸睇下一陣就坐落去玩啦^^""
哈哈..真係好正~企係爸爸旁邊幫佢叫..有時叫到..有時叫唔到~
不過都係叫到多^^""叫到真係好開心..見到爸爸收錢錢~so good^^""
初初win..跟住輸..跟住爸爸好有氣勢咁開始玩..500蚊500蚊咁放落去~
真係好驚-.-""因為初初佢放都係200蚊咋..但好彩爸爸有氣勢~
最後win左^^""win左2千幾蚊..跟住去換錢錢~
見住個個人俾錢錢爸爸..真係好high^^""跟住好細咁講下..係咪有錢分嫁^w^""
我諗住爸爸分一百蚊嫁咋...點知爸爸俾500蚊啵..仲要人人有份~哈哈
開心死啦..第一日黎到..第一次入賭場就有錢分^^"""
個日心情真係好到爆呀^^""跟住就走人啦..因為同三伯講左聽日先去~
所以今日冇地方訓..咁爸爸就話去搵地方按摩啦..因為可以一路按一路訓~
咁去之前都巳經問左人嫁啦...咁去搵個間野啦~點知貴到pk~
一個人最少都要600蚊-.-""咁咪走囉~又冇其他地方啵~
咁爸爸就諗住去賭場玩..玩到第二朝搵三伯..跟住上去佢屋企訓陣~
咁諗住行去金沙(一間賭場)..因為最近..又見到好大間~
點知行行下俾我地見到Neway..因為聽日仲要玩..唔想眼訓~
所以就入去開下價錢..睇下唱通頂要幾錢~點知一人93蚊咋~
去過酒店問..一間房都要千幾蚊啦~咁呢到又有得唱..又有得訓^^"
咁就入左去啦..嘩..估唔到4個人都俾咁大間我地呀^^""
有獨立洗手間..有3部電視^^""仲有4張長梳花~勁到呢^^""
咁入到去當然唱歌先啦..但媽咪就訓教先~
跟住媽咪起身就到我訓啦..訓訓下起左身..爸爸同二家姐都訓左啦~
當然4個一齊訓都得啦..咁大^^""但咁岩一個起就一個訓咁解姐~
跟住媽咪唱唱下冇啦啦關左電視啵..哈哈~咁就岩啦..全間房都黑~
我又在訓過..但都未訓著D人就入黎整好左啦-.-""但好彩都訓到一陣姐~
訓到爸爸叫我起身..因為夠鐘要走啦^^""
星期六 3-4-2010~
咁就出去搵野食啦..但個邊又冇酒樓..我地又想飲茶~
咁咪去搵左三伯先囉..唉...俾佢地煩左一陣先可以上去飲~
因為佢地要睇舖..所以要等三伯娘落黎換人..三伯先可以同我地上去飲~
咁等左一陣就上去啦..一路食就一路傾-.-""三伯食完就落去叫三伯娘上黎食~
搞到好似見客咁-.-""三伯娘上到黎佢地又要在傾多次~
真係食快小小走人好過^^""點知都未知幾錢..個部長就找左錢俾三伯娘啦-.-""
原來三伯娘入黎個時巳經俾左錢..因為佢同個D人好熟..所以我地咩都唔知-.-"'
咁好啦..走人啦~跟住上佢地屋企..沖個涼..訓一陣啦~
但我冇沖涼..同爸爸係到睇電視..睇左一陣二家姐就叫我入房訓啦~
入到房又冇左我想睇個個台..咁就睇D無聊台啦~本身都唔想訓嫁啦~
因為真係好悶..媽咪又入左黎訓~咁就訓啦~我同二家姐仲有媽咪就訓三伯娘個間主人房~
爸爸就訓廳~哈哈...訓訓下聽到三伯上左黎..唔知去左邊到訓~
咁我地就訓左1點半起身啦..因為想早D出去行下^^""
起身就梳洗下先啦..三伯娘就係個廳到同爸爸傾計..等我地~
我同二家姐都好快手咁整野..整完野就坐左係到啦~因為三伯娘買左蛋旦俾我地食~
咁我地食完就上去上面啦~因為佢地有2間屋..一間係樓上..所以我地就住樓上個間^^""
上到去放低D行旅就走人啦..落返去佢地舖頭搵三伯~跟住三伯就車我地去行下啦~
首先去左威尼斯先..跟住在去新濠天地都行~三伯帶到我地去新濠佢就走先~
因為要返去收舖同車三伯娘佢地黎^^""咁我地去新濠都係因為三伯話有個天幕一定要睇~
咁我地就去左賭場玩陣先..唉..輸左好多-.-""不過有一次我都有份坐落去玩~
