情人節快樂!!

今日真倒霉  一起身好唔舒服  好似好多野頂住個胃咁  就係刷緊牙ge時候  突然間嘔朱古力a... 

緊係尋晚la  唉...  咁就請假la  之後其實我8點幾已經冇咩事喇   不過橫豎都請左假  就同媽媽去食個早餐  仲買左對拖鞋...

9點半就去返學la  一返到學  各位同學都認為我係遲到  其實大家誤會la

一到左小息  大家都忙住去派朱古力... 收朱古力.... 

上chem堂...  係門口罰左好耐企  之後返入去做實驗la

我覺得呢  chem lab準備實驗果個人副眼鏡好似Allan Chan果副a...  咁所以就稱佢為Allan Chan la...

哼! 有人扮可愛....

放學phy 補課  補完之後  仲有得補a  咁就聽埋先走啦  嗯! 真係獲益良多....

咁就冇去到中樂團啦...  返到屋企做左d功課  就出動去派朱古力喇

第一站... 石離貝  搵大姨媽  之後仲食埋飯先走tim...

返到屋企同媽媽,細佬去買鞋  買完  去第二站...葵興  yeah~~ 送哂d朱古力lu...

11點幾  有一對夫婦要慶祝情人節  所以夜mama 都要出九龍城搵老豆食飯...

本來又話打邊lo  坐左陣  又走  食泰國菜...  其實我就真係好鬼眼訓  又唔肚餓  好想返屋企a....

1點幾先返屋企  一返到去  連衫都未換就訓左教喇  真係好累好累a.....

今日去唱k a!!     終於去得成la...  好開心~~

唱完之後Joey同nn 返drama  我地就去買整朱古力ge野喇...

揀左好耐好耐  就去買主角<<<朱古力>>> la

之後去影相  今年第一張貼紙相  但係好似影得唔係好靚咁... 又唔齊人....

跟住又買左dd薯片去Eva屋企玩  Eva屋企真係多野食la  次次去都飽飽的走....

咁玩到5點幾就走喇...   返到去  lala聲做功課喇  之後宗宗黎左  補習...

之後就好開心咁去整古古力喇   其實呢... 我都係第一次整ga ja  唔識整...  我開頭以為朱古力係要焗ge tim a...

之後失敗左又再試過   宗宗又不斷咁諗d改良方法 

整到第3次  終於摸索到係點整ga la...  但之前失敗剩低ge朱古力就要食哂佢la  食左好多a!!

佢地又唔食喎...  整到2點半  做埋果dd功課  沖下涼   就包朱古力啦

好白痴a!! 成把較剪剪落隻手指度a...   搞下搞下  搞到5點終於都訓教la.. 

今日家長日  但我我冇返...  唔係我唔知醒a  而係d家長都唔想去....

好la  大家都唔好去喇  訓教啦   連中樂團演出都冇返到...

之後陸續收到人地ge電話   講下d班主任講左d咩 考成點....

2點就返紅會  去果個服務經驗分享會  我真係覺得好有意思a

請左d經驗老到ge義工黎分享  有個伯伯仲成79歲tim!!

之後分享到5點幾就走la

去tw搵果堆小妖  行左陣  之後返屋企喇...

今日由lunch之後  我就係咁嘔....係咁嘔....嘔到七彩!

嘔左成10次度啦  好辛苦終於捱到BBQ la....

不過最後都係要返屋企  唉... 冇得玩!!  不過thx你地a!!

返到屋企  又係係咁嘔  之後訓左陣  一訓醒  嘔得仲勁   唉!  真係成個飯嘔哂出黎....

到左11點幾  我決定左一定要睇醫生    咁之後姨媽仔同宗宗黎左  帶我去瑪嘉烈...

去ge時候呢  都仲死死下  點知一去到就鬼咁精神  等左一個鐘度啦  就到我睇la

醫生話我條腸塞左  所以d野食反彈  嘔哂出黎...  緊係之先食得太多野la

咁佢話要食藥刺激條腸  但係個肚會好痛好痛....  一係就打針止左痛先  不過就要慢慢食藥醫條腸  兩個選擇都好慘a...

咁之後去照x光啦  條腸都唔係塞得好嚴重  咁所以淨係食藥通番就得la

咁之後去攞藥啦   wa...真係好驚ga  去地庫二  上次我同老豆去錯左地庫三a  咁我諗大家都估到果度係咩黎la...

