今日食咗啲感冒藥 成日都好眼瞓 尋日睇醫生時 莊醫生寫咗封信 refer 我去睇眼科 話我隻眼成日都咁易紅要去睇吓 所以今日就去咗睇眼 個姑娘勁冇禮貌 妖 醫生話我對眼唔係發炎 而係會好容易敏感 冇得醫斷尾 就好似鼻敏感同皮膚敏感咁 久唔久就會番發 咁點算 醫生俾咗兩支眼藥水我 盛惠五百大元 夜晚去咗 Pizza Hut 食扭扭批 好好食 傻一始終都覺得 Pizza Hut 啲嘢食好味過意粉屋 跟住去咗睇跟蹤 都算好睇嘅 題材都幾得意 但係又冇湯米個同事講得咁緊張同好睇
今日放工去咗睇醫生 因為今日又成日流鼻水 之後去咗天樂里 Neway 唱 K Buffet 但係今晚都冇乜點唱 今晚唱 K 有 KiKi、Phoebe、Raymond、Eric 同埋 Kiki 個男朋友 總共六個人 其實 Phoebe、Eric 同 Raymond 以前都喺 Deloitte 度做架
但係宜家佢哋都走晒喇 以前大家一齊做嘢都未試過咁出嚟玩 反而宜家各散東西就會出嚟聚吓 人的緣份真係好微妙 唱到十點就去咗銅鑼灣 Pet Pet Café 飲嘢 嗰度有兩隻狗架 我哋喺度玩啤牌 又玩層層叠 又玩 Mastermind 到十二點先走 今晚真係好開心呢 今日係 Carmen 生日 祝你生日快樂
星期四放工本來約咗 Sunny 去食飯
補番餐生日飯 其實都過咗三個月喇 但係 Sunny 病咗 腸胃炎 唯有改過第二日再食啦 今日 KiKi 同我約咗 Phoebe 食晏 聽佢訴苦
佢話佢啲新同事唔係咁好 佢話唔想做 聽到佢講完佢份新工都覺得灰呀 唔知佢捱到到幾耐呢？
今日放工同湯米去咗仙萊茶坊 諗住食啲嘢就去做尖 點知食食吓嘢俾啲豉油彈到件恤衫 妖 跟住樣衰衰搭巴士去做尖 點知落車先記起 漏咗把遮喺食嘢嗰度 又要搭車返轉頭拎 拎番把遮 然後諗住搭小巴落番銅鑼灣 又等咗好耐先有小巴 上咗小巴之後又塞車 因為要趕住去報 BS(1) 所以湯米同傻一決定落車行去 e-house 點知去到已經 Full 咗 冇得報名 激死我喇
咁趕行到成身汗又冇得跳 最後 hea 咗一陣就走喇
唔通連個天都唔鐘意傻一？？？
今晚放工去咗九龍公園 因為傻一同湯米要學游水 一對二 上八堂 個教練叫 Edmond 好似仲細過我 第一堂已經教得好快 教練講多過示範 唔知係咪大家都未熟 個感覺好怪 今晚學學吓仲落雨 學完一個鐘之後湯米和傻一繼續練 走時竟然見到平時做尖那個男仔 咁啱嘅 之後去咗食糖水 然後返屋企
