今日好早就起左身  溫geog  跟住就返學......

點知返到學校   d人話唔洗測geog喎....  無奈....

 今日好正~  ms wong 冇返學  成班都好開心.....

不過係范sir點名  條友一入到課室就係咁搵人黎鬧  傻既~

中史堂呀.... 眼訓到想死呀...

math 做下數  好快就落堂喇

eng...  太好喇 唔洗對住ms wong 係度做功課  傾偈

lunch la...   唉~ 好衰呀我... 我借左eva個鑰匙扣黎睇  之後放左落裙袋  但個袋又穿隆喎  跌左呀  我地搵左好耐都搵唔到  個野好重要架 好有意義  仲幾貴....  我無法原諒我自己  雖然eva話唔嬲我  但都唔知配唔配得番  如果唔得就大煲喇....

geog  聽書....

中文... 聽書  又傾下偈.....   咁就放學喇....

放左學就lala聲  再去搵eva個扣  但都係.........

咁就返屋企lu....  做功課  真係好喇  一返到去就做功課  不過做左好耐都未做完......

睇 同lo同bo 呀  好好笑~~   食飯  沖涼  做功課....

玩左陣電腦  聽香蕉  訓教....

今日要7點起身呀....  一起身就執哂野  去食早餐  好多野食呀.....

食完又分番組  玩喇  又做短講....  都係好開心呀   我好中意玩果個"變形蟲"....

玩完就去食lunch  又係好多餸  好味呀.... 

食完冇野做  同人去左唱k   好開心....  玩到連集合時間都唔記得左.....

大家一組人坐埋一齊傾番有咩難忘  有咩感覺  又互送心意咭  一齊影相   跟住就降旗  坐車走喇.....

好快就返到總部  係總部出面見到小學果個謝sir呀  佢係度同d學生練排球  傾左幾句就走喇.......

返屋企  執野  傾左陣電話  訓教   6點幾起身  做功課  之後又傾電話......

睇左半集浪漫滿屋  又發覺幾好睇  個李英宰好搞笑.....  玩左陣電腦就食野喇   超力銀絲米粉

沖涼  搬埋個收音機入沖涼房聽香蕉  做埋d功課  訓教la....

kk今日走喇....  保重呀  我一定會好掛住你架  一路逆風呀   byebye la...

今日bio要補課   所以好早起左身  搞掂哂又未夠鐘出門  咁就傾左陣偈喇.....

返學喇.....  一上就上到11點  咁就走啦....

好好笑....  我地成班人係條走廊度見到隻雀仔  唔郁  但又唔係死左喎  咁我地行埋去都唔飛走  就以為佢受左偒啦 我仲行得好近  點知佢無啦啦張開翅膀飛左出街喇  嘩~ 佢無啦啦彈起真係嚇死我....    之後我地平伏左情緒之後就繼續行啦  但係我地又見到幅牆下面有隻死左既雀仔  嗱嗱嗱....好明顯佢係撞死既  咁我地班友又想睇  又驚佢無啦啦飛起喎  好抵死呀.....

之後就返屋企喇  返到去就執埋d野  走lu  去總部  之後一齊去買野食.....  買完就係總部呆等  傾偈  2點幾就點名坐車去la...

好快就到喇  分左組  好彩果組有人係識得既  冇咁驚....  咁就玩遊戲啦  都好好玩呀  識左好多人呀....

玩左好耐  成身汗喇  返到去換衫  食飯  d餸好豐富  好好味....  食完又繼續玩喇  玩得好開心....

之後紅十字之夜  最開心....  同埋呢個遊戲都幾有意義架.... 跟住就沖涼  沖完去左睇電視  不過睇睇下又比人叫返去房  冇得睇...

冇得同d朋友一間房  咁我地就密謀調房喇  不過d人就頻頻咁check房  最後失敗.....

跟住我地係toilet傾偈..... 但又係比人叫返入房.... 之後係張床度同好多人傾電話  但係佢成日都間歇性收唔到 cut左線  不過最後佢地都唔打黎lu  橫掂我都冇分鐘  唉~ 今個月用得好快  兒家得番19分鐘都唔知點捱到14號  我從來都未試過用得咁盡....

