今日同d同學去左踩單車呀.....  好開心~~

10:00城隧轉車站等  齊人就撘巴士去喇......

我今日出門遇貴人呀  好lucky^^  我跌左個電話係架巴士度呀  但係比人執到  果個人又係同我同一個站落車喎  佢比番我呀  佢真係好人la.....  佢一定會有好報架~~

言歸正傳，我地去到馬鞍山度租單車  租完就踩喇   首先本來就去大埔   但係落雨呀 (不過好細雨)  所以返轉頭 

我覺得呢....  係風雨之下踩單車  有一種好飄逸既感覺  好爽......

跟住就踩左去沙田  去左New Town Plaza 食 lunch....  見到i love u boy'z 、吳日言呀.....

我地搵個大家樂  搵左好耐  周圍睇路牌  好似自由行   

咁就食飯啦  食完就繼續踩喇  我都唔知踩左去邊度  跟住d同學踩  好似係大圍.... 

之後又返去沙田喇   係咁兜圈  踩到就黎交車  就返轉頭  去交車喇....

咁就玩完一日lu  撘巴士返屋企....  

架單車坐到個 law pat好痛呀  個大比又好累喎  唔知聽日個比會唔會瘦左幾吋呢?!!  haha~~

今日炒左兩次車呀  不過好采冇跌親....

返到屋企沖涼  玩電腦  做左dd功課  睇電視  玩電腦  訓教lu

今日又係返總部開會....

但係我又唔知醒呀  成日都係咁  好失敗呀  點做大事呀~~

咁我一起身  發現自己訓晏左  就好冷靜咁用我最快既速度返去總部

返到去就開會啦...    我做左財政....  又係第一次做....  開到2點返到屋企 

3點就同 kk EvA Sandy去左青衣城行街 傾偈  之後又去左葵芳行  買左杯好大既雪糕食  好味....

跟住就返屋企喇   返到去就玩左陣電腦  做左d功課  睇電視  食飯  沖涼  訓教lu

 好正呀!!  我個日記整左好多野呀....  有學友呀  又有音樂  轉左d色  都好靚丫~~

今日終於可以訓耐d喇....

放假咁耐日日都係red cross D野  日日都好早起身   今日就可以好好咁享受訓教既感覺.... 

一起身就睇四葉草  好睇呀.....  今集好感人 

之後就同媽媽一齊去食飯  食完就返總部開會喇

  好無奈咁比人選左做主席.....  第一次做主席  唔係好識做....

傾下傾下就傾左幾粒鐘  但都傾左d有建設性既野架  聽日再傾.....

之後食左d野就返屋企喇   返到去就開左日記板  搞左好耐  終於得左喇.... 但我都仲係好掛住我以前果D日記呀  寫左咁耐  雖然唔係日日都好精彩  但都係我既經歷  我既感受  好唔捨得佢呀......

跟住同媽媽去左8佳買野  我覺得我好大力  拿左5排柑桔檸檬返屋企

返到去就做左d功課  傾左陣電話  睇電視  玩電腦  食左好多豬肉乾 

12點幾 同老豆去食宵夜    唔知搞咩  冇胃口  唔想食呀  但我今晚都冇食飯....  不過是但啦  減下肥都好~~

食完就返屋企沖涼  玩陣電腦  訓教lu.....

嘩嘩嘩~~

今日好開心呀~~  同Red Cross D朋友去燒野食呀

一起身就去左千色店集合  跟住就一齊去買野喇  買左好多野....

之後去等巴士  等左好耐呀  上到車就聽歌 傾偈   但係.....

架車無啦啦發出一d好怪異既聲  跟住就要落車  等第二架巴士......

好快就去到咖啡灣  透左一陣爐就燒喇   係咁燒 係咁食  食左好多野....

好想出去海邊玩呀   但又冇帶拖鞋喎  最後就問人借  去左玩  好好笑....

跟住就執野   去第二邊玩 佢地係度打排球  但我又唔識打  咁就諗住去買條短褲換  行左好耐  d褲都係又貴又樣衰

咁就冇買喇   之後又玩數字球 又係個沙灘度步操  好抵死....

玩左8點幾就走喇  去左荃灣食飯  食完行左陣  就返屋企喇

沖完涼就玩電腦  睇電視 做左少少功課   好快就訓教喇   好累呀~~但好開心

好傷心呀... 先前個日記唔知搞咩上唔到呀  我D珍貴既日記冇哂喇  我上一個日記係2005年1月1日申請架  佢兒家就死左喇....

兒家補寫番D日記先....

今日一早去左上First Aid  上到1點 就打比kk  嘩~ 好有新意呀  整壽司.....

咁跟住呢.... 我地就去左買料   買左好耐  好搞野  我地搵左好耐都搵唔到整壽司果D紫菜  咁就問人啦  果個人比左D煲湯果D紫菜我地喎 笑死我 

買完就上左我屋企整喇   好開心~~ 第一次整壽司

好好笑....一路整一路笑一路食      整左好多呀....  

夜晚就唔洗食飯喇  因為食壽司都飽到想嘔.... 

跟住就睇下電視  沖涼  好早就訓教喇......