今日同 Kiki 約咗 Phoebe 食晏 目的係提早同 Phoebe 慶祝生日食生日飯 其實有時都幾怕同 Kiki 和 Phoebe 一齊食飯 (但係記住只係得我、Kiki 同 Phoebe 呢個三人組合時) 平時單獨同佢哋是旦一個一齊都冇乜問題 但係當佢哋兩個走埋一齊 就大件事 好鬼死嘈 又多嘢講 又八卦 又成日問我呢樣問我嗰樣 所以有時真係怕咗佢哋 佢哋兩個女人已經可以組成一個墟 而今日亦都係一個舊同學 Edward 生日 祝佢生日快樂 我同佢都好耐冇見過喇
呢幾日都要去 Cliftons 慢慢同 Cliftons 啲同事熟咗 發覺佢哋都好好人架 有時佢哋仲會問我 使唔使同我叫埋早餐 如果同佢哋一齊做嘢 一定會好開心 但係可能諗深一層 其實大家的關係都係建立喺利益上 我哋俾錢佢哋 佢哋 provide services 俾我哋 係咪因為咁佢哋先咁 nice 咁客氣呢？？？ 其實出嚟做嘢之後 人與人之間 往往都唔會再好似以前讀書時識朋友咁 pure 彼此的關係複雜咗好多好多 但係要喺呢個現實社會生存 不知不覺間自己都要學識怎樣去保謢自己 漸漸對著不同的人 自然地又會換上不同的面具 長此下去 自己的本質會否因此而改變呢？？？
其實出嚟做嘢之後 人與人之間 往往都唔會再好似以前讀書時識朋友咁 pure 彼此的關係複雜咗好多好多 但係要喺呢個現實社會生存 不知不覺間自己都要學識怎樣去保謢自己 漸漸對著不同的人 自然地又會換上不同的面具 長此下去 自己的本質會否因此而改變呢？？？
連續返兩日學真係攰到想死 好彩今晚上 Dr Yuen 個 workshop 一啲都唔悶 因為 Dr Yuen 講嘢好生鬼 好快就過咗兩個鐘 但係返學之前就真係超級唔好彩 等巴士等咗好耐 跟住上到車竟然冇位坐 仲要由一上車塞車塞到去紅磡 返到學校又遲到 攰死咗
今日請咗 Shanice、Phoebe & Kiki 食晏 我哋去咗意粉屋食 啲 Set lunch 都幾好食喎 又多選擇 同埋又唔係好貴 下午又請咗其他同事食 Tea 因為佢哋話升咗職要請食嘢 咁傻一都覺得應該嘅 今晚放工就即刻返屋 仲係著住裇衫西褲就瞓著咗喇 好攰 一瞓就瞓到食飯
今日同湯米去咗曬燈 傻一覺得呢間曬燈鋪頭成日都做到好似就嚟執笠咁 企燈度門壞咗又未整 一冇人喺房度就即刻熄燈 雖然節省能源係好 但係好似誇得滯喎 今次曬燈好熱呀 唔知係咪又啱啱換咗燈管呢？！ 之後去咗食啲嘢 跟住就去做尖 但係完全係好 hea 都冇乜點郁 都係行行企企 坐喺梳化度睇電視 跳 BS(1) 時更加係冇心機跳 好攰 又跟唔到喎 唔鐘意跳 Jinmy 教的 BS(1) 夜晚去咗唱 K 全部新歌試唱都唔識 真係一首都唔識呀 Out 爆 諗住今晚早啲瞓 所以十一點就上床喇 但係又肚痛喎 搞到又要起身去廁所 搞搞吓又係十二點幾先瞓 想早啲瞓都唔得