好小心咁  記住唔好落多層....  攞完就返屋企la  都成1點lu  真係唔該哂姨媽仔同宗宗喇.... thx!!

果支藥水都幾潮爆ga  無色,無味,無臭!!

wowow~~  急症室d醫生好斯文  雖然我只係見到佢對眼,眼鏡,頭髮同個口罩...  不過我諗都幾靚仔ga  又高  佢仲好幽默ge tim...

真係殺死左我la... wakakakaka~~  10號房  Allan Chan!!!   照x光果個  後生d  冇戴口罩ga  呢個仲斯文  但係唔高....

今年ge利是有.... 一千3百二十大元呀!!   勁呀~~~ wakakakaka....

今日早退a  上第一第二堂果時個肚痛到死  又想嘔  又眼訓....

頂左兩堂中文堂  小息去左G1  跟住就早退la...

返到屋企  吃左藥  之後訓教  一訓就訓到5點幾喇

跟住食野啦  食完  沖涼  沖沖下  嘔....

一路到左夜晚  都冇咩事lu

其實今日係媽媽ge正日生日  不過就要係屋企食粥... >.<

今日全家都8點先起身  全家都遲到喇...

咁一返到去  上緊chem堂la   咁Joey同Sandy就係咁係度笑喇...

今日Joey唔比我講野a  可能係我把聲太難聽喇...

放學之後一返到屋企  好surprise呀!!  好多人黎左a  好開心a!!

大家係黎同媽媽慶祝生日a!!  今晚又打邊lo喇....

咁之後食左好多野啦  大家又講下個旅行  做下事後檢討咁la  不過大家講到好激動  仲比大姨媽笑死左!!

咁之後呢...  老豆又換季la  係咁派衫...  大家今晚都玩得好開心

咁食到好飽好飽....  隔左陣就食蛋糕la  真係飽到訓左係度a....

咁之後佢地走la  我就好眼訓la  不過好似有好多野做咁...

不過都係同Eva傾個電話先去訓...

除左有個人可以一沖涼一路傾電話之外   我都唔輸蝕ga  一路掃地一路傾....

咁好累好累咁就去訓喇...

今日一起身就去食野啦  今日食西餐  大6 d据扒講真真係好難食ga.... 

咁之後就去左打保齡球la  一d人就去打枱波

細舅父就勁啦差唔多次次都全中

咁玩完就去撘巴士返香港lu 

咁快就完la個旅行...  不過真係好好好開心a!!!

今日11點半就集合係lobby等喇 

咁齊人就去飲茶啦  大家都係度談論緊祖宜尋日ge意外  細B表哥仲拍低左個過程.... 

之後係度用尋晚果d煙花黎形容d屎 都唔知點解我地呢家一食親飯都要講屎  唔講都唔開胃a!!

飲完就去左茶莊茗茶喇  佢地真係好似好熱衷茶道咁  咁我就上左車訓教la

咁茗茶都茗左成兩粒鐘... 

跟住呢..  本來就去打保齡ga 不過貴 所以就唔打喇  咁又話去賽車  點知又係好貴 同埋要18歲先玩得  咁又唔玩lu...

咁就去左行街啦  一去到個商場  好多好鬼平ge野食a  咁就食左好多好多野啦  不過都幾難食ga...

之後行果個super super market la  佢真係好super ga  又係好多野食a!!

咁行完就去左"dup"骨啦  又係忍笑忍得好辛苦a  hahah.... 不過都真係幾舒服ga!!

之後就返酒店自油活動la  d人一個二個去哂訓教  我就緊係做功課la  細舅父同錬舅母就去左shopping...

真係都唔知點解去旅行可以訓晏教ga...

咁7點半就集合去食晚飯喇  去食客家菜a  我一聽到  即刻諗起果三隻小妖a....

今晚d野真係好好味ga...  最正都係果個缽仔飯同金沙骨  但係細佬仲未病完  冇胃口... 

祖宜隻腳果沙布移左位a...  大6 d醫院都真係唔係好掂...  好彩我地果家人都有幾位first aider  咁就同佢再包過啦

咁之後呢...  又去唱k喇  開頭呢  d人都唱歌ga  但之後d人又唔唱喇  咁我又可以唱哂la  不過我失左聲a...  講野都走key a  點唱a!?!

