今日既晏晝二點，寶同琳黎左我屋企玩左一陣，之後，我地三個就去左寶屋企到玩，又玩左一陣，寶個細佬就返左黎。之後，我、寶同琳就走左啦~~之後，我地就去左沙田中國圖書館到做功課同睇書。四點幾，我就自己一個人走先，因為我仲要去學游水。好啦，係咁啦!!88

今日，我同我細佬、啊媽出左去食晏。途中，我見到好多個我以前小學果D老師。好啦，講到食晏，無啦啦有個痴線佬黎同我地係到吱吱喳喳，up 3 up 4，同我地係到講耶穌。有病架。之後，我就同啊媽、細佬係到打眼色。之後，啊媽同果個痴線佬講，話我地趕時間。走左之後，我就同啊媽講，個痴線佬係唔係有病架，係到 up 3 up 4。之後，啊媽就答番我，唉，算啦！！呢D人係咁架啦。聽完啊媽咁講，即刻o唒嘴。唉！！真係。今日講住呢到先啦！！88

今日，我找左琳同儀陪我放學，因為我放學果時冇人同我放學，所以就找左佢地兩個黎陪我。今日真係好開心呀!!紅社win左社際戲劇比賽既全場總冠軍。唉!!我聽日又要去睇醫生啦!!所以我聽日唔返學。

11點半，寶打電話黎，問我可唔可以上佢屋企，之後我就答佢得。之後，佢就話要等埋琳上黎先，11點9個字倒啦!!佢打電話黎，話琳已經上左我（即係寶）既屋企啦！！到左十二點，我就返返屋企到食晏晝，寶同琳就落街食。到左一點半，楹、寶、琳、雯、慧、淇、嘉欣、慧既朋友同我埋啦！！就去左聖本篤堂，因為今日係我母校既小六同學既畢業典禮。D表演非常之精彩，到左4點幾，D表演做完啦，我、楹、寶同琳就去左找我地果個小六個班主任同任教我地既老師影相。仲有，我地幾個就送左份禮物比班主任，之後，我地就行左一陣街。之後，我就返左屋企啦！！