個個人仲幫我一齊叫^^""佢真係好得意~可惜..佢次次都大過我~
搞到係咁輸-.-""所以爸爸叫走~咁玩到夠鐘就入去睇啦~^^""又真係幾好睇落~有D位仲嚇親^^""
睇左半個鐘就完啦..本身係睇8點..但因為有人唔要飛..俾7點既飛我地~
咁我7點睇到7點半..但約左佢地8點45分..所以我地就行左去威尼斯個邊既賭場玩下先啦^^""
今次好勁呀..爸爸係咁win^^""但三伯佢地到左..係咁吹爸爸出去..當然佢地唔知我地去左賭場啦^^""
哈哈~佢吹到爸爸都想發火呀..但都冇計啦..佢地到左就要走啦-.-""去左換錢錢先~
係win左..但因為俾三伯吹..所以win唔返岩岩輸個D~咁冇計啦~
跟住行返過去新濠搵佢地啦..因為三伯佢地係個邊..買個自助餐卷俾我地食^^""
又係三伯佢地俾錢..真係正呀^^""咁去到就入去啦..要行入去賭場~
但今次入去個個人要睇我身份証-.-""好彩有帶姐~
原來食野個到係賭場入面嫁..哈哈~諗住D野好好食啦~
點知-.-""又小野食..又唔好食~唔怪之得三伯娘佢地唔入黎食啦-.-""
得三伯陪我地食..仲要食得好快就走左出去搵三伯娘~
咁我地都食好小野就走啦..真係唔飽嫁-.-""
食完就去搵佢地啦..佢地就係老虎機個邊玩^^""我同爸爸就周圍行下~
個到有人跳舞同唱歌..頭先食野個時就睇人跳舞^^""真係好正~
當然跳個D舞唔係正經嫁啦..一路跳一路除~除到得返內衣褲就入返去~
但跳個D全部都係鬼妹...好正^^""個個都好靚女~但好快就完..又要等唔知幾耐先在黎一次~
到左我同爸爸行過去睇個次就係有人唱歌..有個靚女同3個老男人-.-""
我地岩岩行到去聽個個係靚女..跟住就係個老男人..所以就走啦^^""
跟住行返去搵三伯佢地啦..哈哈~咁岩三伯玩老虎機win左2500蚊~
勁呀^^""跟住就走啦...因為三伯仲要車我地出去~
可惜去到個到落雨..又冇咩人..得二家姐好開心咁係到行-.-""
行到1點幾就返去啦..好累..所以就返去訓啦~
返到去留下買野食..本身想要個個野食..但三伯一見到就話~食xxx啦~
咁就叫左佢話個D野食啦..不過算啦~好彩都唔係唔好食姐~
只係個時想食既野唔係呢D囉~有小小嬲嬲地..但好快冇事了~
行到去樓下見佢大仔...跟住一齊上去佢屋企~都唔知點解要入左佢屋企先可以在上去-.-""
算啦..入完就走啦~返返上去~跟住就食野~爸爸沖涼先~
跟住就到我沖涼..沖一沖..好好多^^""
出黎就搽野..跟住就睇左一陣電視爸爸就話訓先啦~
咁我都上床啦..上去睇ipod~睇睇下二家姐上黎啦-.-""
跟住一齊睇...睇左一陣我都眼訓啦..咁就訓先啦~二家姐就睇多陣先訓~
但因為平時佢地冇叫人上黎呢間清潔..搞到呢間好唔乾靜><""成晚我同二家姐都係到身痕~
我就訓得唔係咁好..二家姐就話都ok-.-""但算啦~
星期日 4-4-2010(最後一日)~
9點叫二家姐起身..跟住又梳洗下就出去啦~我話唔好搵佢地住..去浦京玩下先^^""
因為我好想去爸爸以前成日去個間睇下係點既^^""
但媽咪話要同佢地講聲..所以又要落去傾左一陣先走得~
咁就去左坐車車啦..先先去左一間叫永利既商場睇金樹~
等緊既時間爸爸入左去賭~我地就係到行黎行去..好悶~
等到夠鐘爸爸就出黎啦..跟住影下相..等多一陣就有啦~
都幾靚嫁^^""唔知影出黎係點呢??仲未睇^^""
睇完金樹就去浦京啦~行到去個個商場..但又搵唔到佢個賭場~
最後唔知點行下行下又去到左啦啵^^""咁就入去玩啦~
初初爸爸輸嫁..跟住上樓上玩^^""但爸爸唔俾我地跟住睇~
所以佢俾左90蚊我去玩..咁我就同媽咪去玩大小啦~
買總數就20蚊..買大小/數字就要50蚊~
