近日無論喺公司又或者工作上 都發生咗頗大的變化 自從搞笑同事 Phoebe 辭職之後 Office 少咗好多笑聲 又靜咗好多 大肚同事 Rachel 同 Judy 生完 BB 放完產假返工 公司的熱門話題就係 BB 生活瑣事 而睇 BB 相就變咗大家的優閒活動 乞人憎同事今日終於 Last Day 今日老細提議叫外賣 Pizza 同壽司返嚟食 同乞人憎同事 farewell 今餐大家都食得好開心 好難得大部份同事都喺香港 個氣氛好融洽 好耐都未試過咁喇 乞人憎同事離開之後 好多工作都 hand over 咗俾我 工作量大咗 以前大家一齊 share 做的工作 之後都要我一個人去負責處理 其實有啲擔心 怕自己應付不來 可能自己仍然欠缺一啲信心 但係呢個都係一個好機會 迫自己去獨立做某啲事 就快要做 performance review 喇 所以近日都不繼喺度諗 未來一年喺公司的目標 又或者係將來自己條路點行 自從星期一同舊老細食完飯 我就開始諗多咗自己將來工作上 應該向邊一個方向發展 Flora 問我有冇諗過五年後 會做到去一個咩位 我真係冇諗過呢 Flora 真係好關心我架 成日都會俾意見我 雖然有時會覺得佢會俾咗我一啲無形壓力 但係其實都係好事嚟架 佢會迫到我去諗一啲我冇諗到的事
上星期五係連續第三個星期五 同 Phoebe、Kiki、Eric 同 Kiki 男朋友 出去食飯 我哋去咗百里鮮食飯 再去 The Planet 飲嘢 今次 Raymond 冇嚟 今晚又飲咗酒 仲一路玩啤牌 我玩廿一點仲嬴咗錢 玩到一點幾先走 一次俾一次夜走添 好似玩得夜咗 今晚仲激嬲咗湯米 因為我原本話食完飯就走 唔去飲嘢 但係又去到咁夜 搞到湯米唔開心
上個星期四約咗 Sunny 去銅鑼灣食飯 本來約佢六點半喺 Sogo 等 但係到五點九佢先話喺天水圍 等緊巴士出嚟 搞到我都唔知去邊好 行咗去金鐘 交咗咭數 又周圍行 到最後攰得滯去咗坐巴士 攰到瞓著咗 到七點幾佢到咗 Sogo 我仲未到 之後我哋去咗食別府 跟住就去行街
本來想買衫 但係最後又買唔到 其實今餐飯應該四月就食 其實係補祝番 Sunny 生日架 但係一路都冇時間 又夾唔啱時間 唔係佢病 就係我病 所以隔咗三個月先食到呢餐飯
近日看報紙 知道安室最近推出的 Album “PLAY” 在 Oricon 大碟榜 連續兩星期 No.1 在京都進行大碟宣傳時 又有超過三千人圍觀 仲有報導睇好安室今次的 Album 好有機會賣出超過五十萬隻 睇到這些新聞 真係好開心架 留意安室 係由 Sweet 19 Blues 呢隻碟開始 直到現在 安室都就快 30 歲喇 安室曾經紅過 日本亦都曾經出現過安室現象 意思即係好多日本女仔的打扮 都模仿成安室一樣 結婚生仔之後復出 人氣好似只有不停下跌 媽媽被殺 離婚 好似好多不如意的事都發生在安室身上 但係安室仍然冇放棄到唱歌 更加唔會學其他人氣下滑的日本女星 去拍露肉寫真嚟增加人氣 而且安室仲係一個好媽媽 並沒有疏忽對囝囝溫大的照顧 到今年 安室好似人氣返晒嚟 巡迴演唱的場數仲打破自己的紀錄 希望安室可以像 Ayu 一樣 選擇來香港開 concert 就好喇
一期一會第一次公演時 當我知道有呢個舞台劇時已經賣晒飛喇 所以到重演時 就即刻去買飛 因為有我喜愛的林一峰做架 未去睇呢個音樂舞台劇之前 其實都唔係太清楚知道係講咩架 只係知會有好多陳百強的歌 有趙學而做 首演時趙學而又因為整傷咗隻腳 而做唔到個 Show 到重演時 焦點又落咗喺谷祖琳身上 話套舞台劇令佢諗番起 之前跳樓自殺的細佬 終於等到可以親身入場 去欣賞呢套舞台劇 原來成個舞台劇由六個故事組成 想帶出嚟的訊息係 相遇一刻，也可感動一生 六個故事都係關於失去 失去朋友 失去金錢 失戀 失去身體上最寶貴的東西 失去親人 失去理想 而湯米就覺得佢有另一個訊息係 想講愛情不分性別 不分年齡 不分貧或富 呢套舞台劇其實都有一啲感動位 但係可能因為分咗做六個故事 每個故事有好多感情位都唔係太細膩 感覺上同馴情記情有啲相似 主角都係年青人發生的故事 梁祖堯同湯駿業同楊詩敏都好搞笑 同埋劇中每個人的名字都好似日本人啲名咁 好似直美健次浩一加奈美雪亮太俊彥由紀咁 好搞笑 Next Blog 預告：安室 Namie Amuro
