尋晚溫到5:30就訓喇  因為個電腦好難呀  搞到都冇心機  係度烏下烏下  所以唔溫喇  訓教...

今日中文呀  嘩~ 奇蹟呀  好少可以做得切呀  但都有d唔識做  又老作囉...

西史  好采做得切  但係隻手寫得好辛苦呀  好累  又出哂手汗 ms chan一話剩番5分鐘  我隻手就唔受控制  振哂  又成日寫錯字  好緊張...

電腦....  好深呀  d英文  都唔知佢問乜  又老作啦....

咁快就考完第二日喇  返屋企又要係咁溫書喇....

尋晚通頂  溫EPA溫到兩點幾...  溫Bio喇...  好長  好多 好深....   又冇時間溫Math  不過好采先前都有做過下d練習...

果個曾sir  遲到呀  人地全部都開考喇  佢先慢吞吞咁行過黎  又唔補番時間喎  雖然得果幾分鐘  但都好重要架...

今日考數學  唉... 做唔切呀  吉左兩頁  冇左成廿幾分呀...

EPA 都幾好架  識做呀  但arm唔arm就唔知喇  我諗...都有8字頭既~~

bio...    我尋晚係咁溫d好深果d  以為佢會出  點知佢...  問答出哂d簡單果d  深果d就得幾題m.c. 

串錯字呀  有幾字都係p字頭  搞到我亂哂  大致上都算係識做既  唔識果d咪老作囉....

咁就考完一日喇  返屋企就緊係第一間訓教啦  不過唔知搞咩訓唔著喎...  咁就死喇  都唔知係咪累到short左  唔訓唔得架  所以我就係咁哀求自己訓著教....

一訓就訓到4點  補習  溫電腦呀  電腦好深呀  好多英文呀  我都打算放棄佢喇...

補到6點  溫多一陣  我表哥黎左呀  搞到我都冇心機溫喇...

夜晚老豆煮飯呀  食seafood呀  好味呀~~

食完就睇電視啦  10點幾又去飲咖啡  返黎就溫書喇...   

兩點正  karen打比我呀  好開心呀... 

一直溫到天光喇....

我D溫書進度咁嚇人  睇黎今晚都唔洗訓喇.....

聽聞咖啡係可以提神  所以我就特登同細佬去左OK打算買杯黎飲下  其實今次係我第一次去OK飲咖啡  咁佢有幾個制  我又唔知咁邊個好喎   最後我都係咁左 1 號  點知我比佢個名呃左  " 雀巢金牌咖啡"   佢竟然係齋啡...

算啦... 都買左喇  咁就返屋企喇....  路途上  我地險阻重重  我地拿住兩杯熱咖啡  就唔可以咁大動作啦  首先  我地係條街度見到個膠袋仔  佢比風吹郁左  一路向前走  我地遠睇  好似隻老鼠  嚇死人....

之後  我地又見到隻蟑螂  真野黎架...  佢係度周圍走  唔知佢想點  我地又拿住杯野喎  如果唔係就同佢死過啦...  等左好耐  佢先肯讓步....

返到屋企  就飲野啦...   嘩~果杯咁既野  苦到...   好似飲廿四味咁...  唉..好苦呀！！！

尋晚我都係頂唔順  4點幾訓左lu...  

今日10點半  老豆就係咁開大個電話  播學友既鈴聲  搞到我醒左....

跟住就一齊去飲茶  飲完就同媽媽細佬去左葵廣買鞋  果條黎博倫  淨係個中一就換第5對皮鞋  我小學到兒家都換唔夠5對鞋呀  都唔知佢識唔識著鞋  半年咋ma  就著爛3對  唔見一隻  成日都要買鞋...  黐線架...

買完返屋企  要溫書喇....   溫左一陣...  但溫極都唔入腦  咁我就好堅決咁狠狠地熄左部電腦  關埋房門  繼續努力....

媽媽同細佬  去左阿姨屋企食飯  我就一個人係度受苦....

一溫就溫到7點幾  haha... karen打比我呀  我感到一種莫名既溫暖... 人間有情呀....  傾左一陣  因為大家都要繼續同本書搏鬥...  收線lu....

跟住去左沖涼....  沖完又溫書喇...

溫溫下  媽媽返黎喇  有飯食喇...  我又可以休息下  睇浪漫滿屋....