第一次玩..好驚..唔敢買-.-""睇左一陣~搵到個冇人既位企~
咁就睇清楚先買啦^^""點知有一次我冇啦啦話今次開9~
佢就真係開9啵^^""媽咪都話咁中既^^""咁我咪開始有信心買囉~
初初都好驚嫁..買下數字先~姐係佢開個3粒入面有你買個個都叫中~
哈哈~中左呀..頭個幾次買咩都中^^""跟住有一次好勇咁買總數係11~
真係估嫁咋..20蚊..小小地都ok嫁~點知真係中左啵^^""收錢仲要唔係收40蚊..係唔知幾多蚊~
冇數過^^"""跟住有一次輸左...媽咪就走左去洗手間~
個坐就叫左二家姐黎坐..姐係陪住我~哈哈..跟住都一路win~
最後爸爸黎到個一次我買2邊..win左一邊~買50蚊..但佢俾左150蚊我~
初初我都唔知點解..跟住二家姐話返俾我知先知原來係一開有2粒都係我個個數~
所以係俾多50蚊^^""跟住就要走啦..爸爸初初俾90蚊我..最後我win到有560蚊~
姐係win左470蚊~哈哈..勁開心~第一次玩有win咁多..都唔錯丫^^""
但個次爸爸win得仲勁..佢手上既錢有6千幾-.-""多我好多~
去換錢個時爸爸俾左200蚊我..哈哈~佢地冇份^^""因為係我幫佢win既~
但win左咁多..爸爸都仲未win返輸左個D~所以仲要在去玩過~
今次要走都係因為三伯話而家黎搵我地><""唉...又係咁~
算啦算啦~鬼叫佢呢兩日咁好人車我地周圍去咩-.-""
咁好啦..出去搵三伯啦~等左一陣就見到佢格車啦~
跟住上車去唔知邊到..跟住去黑沙灣~哈哈..唔只沙黑..連海水都好黑^^""
睇完影完就去搵野食啦..咁岩個到有間野食~咁就大家一齊入去試下啦~
又係三伯話食咩就食咩..不過算啦~我都唔知有咩好食~
最後又會係佢俾錢..所以都係算啦..俾佢叫^^""
今次又係啵..佢叫咩都好食嫁啵^^""但唔係好多..所以食得唔係好飽~
咁完野出去出面又有幾間燒野既野..咁我就行過去睇下啦^^""
嘩...見到雞翼呀~叫爸爸買^^""點知俾三伯見到~咁當然又係三伯俾錢買俾我食啦^^""
佢地個個都唔食-.-""買得一隻試~買完就上車啦~
俾佢地一人試一口..哈哈~個個都話好食..可惜開左車了~
我到而家都好掛住佢D雞翼呀><""真好正到爆呀^^""哈哈~
跟住就出返去..但要行既地方都行完啦~所以叫三伯車我地去新浦京~
跟住就放低我地叫佢返屋企訓下..夜晚食飯先在出黎啦~
咁我地一落車就走行商場..唉~見到又好貴..一係就唔岩~
行完等於冇行過-.-""不過算啦~行去新浦京玩賭場好過啦~
咁就去左賭場啦..初初望住爸爸玩..佢又係輸~咁我地就走開自己睇野啦~
本身我同媽咪都想去玩下大小嫁..但佢呢個買總數要100~
點數同大小都要買200-.-""見到都驚...唔敢玩~
咁就行左去睇人地玩21點...見到有個人係咁win..係咁win 500同1000蚊^^""
搞到D人走..跟住佢自己一個人玩..都係win緊~
本身我想叫媽咪換錢玩嫁..點知有人坐左落黎~
直覺話我知..佢會輸返~所以我就冇玩到啦~哈哈~
好彩冇玩咋..佢真係輸返~跟住在黎多一男一女~佢就好返小小~
不過都係輸多^^""睇睇下爸爸就過黎叫走啦..仲話有錢分~
哈哈..開心死我呀^^""快D去換錢錢先~哈哈...但今次分得200蚊~
好過冇啦^^""跟住出去行街啦..行去食一樣好出名既雙皮奶~
行行下見到一間賣好平既衫..咁咪入去睇囉~唔係好靚~
但都想買件做手信~最後搵到一件都ok既..媽咪佢地都話ok~
點知媽咪冇啦啦放低..跟住就話走啦~唔值啦-.-""
唉...平又話平..貴又話貴~都唔知佢地想點呀><""唔買咪算囉~
嬲嬲地自己行...行到去就入去食野啦..好彩我地咁岩有位姐~
第一次食雙皮奶..以前我都唔食嫁..今次就真係第一次試下^^""
