<p>好傷好傷..我最愛離開左我.今早7點半..10月31日.雖然佢只係一隻小狗.但我相信佢會係我這生最信任最愛錫既.此生都唔會忘記佢與我既所有回憶..無論係我最失意最開心既時候佢都係我身邊.所有事我都有對佢講..任何時候都想與佢一起.當我工作得辛苦時候..最想返屋企去抱佢.因為我知道無論有幾夜放工.佢都會第一時間迎接我返..只要佢能夠到既地方我都會盡量帶佢去玩.買最好既床.衫.零食.玩具俾佢..可能我根本已經當佢係我最親.我知道佢年紀已經很大.但我無想過佢會離開得那麼突然..死於心臟病...尋日零晨1點我見佢唔舒服..到5點呼吸困難.我伏在地上聽佢呼吸聲..很不正常.知道佢好辛苦..我決定不再睡要陪著佢.我對佢講會好好照顧佢帶佢見醫生...佢一向都聽得懂我說話.我叫佢進房裡睡比較舒服..佢用盡氣力慢慢走入房間.坐著望著我..雖說他不會說話.但見他情況好像轉好.因為他給我一個表情...伸出舌頭.想要弄濕小手洗臉似的.這樣我才放心點.再去休息....怎料早上時候佢已經把自己躲在門後.準備離開我..當我準備一齊要帶佢求診既時候.佢躺在吐出一口血..之後第二口..第三口..我傷心得瘋了..心痛得如刀割.我真的很愛....沒有他的日子好難過.不知要哭到什麼時候才可以平伏..我真想跟他去..我想陪著去.

再沒機會送生日禮物..這天是我為他慶祝.6月生日照

有時候工作令我可以暫時逃避私人問題...雖然係有好多好多工作.但我地成team人一齊捱一齊玩.係值得既.我真係好有幸可以入到呢team.無佢地我無能力捱落去...當然人係貪心亦有野心.我相信現在既負出可以令我有更多發展空間..所以我仍然捱下去.目標係3年內升一級未來幾個月再加薪..好奇怪.以前我無咁重視工作.身邊女仔朋友都期待結婚有小孩子.而我就越來越想搵多d錢.最近發生左好多事....好唔開心.唔開心到唔想打日記.唔想記得..精神又有點錯亂.亂得行為有點嚇人..um.所以我知道只要有事業就可以唔靠人.生活一定過得好...因為你最親最愛既人亦有機會背叛你.雖然事情不是發生於自己身上.但我真係感受到架..可能我都比較偏激.

經過幾件唔開心事件後我亦都得到唔少用錢買唔到既感情.友情.同妹妹既關係更加穩定.每當一件唔係咁開心既事發生.就越易發現身邊既人係好定壞...我慶幸佢地都覺得我係好人.

cherry下星期做手術.佢係我最好既朋友雖然有段時間大家都無聯絡..各有各忙.我都有介意過就咁會無左呢位好朋友.但基於佢既難處唔可以成日同我地一齊.無法啦..由開頭大家既埋怨到現在大家對佢既諒解.

其實同佢我既友誼應該係最深最深既..佢應該係最緊張我最了解我既一位好朋友.記得有次我病左..佢放左工竟然買左d補身既野黎探我病.係我最驚最無助既時候佢幫過我.我既感情問題亦都煩過佢唔少呢..hee聽見佢要入院做手術我真係好擔心佢架..佢真係好勁架.好似唔係好驚咁既.只係擔心留有疤痕唔靚.但對我黎講一定怕得要命.如果真係有疤就真係嚴重極了.

所以我決定下星期會去醫院陪佢.如果可以的話我想放日假佢陪下佢...因為醫院真係一個好可怕既地方.仲要係佢入院前食餐勁..因為佢有排戒口呀.