今日好趕咁返學  不過都冇遲到...  哈哈  如果今日遲到都幾好ga  因為...hehehe...

病得愈來愈嚴重了  很辛苦的呢...

lunch 返左屋企  之後又係差d遲到咁返到學校  哈哈  又有一個遲到ge機會...

希望淨係今日遲到會好開心ja  如果以後都係  咁我就大鍋la

maths堂  好辛苦a  唔係阿sir講書悶a  亦都唔係唔明  無心機聽  或者眼訓

而係好凍a  d人仲要開冷氣  我d鼻涕真係忍得非常之咁慘a....

放學 去上chem勵進  wowo~ 又有得做實驗la.... 

之後去搵Ms Man  報名參觀葵涌醫院   哎呀...我冇得捐血a!!

跟住同Sandy,Karen行陣街  行完返屋企lu

其實今日對腳真係攰到唔想郁a 

但當然係冇得唔郁ga la  聽日仲要有pe堂  真係唔知點死la....

今日一早就同姨媽仔食左個好豐富ge早餐

點知食食下落雨a  仲要愈落愈大....

去到魚會  丈丈同d朋友係度打麻雀  等雨停先出發...

咁我同姨媽仔見咁大兩  就打算唔去lu  陪Mita姨去拜婆婆個媽媽...

之後拜完  都落完雨lu  佢地依家先起行

咁我地就含含聲撘車去join佢地la  去到城門水塘

齊人就開始行la  好開心a!!

首先就係行上次跑越野果條路  之後見到第7段ge入口  就上山la

成條上山路都係樓梯  有d仲好大級  落完雨d泥又滑  冇左支行山仗都真係好難行

一口氣剷上去 non-stop咁行  係好辛苦a!!

行左8個字終於上到針山山頂la  果度好凍a  又好大霧  望落下面  咩都睇唔到  周圍白朦朦一片  好似仙境一樣....

咁影下相  休息陣  就落山la  d樓梯好斜a  同埋好滑  真係一步一驚心  行行下仲見到好多牛牛a!!

跟住落完山  就上草山la  果d路冇樓梯  好行好多  不過好斜a  周圍都係好樹  好似熱帶雨林咁

本來ge行程就係上草山再上大霧山ga  不過未行完個草山就落山la  因為太凍la...

一落完山就落大雨la  之後就去避雨同埋食野la  咁就行完左個第7段la

跟住又話行埋個第8段  但係呢d路大多爛泥a  所以又唔行lu  如果唔係落雨就好玩d la....

最後就圍住個山行返去城門水塘la  沿路都好多樹a  好靚a....  一路行一路係咁影相 

行左1個鐘度就行到城門水塘la  跟住行去梨木樹  4點就返到葵興la...

食個tea就返屋企la  沖個涼  lala聲訓教lu...

今次ge行山真係好攰a...  行左4粒鐘  由荃灣行去大埔  再由大埔行返葵興 

但真係好好玩a!! 

今日一起身講野好重鼻音  尋晚又係咁打黑痴  實在好辛苦a!!

朝早約Sandy去食腸粉a  不過我遲左到a  sorry a Sandy...

個腸粉好好味a  如果可以個個星期都食就好la

跟住就返學  上普通話la   上完好趕咁返屋企換衫  衝去新都會  同Eva睇戲la~~

都唔知點解會睇輪迴....  本來我地兩個都係想睇斷背山ga

我第一次去戲院睇鬼片  真係恐怖d ga  好驚a!!

咁睇完就去食野la  係途中不斷咁撞到好多人

食完就去行街la  仲多左兩個人一齊去....

咁行la 行左成日都唔知點咁

行完就去左麥當勞食野la  去果間比kcc包左ge麥當勞

食左個超潮爆ge餐  仲正過開心樂園餐  感覺就有如見到Allan Chan一樣 wakkaka...

之後就返屋企la  夜晚  同媽媽,Mita姨,姨媽仔,宗宗去食飯  跟住行街

今日真係行左成日街....   

今日早會宣佈  圖書館今期力棒君比d書....  超開心a!!

一到左小息  去到圖書館  君比d 書好快就比人掃哂  好彩我尋日已經借左幾本  wakakaka... 

