今日星期日唔洗返工 所以可以休息一日 琴日玩到6點幾先訓 但今朝10點幾因為急尿 所以起左身 去完廁所返黎 本身諗住訓返 但唔知點解不停諗緊整部新電腦 所以訓唔著 咁我就直接起身返屋企啦 返到樓下個時買左個風筒$108 返到去執下野就開始整電腦啦 爸今日放全日 所以爸媽出左去同姑媽飲茶 我唔鐘意佢地 所以我決定唔去 爸媽幫我買上海粗炒 我不停係到整整整 爸就睇電視 媽就返左入房訓教 4點老公打黎同我傾左陣電話 爸就入房訓 因為個廳冇人 所以我入房整 點知電腦都未開就眼訓到訓著左 起身個時已經6點幾啦 因為本身諗住去睇茶機 7-8點關門 所以我勁快去沖涼 執野 出門口 7點幾去到深水埗 跟住行去個間野到 中途爸走左去一間野到買計數機 咁岩個間野就係我之前同老公見到既10蚊香水 我介紹俾媽咪 媽咪買左3支 爸買左一個10蚊雞既計數機 跟住在去搵個間野啦 行行行 行到尾我都唔見既?? 點知原來我過左龍 間野關左門了 對唔住 要你地陪我白行~ 咁冇啦 去搵野食啦 本身媽想食放題 爸想食火鍋 放題就$168一位 龍寶火鍋就$120一位 大家都係要等到9點(當時8點半) 所以去左百佳行 我買左D野飲 諗住放係老公屋企 就夠鐘啦 我問佢地食邊樣 跟住媽咪好細聲咁同我講 1係火鍋 2係放題 叫我走去問爸1定2(唔俾爸知1 and 2係咩) 但我怕羞 我叫媽咪自己問 跟住媽咪問完 爸笑笑口 我望一望爸 跟住爸話1囉 我笑左 媽咪立刻好似小朋友咁 打爸一下話(你好衰嫁!!)就咁就決定左食火鍋啦 好啦 9點上去食啦 老公就打黎話岩岩係嫲嫲屋企食完飯 準備走左 咁我就話食完打俾佢出黎食糖水啦 10點幾食完 因為太飽 所以都冇食 爸就幫我拎野去老公屋企樓下 跟住爸媽就走左啦 咁岩老公話我知 原來佢都買左野飲俾我 哈哈一齊得耐 真係會心靈相通??
對唔住 要你地陪我白行~
一齊得耐 真係會心靈相通??