終於到星期５喇．yeah..好難捱呀.每日返工都要答好多好多問題．．對vendor 對同事．總之TRU就係煩啦~

不過還可以應乎，這幾天大概他們對我說得最多都是:（大個女喇．阿女，開始係時候承擔得多D野喇．．．你得既!）（以前太過寵你喇．一定寵壞了．．依家到你SHOW TIME)．．唉∼知道喇，我會瞓身去做．．不過有時可能太多定太亂．．有D煩．個樣一定很燥．連自己都不喜歡自己呀!!一放工便戴上帽，拉得低低的．唔想俾人見到我個樣∼∼幾殘呀．

接著就去享受一下我既生活，開始轉天氣喇．．可以轉裝．即刻掃左個袋．．SIZE有咁大得咁大．我最鐘意係個大袋裡面係咁搵係咁搵樣野出黎．．好似尋寶咁．再去掃背心，其實上季都已經有數件背心．但係唔係太好睇．今季出左勁多入膊背心．．正呀！掃左２件．背心加小偷袋真係好襯呀．顏色又SHARP..好滿意．呢D先係SHOPPING既樂趣．所以我從來都不明白為何那麼多人去搶買開倉名牌!?為的是用底價買個牌子？根本就不是買心頭好.

要是想買自己喜歡的東西何必要等幾折喎∼∼之後一次過買一堆．又要迫人又多．我寧願貴精不貴多．．這才是樂趣

再去樓上CAFE試試COFFEE.環境OKAY..不過間CAFE沖既COFFEE係超難飲囉．．．．好失望

睇左本書．．好攪笑．分析男仔既心理．都唔準既．有D無聊啦分析得．．我同地玩左幾個心理測驗．結果真係得啖笑．不過讀個結果出黎分享．．一定比自己睇．氣氛好好多．下次一定搵間更好既CAFE再去過．帶埋BO BO姐去

越黎越迷上自然既感覺．．更迷上大自然既寧靜