真係好開心a!!  我搵左佢d書好耐la

今日chem堂 做實驗  好開心a!!  哈哈哈~~

其他堂都冇咩特別la

今日係奶強生日喎...  生日快樂la!!

死la  我諗我病la  running nose...  好慘a! 

呢排真係好多好多人病a  希望大家都早日康復la~~

放學夜晚  去左剪頭髮  不過都係冇咩點變la

今個星期係咁測驗  差唔多日日都有  終於都過左呢個禮拜la 

wakakakaka....  好開心a!!  今日 5:30p.m.  係1樓ge樓梯  發生左件好好好開心ge事a!!

回味一個斯文的微笑....  還有一句情深的再見!!

說得上最無情的...  我覺得是時間

時間無情地洗去一切美好的回憶,

時間無情地沖走一位好得要緊的老朋友,

時間無情地令我趕得要命,

時間無情地帶走寶貴的青春,

時間無情地走了,頭怎麼也不回....

時間如此無情,我卻每天都在追趕它....

雖然筋竭力疲,但又不能放棄!

最憎d人不守信用...

最憎d人無口齒..... 

最憎d人講過唔算數!! 

講得出做唔到....   

尋晚通宵做哂d野喇   今朝一早去飲茶  之後就出發la~~

咁就係坐私家車去la  wow~ 好正呀  係架車度  聽住學友ge靚歌  吹住微微ge涼風  真係100%享受a!!

坐左一個鐘頭車就到西貢la  10點開始行  行左1個鐘先到行山ge起點---深涌

咁就開始行山la  行左1個鐘又到左嶂上  係果度食豆腐花,飲豆漿..  超正a!!

之後影下相就繼續la  向麥理浩徑進發!!  我成功登上雞公山山頂la  wakakaka....

跟住就落山喇  行到3點幾  到左第四段ge起點  係果度bbq la....

今日真係好開心a  終於行到山la  期待左好耐la~~

今日總共行左12km  行左半個第三段  d路有大斜咯  又有大樓梯  不過比起上年露營果d路  今次果d真係冇得揮a

同埋今次行得好慢好慢  所以都好舒服  一d都唔辛苦....

不過行完返屋企  就宜係累死左la  超眼訓  眼訓到暈暈地a  所以好早就sleep la....

今日真係好心a~~~~

今日就約左Joey佢地去唱k ge  但係突然間唔知點解唔想去...

我真係覺得我冇資格去玩  人總係要娛樂  不過人地付出過之後  做好哂野  去唱k好正常....

而另一d人佢未做哂野   但係人地識喎  咁去玩都冇問題...

但係我自己  又未做好野  做野又慢  做左都未必識...  所以我就覺得我唔應該去唱k la

仲特登花左5毫子 sd個msg. 比Joey  但係呢  上完普通話之後  都係去左唱k

唱完  去左Eva屋企溫phy  溫左好耐好耐  但都係唔係好識...  真係多謝哂eva a!!

之後仲係佢屋企食埋dinner  成日去黐餐 

聽日去行山呀!!  好興奮a!!  今晚一定要做哂d野佢....  ^^

今日全家都係7點10先起身  但係我冇遲到!!

原來當你個腦不斷諗住一個目標  就會發揮意想不到ge動力

我一起身  個腦就係不斷咁諗住"我話過我唔再遲到! "  結果我估都估唔到自己d動作會咁快

10分鐘  搞掂哂所有野  仲要返到學校...

bio 派左卷喇  合格a!!  好開心~~

哈哈哈  依家chem堂真係好中意做實驗a  洗test tube..

今日有3堂maths a  不過過得好輕鬆a  因為係咁做數  果d prove好好計a  計到最後咩都可以約哂  好神奇a!!  又可以LHS計唔到  計RHS...  真係計得好開心~~

放學  去chem勵進  不過係4樓等左a sir好耐  都唔見人  咁所以走lu...

去圖書館搵書  又借左左幾本書la  不過睇死我都係冇時間睇ga la...

跟住同Eva 仲有另一位朋友行葵興  朋友  唔好咁嬲la  唔好同果d人計  佢唔值得令你咁唔開心

真係講得好  講粗口鬧佢都扁低你ge人格a!!

去左公共果個圖書館還書  又過期了!!

好想報勵進小組a  不過星期三要街燈a...  好唔開心a!! 

希望我個願望會實現la~~