| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2010 年 5 月 17 日 星期一  |
|
|
星期六本來只約了雅盈..估唔到靖雯都係到.說真的,,我原本對今次既慶祝係零期望(打)XDDD
禮物令我好害羞!但很感動~對於無幫你地慶祝生日有點慚愧...
嗯...可能係因為一直組織人既驚喜係在於份禮物同生日卡到.比較含蓄,,好多野都在心中.但小學朋友就近乎相反.
個晚既主角仲有一個..就係個吉他.大家都圍住佢,,同靖雯都扮得好專業XDD攞住音器既人真係型啲.吉他令我諗起星星(小白臉~小白臉~)
感覺自己去左第2個世界咁,,真係好似根岸..
由吉他甜蜜歌(小學朋友)
去到重金屬搖滾(組織).
琴晚突然回到甜蜜組,,仲要有吉他..真係好似XDD所以我都扮根岸唱歌~
開香檳唔係玩意,,我既笨嚇死佢地.差啲爆眼..
成晚都只係食蛋糕,,本來都餓餓地.但玩氹氹轉玩到想嘔,,飽哂.佢地再一次好驚XD
當我地趕走左班呀伯,,仲以為可以瘋狂咁轉既時候.竟然有個2歲妹妹過黎玩..噢~都幾可愛同靚女.雖然係咁,,但係我地就要好慢咁轉...
===============================
今晚去表妹到打邊爐..好耐無打過啦~真開心.
但係對住2個爐近乎無氧氣,,未試過打邊爐會咁攰..
係打邊爐先可以咁親密,,除左口水交流之外..互相照顧個種感覺都真係好.
啲蠔好好味~都係上次南瓜蕃茄湯底好味啲.
上去食野之前,,去左買花生糖..個到竟然由一個18-20歲既姐姐仔坐鎮.佢咩都唔識..
佢收錢既時候,,我係到諗佢究竟係唔係同班FD一齊打劫左呢到,,然後自己係到生意.(諗多左)
打呢篇野既時候先諗到,,佢應該只係對面時裝店既姐姐仔過黎幫下手看住下.因此我原諒佢(人家有什麼得罪你?)
|
刊登時間︰2010-05-17 03:53 AM [ 訪客留言(0) ] [ 編輯日誌 ]
|
| 2010 年 5 月 10 日 星期一 |
|
|
係落雨既下午熄燈開冷氣訓教,,呢件事真係極級享受~
夏天一黎,,走廊就一大陣狗味.臭到爆呀!接受唔到囉~一打開門度啲狗味就供哂入黎,,頭都痛埋= = 養還養,,唔好有味好唔好呀!?
星期六發生斬人案..依家真係比較驚.
同會講駱馬中左伏,,係地鐵到爆笑,,搞到一路行返去一路自己係到笑(痴線!)
===============================
今集荒川小白臉決定做教師!
終於聽到星星唱歌..係漫畫只睇歌詞都知難聽,,事實確是如此.但瘋犬到處亂吠呢首歌比較好聽(小白臉~小白臉~)
2-3著泳衣加分!腿很長~
   雙子有福了~ 成日喊既雙子係咁加分~可惜哥哥鐘意史黛拉.睇漫因為係黑白,,所以無法分清楚邊個打邊個.依家動畫有顏色真好~
今集修女出場極低,,不過好彩最尾都有p子~表演突然趺落水,,有邊個可以將p子打救?!
 唯有聖誕綠人黎幫幫手!(錯)村長出黎遞野XD
村長出黎英雄救美~係絕招!p子鐘意多佢幾錢重..
話說呢幕令我諗起卡娜被救,,啊~已經好耐無睇FT..亦無諗住睇. |
刊登時間︰2010-05-10 08:56 PM [ 訪客留言(0) ] [ 編輯日誌 ]
|
| 2010 年 5 月 3 日 星期一 |
|
|
繼續荒川...想要睇下佢可以佔我日記幾多日.上次知念是五天呢,,間段三分鐘熱度!?好少野可以令我一直都好鐘意..活火山 爆發過 便會暫停(詞)
今集一開始就由瑪莉亞唱一段毒舌歌..修女公仔不斷被攻擊.
 修女一開始到結尾都血流如柱..應該係瀑布先岩.
如果愛上瑪莉亞而俾佢毒舌唔知點解會有種被重視的感覺(M?!)但係佢既毒舌很大量無間斷的..我比較鐘意間唔中一句細細聲既毒舌.例子如下:
史黛拉的歡迎會中,,修女造了蛋糕..史黛拉的公仔確實可愛.但就被瑪莉亞話佢蘿莉控
 
 瑪莉亞的忍笑樣今集多次出現.
