2007 年 6 月 4 日 星期一  |
開心一日遊  |
分類: 未分類 |
 好開心呀今日,去完自修室返黎三點九個字,仲有D時間,就去探我以前果個班主任。呀係呀!唔記得話(今日係畢業典禮既後補假期呀,唔駛返學!!)去到,我班主任就係咁讚我!讚我高左,靚女左,成熟左......講講講......講左差唔多2個字倒啦!我班主任就同我講,「你要努力D讀書呀!讀好D成績比我(即係我以前個班主任)睇呀!老師支持你呀!」嘩!心都甜唒!之後,返左屋企,入到屋企,晶就打電話黎,就係呢個時候,呀媽就話,得未呀!落去買野啦!唉!無辨法,惟有叫晶等我返到屋企先打比佢!落到去,呀媽見到條靚既睡裙,就話,呀女,媽咪買條睡裙比你,好唔好呀!我就話,是但啦!!!又買筆比我,之後就返左屋企,就係到想想想,呀媽有時真係囉嗦D,其實呀媽係好錫我地。之後,鞋都未除,「鈴!鈴!鈴!」電話響,原來係晶打電話黎!問功課!呀,唔係,應該係問英文默書默邊到至係!哈哈!好笑,我講D野好白痴!問問問......答答答!又係時候同晶講88!!哈哈,又要笑一大餐!聽日見!
|
2007 年 6 月 2 日 星期六  |
| 畢業典禮 |
分類: 未分類 |
今日,我仲要返學。因為今日係第二十九屆畢業典禮,老師選左我地一班合唱團的成員為服務生(唔只,我仲要紅十字會)今日十一點半就要到音樂室集合,但係,我十一點就已經返到學校,係音樂室集合。等呀等......等呀等......終於到左十一點半啦!!我地就係到練歌,練練練......練到十二點倒啦!!!我地就係到開餐,老師訂左D pizza(超正呀)又有雞翼,又有汽水等等......好正呀,食到唔停口(正)食食食......食到一點九個字啦!我就去換紅十字會D制服,換左之後,就同1C班果個凱玲去203室到集隊,齊人之後,我地五個紅十字會成員禮堂門口到接待D嘉賓,唔知乜鬼野啦!!!之後,合唱團果邊又要上台唱畢業歌!!!唱完之後,可以解散,我就返屋企啦!!!今日好累呀,成日走黎走去!!!唔講啦!!!88!我去訓教!!!係咁先。 |
| 2007 年 5 月 31 日 星期四 |
| 探老師 |
分類: 未分類 |
今日係5月份既最後一日啦!真係好唔捨得5月份走呀!今日放左學之後,就同大口佢一齊返屋企,忽然之間,佢話想返去小學到探老師。去到,問果D校工,問我以前教我果個劉老師走左未!點知又話佢走左!跟住又話D主任走唒未!校工就同我講!開緊會,所有D主任都開緊會!唉!冇辨法,惟有下次再探過D老師啦!! |
2007 年 5 月 27 日 星期日  |
| 去新城市到買左好多野 |
分類: 未分類 |
今日成朝都係屋企到,不過到左晏晝,啊媽突然間話出街食野(正)食完野之後,就行街。我今日買左好多野,有筆袋,有鞋(睇左好耐先至岩我心水)唉!行行行......行到五點幾先至返屋企 |
| 2007 年 5 月 25 日 星期五 |
對唔住呀∼晶晶  |
分類: 未分類 |
（今日放左學之後，本來要去紅十字會步操既,初初我都想住去,但係到左最後,我選左唔去)今日放學之後,我唔知晶要陪我放學,所以我自己一個人係學校到周圍走走走......又係到想野!!!死,我又要去影印《和時間賽跑》果課既書,之後,我返返課室到,問晶借呢課既書黎影印,點知晶又唔係到!!!慘慘慘......問牙怡、呀呠佢地,睇下晶去左邊到,之後佢地兩個都話唔知,之後我就找淑怡惜單元八黎影印、影完印之後,我就返屋企。晶,對唔住呀,我唔知你又整親隻腳,又同唔到你返屋企,對唔住呀!sorry,希望你原諒我啦 |
« | 6 | 7 | 8 | 9 | 10 | 11 | 12 | 13 | 14 | 15 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