咁都冇得傾電話  好眼訓就訓教lu....

今曰早左d起身做埋d功課... 之後返學.....

 今日bio堂好搞笑.....  我好累呀....  咁就拓住個頭聽書  但當時我係面向阿sir既  點知我就慢慢咁合埋左對眼  訓著左....  姐係我面向住阿sir訓教啦  咁阿sir見到  咁就叫我答問題喇  不過佢叫左我個名幾次我先醒    一醒左就呆哂咁企左係度  唔知佢問咩   咁我d同桌就不斷係度話"快d"  但我又唔明咩"快d"喎   就以為佢地叫我快d答  點知個答案就係"快d"  好好笑  但都幾樣衰~~

之後math堂  ms chan請假  去左身體檢查....  做功課 傾偈  好快過....

pe...  『迷你』手球....  玩到好熱呀....

lunch.... haha..... 同kk食呀~~

放學要上勵進  但又唔記得帶chem書  咁就返屋企拿  拿完就返學校上堂啦...

薩sir 講d英文  有少少聽唔明....  但都上得幾好啦.... 

上完返屋企  取消左補習  同人傾左陣偈  訓左陣教.....

起身就食飯  食完就傾電話  沖涼  做功課  執去camp d野    訓教....

今日yy生日喎... 生日快樂啦 ....

今日早左d返學校  因為唔識做電腦worksheet呀  返去抄......

上堂....  家政堂  整白汁雞皇飯  又包尾  d味好似....牛油撈飯

跟住chem堂   好悶呀~~  但都係要聽.....

跟住呢個先難頂  music 佢播左d好悶既歌呀  跟住掃冧哂全場人  個個都想訓..... 之後佢話唱歌歌  即刻醒哂  唱咩歌呢??  嘩~ 學友架  但係音樂書果隻cd  果個人唱得好難聽....  好disappointed

lunch la..... 食番今朝整果個飯  又有$20儲  好耐都冇係學校食la  今日係我今年第一次留係學校食....

eng 做oral   跟住默書  背默....  比佢識穿左我地果邊d人出貓tim  計劃失敗  結果漏左3隻字.....

放學就去左library  唉~ 今晚又要做book report 喇.....

返到屋企我發現左一樣野  就係我個水樽漏水  個書包濕哂  不過d書就滴水不沾  真係奇怪  

做左d功課就補習喇.....  好眼訓  係度釣魚  之後一路食豬肉亁一路補  又唔眼訓喇....

補完就落街搵野  但係冇得賣 好無奈咁返屋企......

食飯  沖涼  做埋d功課  但係好眼訓    聽日起身再做啦.....

今日我又遲左起身喇....  不過今次好險呀  如果唔係karen打電話問我借野  我都唔識醒呀  都唔知會訓到幾時....

咁我一起身就飛樸返學校  好采最後一分鐘入到去  無遲到.....

今朝唔知搞咩  腳軟呀  唔知點搞  仲要係個操場度企好耐先上課室....

一入到課室  d燈同風扇都換左  好新鮮呀   但係個風扇都吹唔到我既......

唉~ 今日Day 6 呀   一開始就英文堂 派左listening test果份卷 84分 好笑 我抄我隔離果個 但係佢仲低過我 要對住ms wong 兩堂  好慘呀....

之後上hist. 小測....  之後睇片  希特拉  好睇....

phy堂  聽書...

lunch la 食M記...

中文堂  聽書...

math 派小測卷90分 haha...又係咁  我同隔離果個互抄  但我地d分都唔同....

放左學  去上勵進  跟住上二胡 

上完返屋企  同人傾野  9點幾就一同爸爸媽媽細佬  去左旺角 食韓國菜  一路睇長今一路食  好有情調....

食完就行街  12點幾返到屋企  沖涼  做功課...

聽香蕉....溫默書  訓lu....

尋晚冇訓教  通頂做功課  做左好耐   仲差dd就做完6號要交果d功課喇......

