今日放工又遲走
好快同湯米去食咗啲嘢
跟住就去 e-house

因為好驚遲咗去 BS(1) 會 Full 咗
咁就冇得跳喇
宜家去做尖好似唔多唔少都係為咗跳 BS(1)
諗住搭小巴
快啲又唔使行咁遠
點知個小巴司機玩嘢
轉咗去行橫街
今晚去到真係只係去跳 BS(1)
之前就真係完全坐咗喺梳化度
一路睇電視一路等
可能湯米同傻一真係太攰喇

今日和湯米去做尖
今日傻一做尖好勤力呢
做咗好耐
跟住同湯米跳埋 BS(1)
跳完變咗做一個水人
成個人溶咗
但係之後的星期日就唔係 Epsilon 教喇
改咗做 Jinmy
但係湯米和傻一星期日都應該會繼續跳嘅

之後同湯米行咗去灣仔
去咗集成食麪軒
啲人好似發緊夢咁
冇人做嘢
又漏單
唔怪之得晚市都冇人去食
冷清清咁
行緊去灣仔途中
收到陳慧琳個 sms 話佢收到千 fa 啲飛喇
好開心
期待中

食完嘢同湯米行咗一陣 188
行咗一啲二手 CD 鋪
傻一睇中咗幾隻 CD 想買
但係怕買咗都係擺喺度唔聽
到時又變咗嘥錢
所以都係諗真啲先算
而湯米就買咗隻 Sammi CD
佢搵咗好耐架喇
仲有八折
都幾抵呀

今個星期六又係難得的好天氣
所以和湯米去了游水
但可能真係越嚟越接近秋天喇
陽光明顯地沒有夏天般那麼強

今晚和湯米終於嘗試了御家
沒有峰壽司咁好食
但係食物種類的確比峰壽司多
食到好飽好飽

今日係假期
傻一瞓瞓吓突然扎醒
睇吓個鐘
已經係三點喇
一睇電話
miss 咗四個湯米的電話
傻一九秒九咁刷牙洗面沖涼換衫
跟住同湯米去做尖
但係去到大家都唔係好想郁
所以好快就走喇
但係今日見到 Jennifer 喎
夜晚同湯米去咗百利
湯米買咗一對鞋
兩條褲
一件恤衫
一條皮帶
盛惠二千大元
大出血呢
之後行咗一陣就搭船走喇
聽日又要返工 lu

今日起身
知道又打風都幾愕然
今日同湯米去咗 e-house 做尖
湯米今晚要同屋企人食飯做節
所以傻一一個人跳 BS(1)
唔知點解今晚好少人跳
冇乜氣氛
Epsilon 仲話下星期可能要去荃灣
所以下星期可能又教唔到
搞錯呀
返屋企時又落好大雨
淋到傻一濕晒
真係黑仔

今日湯米打嚟叫傻一起身時
湯米話佢好唔開心
原來係佢同屋企人飲茶時個氣氛唔係咁好
湯米仲講咗啲悔氣說話
傻瓜

其實每個周末都過得咁快
可能係因為傻一習慣瞓到好晏
咁所以成日都覺得星期六日啲時間好唔夠
不如傻一試吓第時早少少起身
咁咪可以做多啲嘢囉