今朝早落咗去 FTMS 第一次見到 Polly 感覺上佢 nice 過 Edwin 但係偏偏平日接觸得最多的就係 Edwin 放工同湯米去做尖 今晚 BS(1) 又轉咗人教 係 Joanna 妖 湯米就如常去跳 但係我就冇喇 因為我都知我一定跟唔到
今日放工約咗 Trevor 食飯 同大忙人補番八月的生日飯 大忙人吩咐我 要喺度講佢今日冇遲到 而我當然係準時啦啦啦 我哋約咗喺旺角等 行咗一陣 就去食嘢 我哋行咗朗豪坊四樓好多次 去睇吓郭少芸 但係好多次郭少芸都俾人遮住晒 都睇唔到個樣 Trevor 本來話因為要減肥 唔使食咁多 但係我哋兩個人又叫咗五樣嘢食 但係都食得晒 其實我覺得 Trevor 都唔係特別肥咗好多 只係個頭大之嘛 食完飯又行咗一陣 跟住就走lu
今日 New Hires Orientation 比想像中順利 冇乜大問題 真係好喇 今日雖然都係忙 但係已經冇上個星期咁忙喇 本來放工要 OT 但係 Shanice 話唔好等 叫我哋聽朝早啲返去先執 好嘢 可以早啲返屋企 今日訂咗萬千師奶賀台慶嘅飛喇 期待
今日天氣唔好 所以去做尖 點知咁啱見到 Sammi 喎 佢話佢四月已經 join 咗 Physical 喇 但係今日都係第一次撞到佢 同佢傾咗一陣 仲話搵日真係要約番 Janet 佢哋出嚟食飯 今日終於都買咗新香水同新人字拖 兩樣嘢傻一都想買好耐架喇 今日仲買咗 W 創作社 新舞台劇 – 小人國的飛 遲啲仲想睇埋詹瑞文套
萬千師奶賀台慶 我諗兩套劇都會好好笑 聽日又要返工喇 仲要係 New Hires Orientation 一定又係忙到傻 今晚去咗糖街 Sunny 度睇衫
今晚佢不斷介紹啲戲俾我哋睇 好似熱情過平時好多咁 搞笑
今日雖然係星期六 但係傻一都要返公司做啲嘢 但係見到 Marco 有佢喺度幫手 我成個人都定晒 同埋佢份人又幾好 又玩得 仲有少少似林峰架 如果佢喺 Deloitte 做就好喇 一點鐘度放工 去金鐘行咗一陣 再搭車去轉船過尖咀 約咗陳慧琳 陳慧蘭 問米婆 周大雄 去鴻星飲茶 五個人食咗十八碟點心 但係四點就要交番張枱出嚟喇 因為佢哋要 set 場今晚俾人擺酒 今餐係同周大雄預祝生日 同埋送結婚禮物俾問米婆 陳慧琳今日叫咗好多怪點心 唔知點解個個都唔肯食 陳慧蘭食嘢冇茄汁就改食甜醬 唔知點解今日周大雄同問米婆都冇乜點食嘢 本來諗住早走咁就可以去九龍公園搵湯米 但係打咗幾次佢個電話都唔通 諗住佢仲游緊水 但係到我去到坐咗一陣 再打俾佢
湯米已經走咗 噢 今晚我哋去咗睇連體孤魂 都幾驚 個故事都幾特別 但係坐湯米隔離嗰兩個八婆 就成日不停講嘢
好 Q 煩 都唔知係嚟睇戲定傾偈
