今日星期二 8點38分打卡 公司8點42分 今日係返工既時候 突然俾我發現(其實係睇到老公FB) 琴晚老公同妮私下FB講野 唔怪之得老公琴晚會冇啦啦係就放工個時叫我老婆仔啦 原來個個時間既前小小佢先同完阿妮講野!!! 睇完真係勁嬲 勁想打好多野屌佢 又勁想打野上FB 但最後我冇 我諗諗下唔可以咁衝動 如果唔係就明明佢錯都變我錯 所以我過左一陣 我決定咁同佢講!! 因為我唔知在點應佢 所以之後冇在理佢 但我又唔想同佢嘈交 所以我決定如果我放工佢有黎接我 咁我就唔嬲 就算數啦 但可惜佢冇-.-"只有打電話俾我 佢打黎問我係邊 跟住話阿耀打黎約佢去游水 我:你咪去囉!! 志:咁你呢? 我:你去游水 我去游盪!! 志:唔得 我要同你一齊 我:咁你原本話去邊嫁? 志:睇戲 我:咁你而家又話要去邊呀? 志:游水 不過我打黎問你想去邊個咋 唔游咪去睇囉 我:唔知你呀 志:過左黎我公司先啦 黎到同你傾!! 我:行緊囉 唔洗行呀? 志:好啦好啦 等你呀 拜拜 跟住就行去佢公司 但去到佢又冇傾過 只係講其他野 喝住WING過黎同我地吹左一陣水 約左聽日去唱K 跟住就走左啦 我地坐多一陣 老公都話走啦 (但我唔知佢要去邊-.-") 跟住去搭地鐵 原來佢想去Megabox睇戲同睇電腦枱加衣櫃 咁去啦 地鐵太多人 不停迫迫迫 老公好保護我 多謝你~辛苦了^^" 跟住搭到9龍灣就落車啦 原本我諗住轉車去 點知老公話行 ^^"仲開心!!! 一路行 一路玩 一路笑 好開心!!跟住去到就上去買飛先啦
)