正∼尋晚睇左基仔演唱會，雖然人少少得２個人去睇．．但都一樣開心．

當然佢同leehom既演唱會係唔同啦．氣氛好極端．．起碼我無喪叫先啦．．但基仔既歌係好熟悉既.有好多好美好既回憶呀．令到人好舒服．．．跟住我個fd同我講左d野，原來佢地一直暗地裡為我打算著．令我覺得自己總係令人擔心既!!原來我個樣真係咁易信人既．．其實我真係唔想令到大家擔心我架．．所以我心情突然沉左一陣．接著我去左個好安全好舒服既避難所．．我知道呢度可以令我充充電．因為有人會照顧我∼就算我板住面都好．發脾氣亦好．．都會由得我，唔會問長問短．haha　好似有d避世咁呀

我本來想用充滿朝氣咁去迎接我既工作同埋學業，但突然之間唔開心．．咩都唔想做．

不過點都好，我會係適當時候適時過黎．．因為我係個適應力強既人．我有我既目標既．應該係８年之內會成功既!!

唔知受左咩刺激∼突然約左ta 姐& sau wai e一齊去左玩塔羅牌．雖然我本身係唔應該玩呢d占卜野既．

不過我又好奇想知喎．好多人排隊呀，個男人又煙駁煙咁解牌．．都幾臭！！不過都算斯文有禮．

佢套牌好靚呀，日本漫畫既皇子公主牌黎既．．我之前都見過朋友有呢類牌

占卜既結果其實都幾準確，以前既事都ok準，亦都講得出我既心情．．．um.大概都係話６個月之內，我既愛情都頗順利＆開心∼工作亦都ok,不過錢就唔會搵多d囉．．唉我都知幾難搵到以前公司個數架喇．．．．無得亂買野囉！！

之後再去cafe食甜品,正!! 同佢地傾計好舒服，好似有２個家姐教我做人咁，我一向以為佢地覺得我性格成日都好開心．．um..原來佢地都睇得出我其實有另一面性格.好極端/幾抑鬱~~其實我都承認既.但盡可能都唔會俾呢面人地睇...佢地咁都覺都真係幾了解我

所以我都算好幸運,身邊有既都係對我好既人..以前酒肉既朋友一早無晒lu.

真係好高興呀! 我無估到你出trip都仲記得我，因為我預左你忙到飛起，玩都唔夠時間啦~

竟然仲可以係Las Vegas寄張post card俾我．．hee．仲要勁到有埋我個地址tim.

但我都無俾過地址你??　不過點都好啦．tks!!!換轉係我就咩都唔記得喇．好似上次去旅行．真係好想寫好多好多張post card俾晒我d fd 架．不過我無大家地址喎∼∼　好! 下次我一定會寫低大家既地址既．仲有多謝你既手信呀．

今日你話比我知cherry轉工．．um.我先發覺我同佢真係好似好耐無聯絡喇．好失敗．．我同佢既關係攪到咁．

真係好無奈．．記得我上次轉工佢為我著緊，為我打算．．逼我要一份工接一份工，唔可以掛住去旅行而要求遲多一星期返工．因為佢太了解我既任性．．亦都好清楚我既任性令我撞過無數次板．

可能我唔夠細心，根本唔知道我地有幾多次誤會先會弄致如此．．不過我仍然有信心我地既關係仲有得補救架∼