上星期六同湯米去咗朗豪坊
睇傻一期待已久的女人本色
去到朗豪坊
見到好多人排隊買飛
好彩湯米每次都會上網買飛
唔係就有排企喇
嘩．．．Full House 呀
未睇呢套戲之前
傻一以為都係一啲愛情小品
但係原來唔係架喎
係一套向香港回歸十週年祝賀的電影
以為會係由林子祥、Gigi 同 Fiona 做主角
但係原來戲份最多的竟然係 Gigi
林子祥只係特別演出
故事圍繞 Gigi 所飾演的成在信
在九七回歸後十年間發生在她身上的故事
九七慶祝回歸
Gigi 升做公司的 CFO
但係老公林子祥事業不如意
要到新加坡發展
二人分隔兩地
被多年的好鄰居許紹雄呃咗五百萬
跟住被鄭嘉穎誤會
以為係佢令自己老豆自殺
跟住老公死咗
個仔又因為 SARS 死埋
鄭嘉穎又因為醫佢個仔而受到感染又死咗
被上司兼情人出賣和背叛
再被公司栽員
手下 Fiona 的不信任
簡直人間大悲劇
搞到我喊完又喊

Gigi 今次真係做得幾好
係唔鐘意佢同林子祥講嘢的時候
好似好作狀咁
唔鐘意
Fiona 都幾搞笑
但係似係配角多啲
阮小儀又係超爆笑
兩個都緩和咗個唔開心的氣氛
張敬軒又好得意
但係李克勤個友情客串勁搞笑啦
竟然搵佢做四嬸個仔
Gigi 仲批錢俾四嬸個仔
即係李克勤去外國讀書
奇怪
其實成個故事都幾好
但係因為要講太多嘢
好多嘢都唔係講得好深入
我俾呢套戲九十分
因為 Gigi 再加多十一分
總共一百零一分爆燈

每個月的七號
都係湯米和傻一拍拖的紀念日
我哋都會喺呢日互相交換禮物
仲會送一張咭俾對方
喺咭度寫吓一啲想同對方講的說話
喺拍拖兩週年的日子
湯米送咗個馬蹓公仔
同一條 Tiffany 手鏈俾傻一
仲有一張總結咗過去一年
湯米同傻一之間發生的事的咭
傻一覺得個公仔真係好得意啦啦啦
湯米話公仔個動作好似傻一
傻一都好鐘意份禮物
其實每次交換禮物時
傻一最期待喺想睇吓湯米
今次喺咭入面有咩想同傻一講
有時可以知道大家對某啲事情有咩睇法
亦都可以算係另外一種溝通方式
其實收到湯米寫俾傻一的咭
傻一都會好好咁收起
因為傻一覺得呢份心意
係唔可以用錢買到
傻一會好好珍惜架

今日係同湯米拍拖兩週年的紀念日
但係今日湯米朝早要返工
仲有 function 搞添
好慘呀
傻一兩點去灣仔等湯米放工
去咗食 Tea
但係換嚟一肚氣
跟住過咗朗豪坊睇女人本色
呢套係傻一期待咗好耐的電影
Gigi 搞到傻一喊咗好多次
睇完戲同湯米過番海
但係傻一睇錯時間
搞到冇時間食嘢
要買 KFC 外賣上巴士食
趕去演藝睇一期一會

時間過得好快
同湯米拍咗拖兩年喇
記得第一年拍拖時
我哋成日都鬧交
呢一年我哋好似搵到一個適當的方法
去同大家相處
爭執少咗
感情亦都穩定咗
傻一好多謝湯米成日都會關心傻一
每件事都會為傻一著想
湯米亦都為傻一改咗好多
冇以前咁大男人
冇成日發脾氣
希望湯米對傻一都有同感
希望湯米都會覺得傻一一路都有進步
希望我哋以後都會開開心心

Next Blog 預告：女人本色，一期一會，紀念日之禮物

今日放工同 Kiki、Phoebe、Eric、Raymond 同 Kiki 男朋友
去咗有骨氣打邊爐
八十八蚊任食
用滙豐咭找數仲有八五折
好抵呀
但係其實今晚都唔係食咗好多嘢
唔係咁想食
冇乜胃口
講多過食
食到十點幾 Kiki 同佢男友走先
我哋就去咗跑馬地一間 Bar 飲嘢
飲到一點先走
行番出去銅鑼灣時見到 Emily 同佢男友喎
咁啱嘅
連續兩個禮拜和同一班人出咗嚟食飯同飲嘢
我都有諗過點解突然我哋的聚會會咁密呢
但係其實大家能夠認識係一種緣份
而呢個緣份亦唔知會唔會有一日用完
所以應該珍惜彼此相聚的時間
其實大家出嚟傾吓返工啲嘢
遇到啲咩唔開心
其實都係一種減壓方法

今朝返到公司
做做吓嘢
眼尾見到 Edith 走去 Shanice 個位度傾嘢
跟住 Shanice 就打嚟
話我今日最後都唔需要過 City
之後 Edith 又打嚟講同一番嘅嘢
仲問點解真係有嘢做唔同佢講清楚
搞到 Shanice 要親自同佢講
咪低啦
一早同你講咗
但係你欺善怕惡之嘛
見到 Shanice 你咪變咗做一隻死狗囉
白痴

今日主要都係忙幫 Shanice 做個 Test Script
用咗我成日時間
放工仲要 Set 房
做到七點幾先放工
好攰