今日起身都幾好天架
所以決定和湯米去曬太陽
但係當出門口時又突然變番陰天喎
去到泳池真係冇太陽
點知俾我哋見到一個好耐都冇喺尖度見到的人
我哋都唔知佢叫咩名
所以我哋幫佢改咗個花名
叫 BOB 頭仔
哈哈
跟住我哋見冇太陽
所以去游水算喇
之後太陽伯伯又出番嚟
湯米同傻一仲喺泳池邊曬到瞓著咗添

游完水
湯米陪傻一去搵新校舍的正確位置
嘩
喺火車站行去新校舍好遠架
唉
嚟緊呢個 sem 就要喺呢個鬼地方上堂
真係諗起都想走堂呀

夜晚過咗中央圖書館
因為湯米想借書
係尋秦記呀
之後我哋去咗 Art Centre 睇愛•不悔
套戲係講一個有錢仔愛上一個從鄉下走到首爾的窮小子
故事簡簡單單
又有啲笑料
都幾好睇吖

今日放工同湯米去咗食飯
我哋去咗新波士頓餐廳食西餐
湯米食咗個火焰牛柳
個牛柳上枱之前個侍應
會用火燒個牛柳
好大火架
但係個牛柳好大酒味
食完飯我哋就去 e-house 做尖喇
今晚仲第一次試玩 Spinning Class
嘩
超攰
又出勁多汗
係好辛苦的感覺
但係啲女人一路踩一路大叫
超搞笑

今晚原本約咗 IVE 一班舊同學食飯
本來以為只係我哋七八個朋友聚舊
但係原來呢次食飯有成十八人咁多
好多以前同班而又唔熟的人都會出席
搞到我唔想去

所以尋晚打咗俾個朋友話我今晚都係唔去喇
費事去到都唔知點咁

就係咁
今晚意外地返咗屋企食飯
有九日冇喺屋企食飯喇
呢幾日都唔係好夠瞓
正好可以俾自己抖吓
今晚仲有時間敷番個 Mask

Relax
照鏡時

見到自己好殘
唔開心呀呀呀

收到學校的信
話嚟緊會有四個 seminar
係講嚟緊要做的 Final Year Mgt Report
下星期一就要返去聽個 talk
噢賣吉
要返學喇

今日 Kiki 病咗
我成日都冇乜出聲講嘢
舊同事 Phoebe 又咋病去見工
佢 lunch 上嚟探我哋
令我唔使對住個馬屁精食飯
仲可以有個人聽我呻吓工作啲唔開心嘢

今晚同湯米去咗峰壽司食飯
湯米覺得冇以前咁好食
傻一反而覺得係啲壽司細舊咗
食完飯行咗 Sogo 一陣
跟住就搭車去會展

今晚睇咗 Nokia 愛樂•享樂 903 飛馳中的音樂會
有關淑怡、李克勤、張敬軒同埋謝安琪
成個音樂會普普通通
氣氛唔係太好
感覺上佢哋唱咗好多歌
合唱獨唱合唱再獨唱
唱自己歌唱人哋啲歌
唱新歌唱舊歌唱英文歌

但係冇一 part 係特別深刻
啲歌又唔係咁好聽
啲音響好差
最嘔就係李克勤唱歲月風雲主題曲
散場又得一個出口
排咗好耐隊先走到
好攰
最鐘意都係 Shirley 唱人生可有知己
同埋同張敬軒合唱 The Rose

算係一個驚喜

而整晚都唔係好聽到阿 Kay 唱乜
同埋佢著黑色衫都好肥

今日 Shanice 請 Phoebe、Kiki 同埋我食晏
去咗食日本嘢
其實都幾貴架
一個 set lunch 要一百三十蚊起
但係真係好好味
Shanice 其實都幾錫我哋幾個
又會關心我哋做嘢做成點
有冇嘢唔開心咁
其實 Shanice 都算係一個好老細嚟架

今日因為約咗舊同學食飯
所以喺公司做夜啲先走
點知個個見到我仲未走
走過嚟問我係咪有好多嘢做
都幾搞笑

今晚約咗 Janet、Gloria、Sammi 同埋 Nicholas 食飯
去咗小南國食
Larry 因為有事
臨時甩底
又唔齊人
今次的 Gathering 係我搞架
大家的反應都幾好
好快就約定咗呢次的聚會
真係好喇
唔知係咪因為有訂位
所以我哋可以坐房
間房仲要只係得我哋一張枱
超舒服
傾傾講講又食到九點幾
五個人都只係食咗四百幾蚊
跟住我哋去咗世貿滿記甜品
傻一食咗一個荔茸西米布甸
超好食呀呀呀
我哋傾傾吓
講開旅行啲嘢

點知講講吓變咗講鬼古
聽到我毛管楝呀
食到差唔多十一點就走喇
點知落大雨喎

我哋等咗一陣

我決定搭的士返屋企
因為我冇帶遮呀
我又唔想淋濕喎
點知個司機行錯路
到咗屋企門口叫佢停又聽唔到喎
激死我呀
今晚傾番
先知原來我哋差不多一年冇見喇
我哋約好咗聖誕前再出嚟聚一次
呢次的搞手暫定係．．．我