今日好唔想返工呀
尋晚瞓得好差
好想放假
公司有好多嘢做
做極都做唔完
唉

Lunch 約咗 Gloria 食晏
原來我哋都有半年冇見喇喎
但係又唔覺咁耐

放工返到屋企
先發覺又做漏咗一樣嘢
妖 

下午去咗奧海城
睇妮歌潔曼做的無孔不入
個故事好簡單
講細菌散播
再引發出陰謀論
有啲似以前的喪屍戲
成套戲都好緊張
好吸引到人追落去
Nicole Kidman 好靚
又做得好
佢個仔仔都好得意
我俾呢套戲八十五分啦啦啦

今日把握時間
食完早餐再游咗一陣水
好多人呀
好多小朋友
好快就要返房執嘢

準備 check-out 喇
唔捨得呢個懶洋洋的假期
唔捨得嗰張軟綿綿的雙人床
唔捨得同湯米一齊的時間

酒店房雪櫃入面有一罐咁得意的飲品

今日食完早餐
上房瞓咗一陣
之後就落咗去游水
今日天氣唔係咁好
游咗一陣仲落雨添
再游多一陣竟然話雷暴警告
冇得游喇
之後拎雪糕返房食
食完又瞓過
超 Relax 呀
今晚又係去香辣屋食晚飯
但係食嘅嘢同尋晚完全唔同
但都係咁好味
夜晚返酒店睇兒歌頒獎典禮
令湯米同傻一記番起以前
細個睇閃電傳真機的回憶
仲見番好多以前的主持人
時間真係過得好快呢
烏卒卒、麥精探、彊師爺爺同埋彊師孫女
好多好多以前細個的回憶
再夜啲睇埋陳奕迅個特輯
都係以回憶番以前做主題

呢排集體回憶真係好 hit 咁
今晚唔想咁早瞓
因為聽日就要走喇
開始唔捨得呀

這是傻一和湯米的房間

今日九點就起身
落去食早餐
個自助早餐都 OK 多嘢食呀
最大的驚喜莫過於係有粟米片食
好耐冇食過
傻一好貪心咁一次過食咗四種粟米片
哈哈

食過早餐就返上房
再瞓過 zzZZZ
瞓醒先落泳池曬太陽同游水
今日好好天呀
曬咗同游咗三個鐘之後又返番上房
又瞓咗一陣

夜晚去咗香辣屋食晚飯
湯米同傻一都覺得呢間香辣屋
係香港最好食的香辣屋嚟架
同埋啲食物種類仲多好多添
今次食飯唔記得影低啲相
可能大家都太肚餓喇
食完飯傻一見到有雪糕食
傻一當然話要食啦
傻一食咗最愛的“朱古力”同蜜瓜味
其實傻一對於所有蜜瓜味的東西都情有獨鐘架
好似髮泥
沖涼 lotion
雪糕等等等等
夜晚沖涼時發覺成身都紅晒
好似曬傷咗
似乎湯米同傻一都睇少咗今日太陽的威力

今日湯米仲買咗一幅太陽眼鏡
傻一仲幫湯米影咗張相添
嘻嘻
今晚同湯米做咗個 Mask
哈哈
好搞笑呢
其實兩個人一齊睇吓電視
食吓嘢
感覺已經好幸福喇


唔使五分鐘，傻一就把兩個雪糕球吞咗落肚喇！

酒店的泳池呢！！！