食完... 都係溫書........溫書.........溫書.......溫書.........溫書.......溫書.......溫書！！

加油呀！！  add oil...  我地一定會成功架！ 《 f i g h t i n g 》

今日放假呀... 可以訓晏d喇  但又真係訓得好晏...
一訓醒就沖左個靚涼  沖完就食飯...  跟住我都未食完   Miss 同小華就上左黎  咁佢地就望住我食飯喇...
食完就補習啦... 竹竹、柑桔同詠婷一齊打黎問野  好搞笑呀... 
補習  解左成份Bio note 好深呀 又多喎  想像唔到我點可能溫哂佢...  補到4點鐘  跟住同小華玩左陣電腦  就去買野...

返埋今日學  下個禮拜就統一測驗喇~~  好唔想溫書呀....

今日同小華一齊返學  買左個三文治做早餐...  呢排成日都係課室食野呀  好衰....

早會話下個禮拜一可以著夏季喇  好耐冇著  都唔知arm唔arm著.... 

上堂喇...  家政  車衫呀  唔識車... 又係我果組最慢呀  呢鍋杰喇....  其實我打算呢  出去比$人車  haha... 又做衰野喇...

小息  個肚痛到死呀...  去左洗手間... 舒服哂~~

跟住 chem轉中文  去左3A班上...  感覺好奇怪~~

 小息  詠婷係張班相度寫d人果d花名... 咁喬喬有好多花名啦  我地就叫佢寫喬寶寶  點知佢又諗到馮寶寶  咁arm我就飲緊水  笑到我差d噴水....

music 上半截好悶呀  釣魚... 下半截就唱歌  唱學友果首太陽星辰 ,好好聽既the sound of silence 同埋友誼之光呀....

落左堂 ms luk 話5月2日中樂團要出喎... 勁野黎架  有解放軍呀.... 唔拉得都睇得呀.... 但我果日唔得閒呀... 我都唔想錯過呢個咁難得既機會....

lunch la... 

返到去又上堂喇  eng 做oral  好快又一堂lu...  之後去左新翼上"成長新動力"  新翼d課室真係又大又新... 但個野都幾悶下....

放學喇... 去上勵進   好笑... 我同柑桔係4樓度不斷同人揮手   好搞野...

勵進  好眼訓呀...  好難頂...

上完柑桔就陪我去左扭蛋...  行行下有個男人係我地面前打左個好恐怖既"黑痴"  我同柑桔既反應係... 互望  之後就開始傻笑喇...  好搞野!!  扭完就返head 交野  交完就返屋企 係屋企樓下  撞到老豆  佢同我講左d野 搞到我好無奈....

返到去  就補習喇  做練習  好眼訓呀....  補完就睇"同lo同bo"  好抵死呀....

食飯  又睇下電視  之後做左少少bio 就玩電腦  傾電話  沖涼  訓教喇....

今日8:20起身  遲大到喇....  咁就lala聲返學啦...

返到去已經上緊堂啦...

eng  派左好多野呀  作文呀...70分未試過咁高呀...  Quiz 20分 全班第三 又係第一次咁好咋... dict 得75咋.... 退左好多

history  聽書  睇片...    小息 去左食野 食左好多野呀....  phy  又係好留心聽書....  lunch la... 食手卷呀...

食完去左art room 同eva佢成一齊登西史作業分....  又遲左入課室...

上堂... 中文  好留心咁聽書  派左默書呀  第13次默書90分以上喇  keep住呀....  派練筆 10分呀 可以投稿呀....  ms lau個評語係 "真情流露!佳作!"  haha...好開心呀^^

math  好留心咁聽書....

放學lu  今日好好呀  成日上堂都冇釣過魚  可能係今朝訓多個鐘掛....

去留堂... 好快就抄完d罰抄喇  跟住溫書  但好眼訓  訓著左...

4:45走得  返屋企 玩陣電腦  補習  係咁做數....

今日冇功課呀  睇電視... 傾陣電話  食飯  有腸仔食呀  好中意食腸仔呀!!

睇電視  玩電腦  沖涼  訓教.....

忘了有多久 再沒聽到你 對我說你最愛的故事
我想了很久 我開始慌了 是不是我又做錯了甚麼

# 你哭著對我說 童話裡都是騙人的 我不可能是你的王子
也許你不會懂 從你說愛我以後 我的天空星星都亮了

我願變成童話裡 你愛的那個天使 張開雙手 變成翅膀守護你
你要相信 相信我們會像童話故事裡 幸福和快樂是結局
Repeat #
我要變成童話裡 你愛的那個天使 張開雙手 變成翅膀守護你
你要相信 相信我們會像童話故事裡 幸福和快樂是結局

我會變成童話裡 你愛的那個天使 張開雙手 變成翅膀守護你
你要相信 相信我們會像童話故事裡 幸福和快樂是結局 一起寫我們的結局

今日早d起身做埋d功課  今日凍左呀  所以我就著番件長袖冷衫喇....

