五日假期又過去喇，放假的時間真係過得好快，又要返工返學喇，今年利是數目好似少咗好多咁喎，點解呢？？？希望聽日開工大吉，事事順利，步步高陞！
SEE MY TAIPEI BLOG @ ------> http://hk.myblog.yahoo.com/crazy-theone
今日係平安夜 一如以往 可以三點半放工 所以今日各同事們包括我 都冇乜心情做嘢 個心好似已經放咗假咁 同埋今日 May 同事 Rachel 同事同埋 Judy 同事 都帶咗佢哋的小朋友返嚟公司 所以今日變咗做小朋友日 今年交換禮物傻一收到一包朱古力 同埋一對皮手套 今年的氣氛好似冇舊年咁好 因為好多同事都放咗假 原本阿 Shan 都話會帶佢個仔仔返嚟 但係佢又病咗 冇阿 Shan 喺度真係差啲 好悶 舊年的感覺 warm 好多呀 唉 三點半即閃人
Shanice 話出年 Learning 會有好大變化 一來會請多啲人 二來工作上都會有轉變 究竟傻一會唔會跟晒 Edith 做 CPA 呢？ 還是會跟 Jessica 做番 Audit 啲嘢？ 定最後都係維持原狀？ 好多未知之數 Shanice 又話會俾啲 high level 啲的工作俾我做 又叫我要有心理準備要出 Trip 又講會請個男仔返嚟幫我手 令到傻一好好奇想知出年的變化有多大 還是只係講吓就算呢？！
之前收到 Gloria 個電話，話阿單遲啲會去新加坡半年做嘢，因為之前都聽阿單提過吓，所以傻一都唔係太驚訝，Gloria 話約一日出嚟食飯 farewell，所以我哋 1206 就出咗嚟同阿單 farewell，但係最後呢餐飯變咗 Gloria 請 Raymond 同我食生日飯，同埋幫阿單做 farewell，今餐飯都係傾吓阿單去到星加坡會點呀，其實傻一都好想有機會去第二度做嘢見識吓架！擴濶一下自己的眼界都好嘛！！！