最後都係以瑪莉亞毒舌做結束.將修女送俾自己既情書係佢面前撕左!但因為我愛修女,,所以我覺得瑪莉亞撕個封信入面只係張白紙.荒川中除左小招同2-3仲有比利與蜂舌呢2對之外,,我睇好修女同瑪莉亞呢對.
終於到左重點今集P子出場!動畫比漫畫可愛~
為左荒川每個人而種不同的蔬菜,,突然有點感動.村長的小黃瓜是特多的..但點解我覺得P子鐘意村長都係浪費時間?!看似唔會有結果.
====================================
之後就係四疊半神話大系..第一集男主角的急口令真的辛苦了聲優.
男主角''我''係絕望先生個種眼睛男..唔係討厭~今集既城崎前輩真係正XD
家中有個假人都不得止(有做喔~)仲異常的喜歡胸部!(但肯定是個處男)
 呢面乳房牆十分壯觀!
 仲鐘意含奶嘴~人後既佢有夠掂!
 ''我''同小津錫呢幕很好,,感覺真係好情侶.雖然明石都似會接受''我''而且都幾襯.但係''我''同小津呢對都唔錯.某程度上小津幾可愛..而且小津都表白了.
====================================
終於聽到zarahn既《23》聽聽下又幾好聽~
endy/zarah呢種帶點不滿又有啲吹漲(?)同想有改變、心中有火既歌感覺幾好.
就好似《食懵你》同《大不了》
|
刊登時間︰2010-05-03 10:52 PM [ 訪客留言(0) ] [ 編輯日誌 ]
|
| 2010 年 4 月 22 日 星期四 |
|
|
荒川爆笑團...以前見到漫畫,,望左2眼就再見.
但今次出動畫,,望下又唔太差.不過未可以令我專心睇24幾分鐘.
睇漫畫比較開心,,真係笑左XDD之前一直覺得個片名有爆笑、搞笑等都會唔好笑.但係佢地真係名符其實.
男主角都未至於要無視.不依靠人&不欠人既家訓..都真係可怕.幾歲就要還返呀爸當年幫自己餵奶、換片既人情.
來至金星既小珊有某種可愛(完)
星星是個傻瓜.星星面具既圓角有點可愛
修女最吸引!發現係因為佢既修女服..然後諗諗下好多人著左修女服都會加分!
瑪麗亞是個毒舌..剪刀加分!之前既永生之酒有個用剪刀拷問既人都好正!可惜出場率場很底
修女湊女,,加分!
修女對村長很寵愛,,加分!村長真幸福呢(羨慕)
修女,,我地可以一齊扔手榴彈嫁~XD
 想到了一家人(修女你諗下好啦)
 村長套塑膠河童衫要遠離火種呀!救火個篇真係笑左XDD
雖然村長有點怪(荒川根本個個都怪),,但都應該係個好男人
仲有一把有光澤香噴噴既長髮喔~XDD P子我祝福你 |
刊登時間︰2010-04-22 10:48 PM [ 訪客留言(0) ] [ 編輯日誌 ]
|
| 2010 年 4 月 18 日 星期日 |
|
|
琴晚無啦啦條腰好痛...好肯定唔係因為生理.如果係既話,,唔會咁糟糕.
之後訓教..一直壓住條腰黎訓.
到左今日醒就真係好野!條腰痛到起唔到身..雖然諗到自己好似啲下半身殘廢左既人咁,,但個刻真係痛笑唔出.直頭好似有把力刀插左落個盆骨到咁.
一起身就不禁大大聲講左句粗口,,行多兩步..面前啲野好似藍綠色既萬花筒.但我仲未知自己係暈緊..呀媽係咁問我做咩..個刻我只係諗緊呀會話自己暈個時睇既野係綠色既..
之後係到諗:「要叫白車嗎?」噢..幸好唔係暈左係地到.坐係到都痛死..只係一直諗:「無得上網啦!」即使痛到暈都仍然想上網..果然有網癮!
其實琴晚就應該要食藥..但竟然唔記得左有藥物呢樣野.就如同我忘記左係海到會有生物一樣(!)
腰痛既時候,,回想起自己點樣虐待條腰..身體任勞任怨,,都算係咁啦.
結論係:1)要保持正確坐姿 2)搬野既時候要有正確既姿勢 3)自己既忍痛能力奇低 4)要親身體驗過先知身邊既人受既苦係點 |
刊登時間︰2010-04-18 03:49 PM [ 訪客留言(0) ] [ 編輯日誌 ]
|
« | 25 | 26 | 27 | 28 | 29 | 30 | 31 | 32 | 33 | 34 | » |