返學喇....  落雨  唔洗排隊  上課室  ms wong 返左黎呀  轉左個新look喎...

上堂呀... 眼訓到想死....  eng  釣魚 聽d唔聽d...

history 聽書.... 計作業分  都幾高丫....

電腦....  小華drama去左比賽呀  冇人同我坐  悶死我喇  又好眼訓喎...  訓著左...

數學...   聽書  但又訓著左 

lunch la....

中文默書  唔係好熟  但都識識地啦... 都唔會唔合格既  但隔離果個就.....慘!!

 好好笑~~ 我地係度搵脈搏  跟住我知腳果度有個  咁大家就搵啦  個個都搵唔到  係喬喬搵到  咁我就摸下佢個脈搏啦  點知佢....   好搞笑呀....

Art 畫畫  唔識畫呀  好眼訓...  畫左成堂都畫得果dd

放左學就上勵進  李sir話天氣唔好  所以早放喎....

咁上完勵進就學二胡喇  嘩~ 冇人既....  雁雁去左drama比賽  carmen又唔知做咩唔返喎....

haha... 阿sir淨係教我一個  45分鐘  抵到爛呀....  我終於領悟到阿sir果d好深奧既拿弓方法喇  我終於都明白點樣用手指公控制手腕喇  但係隻手臂成日都唔記得放鬆....  又仲未拉到快弓....

學完就得番我一個人執野喇  一丁友拿住兩個胡  幾個譜架  條樓梯又黑mama喎  周圍好靜  聽到既就只有我既腳步聲同埋書包上鑰匙扣因搖擺而發出既聲音....  一丁友去G樓交條鑰匙  又要經過hall喎  個hall又大又黑  好恐怖....

之後返屋企.....  落住毛毛雨.... 返到屋企就做功課  睇電視  傾左陣電話  食飯....

食完又做功課喇...  今日好早就訓喇!!!

今日又係好早起身溫eng quiz....  呢排都係咁 早d起身溫書 做功課  但我以前係唔做哂d野唔訓架  越來越懶 ~~

咁就返學喇....  部 lift都爆哂棚啦  但d人都係咁迫呀迫.... 但又奇怪部lift入咁多人都仲未超重.....

去左幫個fd影印... 買左好好食既早餐....  返到學校  去左3C比d影印人  超~ d人串人既....

咁返到課室....  嘩~ms law點名  姐係ms wong又冇返啦  haha...開心死我喇.....

中文堂 作文.... 作左好耐都未搞掂  鬼咩~ 一路傾一路作... 今日都唔知搞乜  頻頻咁寫錯字... "甚麼"就寫左"麼麼" "直至"就寫"至直"  "小人無朋"就寫左"小朋無人" 

普通話堂  聽歌呀... 老鼠愛大米~~ 正!! ms lau開金口同科長合唱 ~~

eng...  仲諗住Ms Wong冇返唔洗Quiz tim!! 點知又要Quiz.... haha...  我同喬喬又做衰野喇~~

lunch la....  monkey賣左個艾爾比我呀~~

EPA堂  對作業....唔知點解上親EPA都要去洗手間.... 

math... 做數....  又比ms chan串... 佢真係好好笑~~

今日唔去中樂團  去左葵廣扭蛋  超好笑~~ 我扭左個愛德華... 之後扭左個女人 但我唔想要  同柑桔交換左個愛德華... 不過其實我最想要係愛德華同艾爾一齊果個孖仔扣  咁扭唔到我地又去第二間睇啦  點知我前面果個師奶扭到孖仔喎  咁我就即刻求佢同我交換啦  咁佢又唔知好唔好喎  佢話佢幫佢個仔扭  咁佢個女黎到  就話要主角啦 佢個女話愛德華係主角 個師奶就話好啦  一樣係$5 咁我就lala聲同佢作『等價交換』喇....  好開心呀  好似自己生左對孖仔咁  haha...  不過都幾樣衰!!

好正呀!!! 好開心^^

返head 開會  都傾到好晏架  之後食左d野  返屋企...

做功課....好多功課..... 食飯  傾左陣電話  沖涼 

做功課....  好鬼眼訓呀   訓la...  聽日起身再做啦....