好唔開心a  有得比我唱哂  但我就唱唔到... >.<

咁玩到12點幾就返上房啦  佢地返到去繼續賭...  我地就係另一間房講笑話....

咁沖下涼  執下野  3點幾就訓lu...

今日就係返大6 ge大日子...  我地一行17人   實在係好熱鬧a!!

恕我長氣  講一次成員名單la... 
有婆婆,大姨媽,B仔表哥,燕姐姐,細B表哥,圖表哥,細舅父,細舅母,姨媽仔,丈丈,宗宗,祖宜,Mita姨,B叔叔,媽媽,細佬,我...

咁一大清早  準備好哂d野就出發la  不過細佬竟然係呢個時候唔舒服  搞到媽媽都唔知仲去唔去好...

結果都係繼續行程  去到巴士站la  發現大家約錯地點  咁就出現左少少爭吵la  不過一陣都係冇事lu

去到沙田  所有人都齊哂la  咁就去撘火車去羅胡la  大家落哂月台  發現唔見左大姨媽  咁B仔表哥又好嬲咁鬧人....

搞左一陣  最後都可以齊人上車...  去到羅胡就過關喇  一路上細佬都好唔舒服...

之後再撘火車去東莞  真係好la  可以撘咁多車  又可以係咁訓教la....  撘車訓係特別舒服ge!!

去到東莞  就撘車去飲茶la  要三架私家車先裝得哂d人a  圖表哥架車好潮爆ga  有部電視係入面ga  一路聽歌仲可以睇埋mv a...

咁飲荼啦  唉..  我又黎料la  唔知點解我硬係唔中意食大6 d野....  咁就冇咩食過野la

咁飲完  就返酒店攞房la  wowo...  我地家人包哂成層咁滯a!!

之後去買煙花  咁買完就去洗腳喇  我都未試過特登去洗腳.... 
咁果個人按摩la  佢按頭果時呢就係咁"炒"我個頭,腳底按摩我都頂得順  不過按到大比果時就真係好痕la  我忍笑都忍得真係好辛苦a...  之後按手同背脊都好舒服  舒服到我訓左tim...

咁按完就去食晚飯喇  食四川野  wa... d野真係好鬼辣a!!  最攞命係果個咁ge辣椒油浸魚...  碟碟野都辣到飛起a 
我諗karen係度一定好開心a!!

咁食完就係最happy ge時刻喇.....  放煙花!!

去到大個好大ge草地  咁就開始玩la  wowow~ 煙花真係好靚a  台頭一看  眼中全部都係點點煙火  我都係第一次同d煙花咁近ge接觸ja...  好興奮a!!
大家都玩得好開心  丈丈仲short左咁攞住支煙花追住人黎噴...  佢緊係飲大左喇!!

不過  就係大家都玩到忘哂形ge時候  意外發生喇... 
有一個煙花ge最後一發  射ge時候訓低左 打橫射  咁就射左去祖宜度  祖宜成個人射左去後面a  果時大家都仲未知發生咩事  淨係見到有一發煙花打橫射  跟住d草就著火喇
咁祖宜就去左架車後面  大家都去睇佢la  原來佢隻腳受左傷a  隻鞋都炸到爛左  祖宜仲流淚tim a  祖宜係一個好堅強ge人  佢好忍得痛ga  佢痛到喊a  可想而知佢真係好痛...   咁姨媽仔,圖表哥,司機果d就同祖宜去左醫院la

果一刻  我覺得所有ge煙花都唔再燦爛   而我手上果兩支未點著ge龍吐珠都唔想玩....

咁我地好快咁玩完d煙花  等埋個司機返黎就走喇...

去左唱K  果時祖宜仲未返黎a  我亦都冇咩心情玩la  直至祖宜黎到  見到佢ge笑容  我就提起勁唱K喇!!!

wa... 今晚真係超正a  d人一 d去打麻雀  一d就猜拳玩骰盅  一d就去Disco房跳舞  完全冇人唱歌ge

咁今晚就好似黎ca演唱會咁喇  咁唱唱下又去左Disco房跳舞  雖然我都唔知我跳緊d咩  不過真係好high a!!  跟住又返去唱過  唱到真係唔捨得走a...

咁唱到唔記得左幾多點就返酒店lu...

今日真係好開心a!!