 咁就好累啦  不過自己成個假期都係度玩  玩.....係要付出代價

朝早8點就去左大窩口打badminton.....  都唔知點解冇汗出

打到9點去左M記食野   10點就返去HEAD開會喇.....

開會......  開得好開心咁......  haha...有人請食ice-cream  之後lunch  去左麥當勞  哈~ 果間野好抵死  要1個加大就全部都加哂大  仲要唔洗$  芝孖又變左魚柳包......  

食完又繼續開會喇  開完就去左荃灣     好鬼無聊呀  本來就去做正經野既  但唔知點解變左行街  仲有人請左半碗好大碗既米線我食  但其實一d都唔餓喎  行完又係度傾偈.....

8點幾就走喇  去左阿姨屋企食飯   又食....  都未飽完  但都要死頂  食完就睇電視  但又睇睇下訓著左  訓到10:30 睇埋個大長今就返歸喇..... 

返到屋企沖涼  做功課  i hope i can finish my homework before the end of the Easter Holiday......

聽新香蕉俱樂部.......  訓教lu  

聽日返學喇.....  又要晨咁早起身  都唔知係  定係

今日冇街去   咁就可以訓晏d喇......

一訓醒就做功課  跟住就同老豆媽媽細佬去左飲茶...... 

咁飲完就一齊去買餸  返屋企  掃地  之後做功課........做功課.........做功課.....

做到8點幾食飯  之後就傾左陣電話   又做功課

聽新香蕉俱樂部.......  好笑~~

沖涼  做功課.......

今日去拜山呀.....  

晨咁早就起左身  去左阿姨屋企  等齊人  撘巴士.... 

去到果度行左好多層樓梯呀....  累死我喇!!!   仲好曬....   果度火觸呀  d火燒得好快  唔洗幾分鐘  半個山d草都由綠色變左做黑色....

之後拜完就係個山下面食野  不過  食食下忽然飄來陣陣既牛屎味    好臭~ 

食完就撘巴士走lu  去左姨媽屋企   好累呀.....  訓左覺   訓到7點幾  有個人打黎嘈醒我.....

果個人....  haha~ 就係尋日叫我番總部開會  但又唔見人果個人囉~~  佢話佢冇玩我喎...  咁我冤枉左佢  sorry~~

之後就食飯喇   好多餸呀  好好味!!  食完就睇獎門人  笑死我....

坐多一陣就返屋企喇  返到去就玩左陣電腦  沖涼  玩電腦   做功課

 唉~~ 死喇!!  6號返學喇  仲有好多功課未做呀....  救命呀~~  d老師都變態架  一有長假放就係咁比功課  好似唔洗做咁  都唔理人地既感受......

 本來今日同kk佢地去 bbq架  但係咁巧合我要拜山  去唔到..... 

 haha....  表哥幫我入左兩首手機鈴聲呀....  老鼠愛大米 & 童話   但我都依然會用番叮噹ga....

今日一起身就補習喇......  補到2點鐘 

3點就返head上繩結   不過有個人就無啦啦打黎叫我早少少返去開會喎  咁我就趕返去啦   點知果個人又唔係度.....

 我feel到有少少比人玩既感覺......  之後朱小姐見我早左返去咪早d教我lo  嘩~果d棍結好難打呀  好複雜.....  好采評核果時抽到個唔係咁難既  pass左  Yeah......   之後教埋果個一繩 7結.....  但下堂因為我唔得閒   所以要今日考埋個一繩7結   好激呀  即教即考   7個結  要3分半鐘打哂....   我考左幾次先得呀   第一次3分四十幾秒  第二次4分0幾秒  最後一次2分42秒  勁呀~~  

上完堂+考埋  成7點先走呀  但係由我起身到下晝7點我都未食過野.....   所以我就買左好多好正既野食喇  有雞翼、手卷.....   oh~ 今晚又唔洗食飯lu    一路玩電腦 一路品嘗我既至愛  正呀~~

之後去左睇殘酷一叮   好搞野呀.....  跟住繼續玩電腦  又傾左陣電話  沖涼  玩電腦  訓教la....

 有個朋友失戀啊!!!!  佢好傷心.....  希望佢快d開心番啦 →