嘩...又幾好食啵~放入口就變左鮮奶咁~哈哈...正爆^^""
食完就走人啦..因為媽咪見到我嬲佢唔買俾我~所以就叫我去行下條街~
行行下見到一件我愛澳門^^""第一次見~入去睇下啦~
初初見到佢地個樣就真係唔想買啦><""個個黑口黑面~
我都係睇下衫姐..唔想睇咪唔好行入黎囉~又要俾我睇..又唔想等我咁~
唉...咁都要買嫁~搵到個碼就叫媽咪入黎啦~
跟住俾我見到一件衫有條龍既..仲要好靚嫁~但要88蚊~
爸爸第一句就話貴唔買...我黑面~媽咪就叫爸爸買俾我~
唉...可惜~咁岩冇我要個個色~佢地又黑口黑面~咁咪走人囉~
買一件就算啦><""唉...勁唔開心呀~跟住行去搭車返屋企~
因為要拎行李..拎完佢地就話係樓上酒樓食飯算啦~本身佢地係話出去食嫁~
不過算啦..鬼叫佢地個仔唔想出去食咩~咁就要係到食啦~
好彩佢地叫既野..樣樣都幾岩食姐~食完就走啦..格車唔夠坐~
所以佢個仔就要返屋企先..我地6個人出去^^""
哈哈~今次我坐前位啦^^""唔洗同佢地迫~so good~
跟住佢地車我地去買手信~去左我細細個就去個間野到買~
因為三伯娘識左個個老闆娘三十幾年啦~所以一去到就對我地好好~
唔洗講咩就有八折了..買左好多野~但最後都唔夠俾手信-.-""
跟住就去買船飛返黎啦~點知去到最快要2點15分先有一班~
初初都嘩..咁耐嫁~點知媽咪話..唔緊要啦~等個時咪去賭場玩下囉~
好快夠鐘既姐^^""聽完之後真係好想去呀~反正要走了~
點知三伯娘話有人可以好快就有船..仲call左佢-.-""
等左冇幾耐佢就到啦...唉...原來呢個人係到做既~
話入去就可以入去嫁啦..跟住就可以上船了><""
真係好想去玩呀><""嗚........唔想走呀~~~~~~
坐一個鐘船..發夢都見到自己係到賭緊呀~變左賭婆-.-""
一落船就打俾老公啦..跟住就搭車返屋企啦~
返到屋企玩左一陣電腦就訓啦..因為真係好累^^""呢2日都冇好教訓~
星期一 5-4-2010~
到左星期一2點幾起身~玩左一陣電腦媽咪先起身~
跟住就整野出去婆婆到..本身今日要拜山~但因為琴晚太夜返~
呢兩日又冇教好訓..所以就冇拜山~只係上去同婆婆食飯~
5點幾上到去..哈哈~好快就開"木台"打牌啦^^""因為佢地都等左好耐~
打到7點幾食飯..8點又開始過~今日約左老公拎kaki黎我屋企~
可惜要打牌..搞到9點都仲未走得..好彩老公等我^^""
打到11點幾先走得..跟住打俾老公叫佢出門口~點知佢又同人打緊-.-""
叫佢快d出黎..跟住佢就整野出門口啦^^""
我地就坐車去觀塘等佢啦...係車到數錢^^""食飯前WIN左三十幾蚊~
食完飯之後WIN左4十幾蚊^^""哈哈...岩岩好win夠錢聽日去唱K~哈哈
跟住係觀塘食左個牛腩河~幾好食丫..可惜之前食左飯~所以食得唔多-.-""
食完就出去出面等啦~等左一陣老公就到啦~哈哈..一見到老公就搵KAKI^^""
好衰呀我^^""跟住KAKI開心到跑出黎搵我^^""
跟住行去搭車返屋企...點知行緊去個時有車啦~個c機見到KAKI~
好彩佢地俾我地上車^^""不過佢既眼神好似想講唔俾咁^^""
唔理啦..行入去先啦~哈哈...跟住返到樓下就放KAKI啦~
^^""KAKI帶我地返屋企啵..哈哈~返到屋企就整野俾KAKI食~
跟住就睇老公玩電腦啦..本身老公都話唔係到訓嫁~但因為坐坐下都1點幾啦~
所以老公係到訓^^""我就開左張梳花床同老公一齊訓^^""
星期二 6-4-2010~
到左星期二朝早..老公起左身~咁我想訓..所以我就訓多陣~
跟住老公返黎訓..冇啦啦問我..我係咪有第二個~
我個心驚左一驚..好快咁答佢~冇!!!!
