今日星期一 8點40分打卡 公司8點45分 今日都係照平時咁返工 同WING傾下Line咁 好多謝我呢個好姊妹 成日都要幫我呢樣幫我個日 因為整呢個日記煩左佢成個星期有多 真係好對唔住 唔係要你幫我車打就要你幫我整日記 我已經覺得請你食飯係冇用嫁啦 請你搵野俾我幫你做下啦 唔該 我知WING最近好忙 所以之後都冇煩佢 到左就黎放工5:58個時老公突然send whatsapp黎 我真係係個心到笑出黎 個電話突然彈出老婆仔呢3隻字 唔好意思 因為老公好小咁叫我 / 好小會突然send 野黎 跟住我回佢做咩呀老公仔?跟住佢就send左兩張圖加一首youtube歌"跟蹤你 Boy's" 我一路行去老公公司 一路就聽住呢首歌 真係好好聽 但去到老公個樣好似冇搵過我咁 跟住幫老公手整小小公司野 7點半先去搭小巴去淘大~ 因為做完GYM之後唔可以食野 所以我地去左吉野家食野 我打邊爐 老公食牛肉飯 我都未開始食老公已經食完 冇耐阿妮就黎到 食到9點就走 出去佢地食煙 等ms黎 因為老公買左一份俾ms當生日禮物迫佢黎一齊做 9點半先上去 等得黎都10點 我同妮就自己去做住先 做左半個鐘老公同ms就得啦 跟住我地一齊跑下機 跑左唔知有冇15分鐘就走左 因為真係好累^^"在加上之前有做其他機 跟住同老公周圍做下其他機 10點半入去沖涼 11點出黎 跟住就4條友一齊搭的士上彩雲 妮陪ms去禁機還錢俾老公"$1000" 我同老公買完野飲去坐 同老公傾下計^^"好開心 但佢地好快返左黎 傾左一陣麟同佩e都返到黎啦 跟住傾傾下ms突然話世界杯踢緊葡萄牙對德國 話要買葡萄牙2:1德國 我話唔好買波 波係人踢 佢有冇踢假波你都唔知 但ms話$100姐因為葡萄牙有C朗 所以我勁想睇 但係街冇得睇 跟住ms話德國入左2球 我唔信 因為我唔想C朗輸 坐到12點幾就走人 我同老公搭的士返去 返到去立即睇波 咁岩開始打下半場 但見到真係葡萄牙0:3德國個下真係好想喊 睇啦 一路睇就一路都覺得踢假波 有咩理由德國"蚊"衫咁明顯都當睇唔到丫?? C朗又會踢到唔想郁咁 有波黎到玩都唔玩下就俾返人 其他葡萄牙既人又唔係好郁 不過算啦 冇俾錢就好了 點知最後德國4:0葡萄牙 唉!!! 踢完岩岩好2點 跟住就入返去訓教了
迫佢黎一齊做
