今日星期六 我8點37分打卡 公司8點42分 因為琴日件事 所以我今日小左好多上網 不停做野 11點幾個時 老公突然打俾我 老公話pakco約去石澳游水 問我好唔好 原來琴日話去長洲 我想去長洲多D 但我知老公唔會同我單獨去 如果冇人去 最後都係邊到都唔洗去!! 所以我話冇所謂 因為公司有條八婆成日聽我傾電話 所以我同老公講放工在打俾佢 費事係到傾 準時1點收工 好快手執好野就返老公屋企啦 點知原來老公落左去同pakco食野啦 咁我就只可以自己一個返屋企執野 老公就同我叫野食先起 好快我就執完野落去搵老公同pakco 但因為我唔想咁小人 我就問其他人呢?但可惜 佢地冇叫其他人 咁我就只好係whatsapp問二寶同阿歡 岩岩食完野上地鐵 阿歡就whatsapp我話想黎啦 因為我地出門口先 所以我地唔等佢 直接係石澳等 4點幾佢地先到 但佢地未食野 所以佢地食野 老公同pakco出左去玩 我陪佢地 今日真係勁勁勁大浪 所以老公同pakco租左塊滑板 見到個浪捲走老公個下 個心真係好驚好驚 見到佢個頭上返水 我先放心D 但來來回回幾次 所以成晚都好驚 跟住阿歡同小妖食完野 我就叫佢地出去玩先 我係到睇野 但太大浪 歡怕怕 所以佢地4個好快就返黎 歡去租水泡 pakco出去玩 老公係到陪我玩沙 跟住歡返黎又落左去玩 到我快凍死個時 老公就叫我去玩啦 其實見到咁大浪我都真係幾驚 初時見到 原來跳起就冇事都安心D 突然有個勁大浪 有我一個人咁高既浪黎緊 我知道我冇可能走到 一定要硬食 我捉住老公 聽老公講自己入水 可惜太遲 唔夠時間 我俾個浪一野打落黎 我死捉住老公 可惜D浪水太大 我捉唔住老公 我俾D浪打到我轉左幾個圈 個頭碰左落地2次 我知道我一定要上返水 所以我死都禁住地下D沙 企返起身個時已經好暈 見到老公啦 但老公第一時間走過黎同我講 喂 你走光呀露點啦!!!(一路用手幫我拉返好) 但仲未俾反應既時侯 我在一次俾大浪打到我捉唔住老公 但我係水入面記得整返好先起身 好驚 在一次好驚 唔係驚自己 我係驚老公俾水卷走左-.-" 起返身之後 努力企好 死都唔好俾浪在打走 老公就同我整返 但冇耐又黎一個浪 今次我同老公講 我唔想唔見左你 個浪打落黎個下 我又一次比打飛隻手 但好彩老公死命都拉住我 起身個時 我真係嚇到攬住老公 老公就不停講"冇事呀 冇事呀"跟住就錫我 因為我好驚 所以我唔在行出去啦 跟住老公叫我睇住佢玩 但有一下老公又俾個浪卷左入水 起身個時係好出 我好驚 我見老公不停游返黎 我好怕佢又卷返出去 我就快走出去個時 好彩又有個大浪沖返老公返黎 我個下嚇到有小小喊 死都唔俾老公在玩!! 跟住因為又掛紅旗又1號風球 所以6點幾就走啦 出左去旺角食宮崎$229一人 11點半就走人返屋企 沖涼 玩電腦 今日真係好嚇人 第一次俾咁大個浪一下卷住你 沖你上水 仲要露點點 唉 老公話個時我企係到最少3秒 好多人睇到 "但你露都有咁多人望 証明你有吸引力!!唔好在話自己肥 冇人鐘意啦" 就算點樣哀 點柒 點驚 有你一句說話 咩事都冇了
但仲未俾反應既時侯
"