跟住佢就話我睇到你同肥仔既msn對話..知道我同肥仔既野~
但我就話我同佢係講下嫁咋~當時我真係好驚老公同我分手-.-""好想喊~
好彩老公冇..佢有聽我講~我都唔敢在同個肥仔講野啦-.-""
好彩老公俾多次機會我..跟住我想訓多陣~但老公話肚餓~
咁我就起身陪老公落去食野..因為太早啦..約左小叮12點半~
所以我就同老公講不如等陣睇一場戲先丫~仲有咁多時間~
跟住就上網搵睇戲既時間...岩岩好有一場又平又岩岩好時間既戲~
仲要係我最想睇個套^^""咁就整野落去啦...咁岩爸爸又要出門口~
咁就一齊啦..落到去我同老公就去左街市食粥^^""我食麵同腸粉~
食到9點幾先走..怕唔夠時間^^""不過都出左去旺角先~
去左第二間戲院睇下有冇岩既時間..好彩岩岩好9點50分~
我地買飛個時係9點45分^^""買完就上去睇啦~
今次唔記得帶con><""搞到帶3D眼鏡個時成日整到-.-""
但呢套真係好正^^""條龍好Q~哈哈..可惜美中不足..自己衰-.-""
睇完先11點..仲有成個半鐘-.-""咁咪周圍行下..去m記坐下囉~
坐坐下好凍-.-""跟住就出返去..去左行金魚街^^""見到有隻貓BB係到玩~
玩左成個鐘都唔停^^""搞到我想買俾豆腐..本身諗住百幾蚊~
點知入到去佢話六十幾蚊咋^^""咁咪買左佢囉~哈哈~
買完就去旺中搵阿耀啦..因為今日佢都黎唱^^""
但小叮同佢男友都仲未到..所以我地上去先~
唱左一陣佢地先到...跟住就去拎野食啦~
1點唱到8點-.-""4點幾5點就開始眼訓了..老公都訓左一陣~
6點小叮佢地要走...咁我就訓陣先啦~起身個時7點~
老公同佢細佬係到唱..唱多一陣就走啦~因為真係好累-.-""
落到去阿耀就走先..我就同老公去行左一陣~跟住搭車去深水涉~
去左一間酒樓打邊爐~初初都幾肚餓..點知叫左好小野食就飽啦-.-""
咁就走人啦..一人97蚊..但老公收我50蚊^^""因為佢聽日冇錢食飯~
跟住就上左老公屋企..本身諗住搞完就走..點知我地2個都眼訓到訓左-.-""
起身個時12點啦..咁就走人啦~落到樓下同老公去食糖水~
食完1點幾就坐小巴返屋企啦...返到屋企俾豆腐玩陣~
同媽咪吹左陣水..跟住先開始玩電腦~但玩左唔係好耐就走左去訓啦^^""
老公..對唔住呀~
之前因為BB既事..你咁對我~
我先對你冇左信心..知道同你唔會到結婚~
所以我先想搵第二個嫁咋~
但當你知道左我同佢既事之後~
我先發覺原來我好愛你..我好怕冇左你~
對唔住呀..唔會在有第二次嫁啦~
老公 I LOVE YOU ~
唔好離開我!!!!
