每次做 Group Assignment
都遇到一些勞氣事
今次做 FastCat 這個 Final Report 時
勞氣事更是一大堆
其實每次 set 一啲 deadline 俾我哋自己組員做嘢
次次都有人唔可以準時交到功課
今次竟然有人用未 Print 份功課出嚟做藉口
我做組長都好難做
話佢又唔好意思
一陣又驚俾人話我扮晒嘢
唔話佢又真係好睇唔過眼
我都知大家都要溫書考試
但係點解我哋可以做到
但係有啲人唔得呢？？？
其實每次做 Grouping 同 Formatting 都要花好多時間
所以我每次都會三催四請咁希望佢哋可以早啲 send 嘢俾我
今次佢哋都好合作
星期三晚已經收齊所有人的功課
啱啱開始做 Proof read 都冇咩問題
但真係越做越忟
四個人入面
有三個人竟然仲用 We、Our 去寫 Report
Lecturer 已經講咗好多次話唔可以用第一身去寫 Report
我亦都提咗好多次
估唔到連 Zinnia 都犯呢個錯
真係好失望
每次改到 Elyse 嗰 part
我都會變到 0 EQ
個心入面真係講咗好多次低能
好多都唔明佢想講乜
英文又唔好
又串錯晒啲字
一段入面有五行
竟然可以有七八個 although
想點呀
又要死寫難寫寫到鬼死咁長
其實除咗 Zinnia 同 Elyse 佢哋嗰部份
可以放心啲之外
其他的真係改到我發脾氣
究竟佢哋寫完之後有冇 Proof read 架呢
究竟佢哋擺咗幾多心機去做呢
抑或係求其做就算
又會唔會係因為佢哋都覺得有人會執手尾
所以先至會有咁多 mistakes 呢？
我真係好想知
如果佢哋真係用心去做
我相信唔會仲有咁多 spelling mistakes
motivate 變 motive
appraisal 變 appeal
will improve performance 變 will increase performance
cannot 之後又加 ed
must 之後又加 s
明明開會講咗要改要執嘅嘢又冇改冇執
其實如果大家都盡自己的本分去做好自己的一部份
我相信呢個 project 會好好架 |
