Ca58
暱稱: CA
性別: 女
地區: 葵青區
MORE...  

«‹ September 2026 ›»
SMTWTFS
12345
6789101112
13141516171819
20212223242526
27282930

最新日誌
•bye bye 日記仔~~
•迎月~~
•late again~
•沒有靈魂的一天~
•越野~~

訪客留言
最近三個月尚無任何留言

每月文章

日誌統計
文章總數: 1015
留言總數: 303
今日人氣: 230
累積人氣: 39689


2005 年 4 月 28 日  星期四   雨天



今日覺得唔開心... 鬱悶

 

今日我發現左一樣野  簡直難以置信.... 但我都唔知點解會咁~

今日上晝都冇乜特別事  都係上堂lo...

lunch 今日冇同eva佢地食  同左柑桔佢地一齊食  好搞笑  一路食一路係咁笑  冇停  失哂儀態  但真係好搞笑  景瑩粒珍珠....  haha~~

數學又唔識做la...  搞左好耐呀

又要做好多個project喇  救命!




2005 年 4 月 27 日  星期三   雨天



今日同8好有緣~ 愉快

 

今日都係返學lo....

派左中史...  好低分...  62分  好失敗...

派左地理... 全班都合格呀  我有54/60  都好滿意喇  不過退步...

今日好好笑  英文 book report presentation 咁抽學號啦  我比人抽中左  麥喬就撚化我喇  跟住我同佢講"鬼唔望下一個係你"  咁到我抽啦  我真係抽中左佢呀  好抵死  咁佢38號啦  抽完38 又抽到8  抽完8又抽到28  大家留意  係888呀  好邪呀....  同8好有緣....

今日唔洗上勵進  李sir病左....   中文 ms lau又病左  好多人都病...

咁唔洗上就同雁雁  去買魚柳包  買一送一呀  買完點知落大雨  咁就係咁跑...係咁跑  濕哂...

之後學二胡  返到屋企  做功課  唔識做數呀  做做下  訓左教  冇睇同lo同 bo呀

食完飯又做數喇  沖涼  聽香蕉  好好笑~~




2005 年 4 月 26 日  星期二   晴天



lucky day... 愉快

 

我覺得今日好lucky呀....

派左bio喇  63/90  唉~ 唔理想...  但本來得59架咋  之後比我發現到佢改錯左我呀  有一度就係佢發雞盲  睇錯野  有一度就係我d英文寫到一舊舊  佢睇唔明  之後我向佢解釋我寫既英文  咁佢就比番2分我喇   一共加左4分呀  好開心

小息走火警  但d人行到好似放lunch咁....

今日有件好好笑既事  笑死我同柑桔佢地喇~~  好多sunday呀.... 大家都唔想上PE

PE  跑9分鐘呀  今次我冇盡力去跑  但係反而係完全唔辛苦  仲跑得好舒服....

派左eng  56/100  算幾好架喇  對於我黎講  但係好無奈呀  我發現有一題佢改錯左  咁我咪出去加分啦  點知佢又睇到我上面果題錯左但係佢又比分  咁最後我加左2分又減2分  冇變.... 命�埵陵价袘搹�  命�媯L時莫強求......

ms wong計少左麥喬10分呀  比佢知道左有10分加  開心死佢^^

中文好開心呀  91/120 全班第2呀~~ 

放學去左中樂團  但係好眼訓... 

之後同雁雁去左7仔  補番份生日禮物比佢  點知  好好采  撞到翁x錢  haha...雁雁緊係唔放過佢啦  叫佢請食野  我都有得食...  跟住又撞到小明  雁雁又叫佢請食野喇~  小明好大方  話請就請  仲要請左盒都幾貴既朱古力......

 




2005 年 4 月 25 日  星期一   晴天



普通一日... 愉快

 

今日遲左少少起身呀  搞到冇時間梳頭  係咁求其搞兩搞就返學喇  因為唔可以再遲到喇  今日已經要留堂  如果再遲就有排留喇....

朝早要排隊呀  係個操場度好熱呀  仲要企左好耐....

今日上d堂過得好快  好似好快就過左一日咁

派左chem喇  60/80 雖然唔好高但係都有進步喇....  都算滿意既

今日成日都唔記得食藥  成日都遲....  不過聽日就食哂喇~~

放學去留堂  好悶  冇功課  係度訓教...

夜晚好搞笑  我去左阿姨屋企攞d野  咁媽媽就無啦啦打電話黎  急call我返去喎  原來屋企出現左隻小強  嚇到佢地死死下  向我求救   但點知我返到去  隻小強唔見左....

今日過得好平淡  冇乜特別 




2005 年 4 月 24 日  星期日   晴天



開會 愉快

 

今日一起身就返head整交誼品  但之後都係因為唔夠時間而取消左  都有少少失望既  諗左咁多野  開左幾次會  哂左幾個鐘  買左幾張咭  又print左幾張圖  兒家就唔搞... 但係搞落去都係唔夠時間做...  算吧啦~~

3:00開團例會  出左去步操  熱死人喇...

操完就返去開會  講左好多野....  好搞笑  Alan講緊5月8 日世界紅十字日  咁arm果日我生日  咁佢就問"知唔知5月8日咩日子呀" 咁佢想收到既答案就緊係"世界紅十字日"啦  但係d人就答"黎詩雅生日"  好好笑...

開完又整鑰匙扣喇   整到7:00去阿姨屋企食飯 

獎門人好好笑  比阿8兩金同朱咪咪笑到我標眼水




2005 年 4 月 23 日  星期六   晴天



發燒.... 不安

 

今日一起身就去左上First Aid 一路上就一路係咁打黑痴  個鼻就係咁自製鼻涕  好慘呀...

上到1:00去食飯  食完就返去開會喇  傾左一陣就一齊整鑰匙扣喇  好辛苦  好唔舒服  整左幾個就走lu

去睇e生  感冒  少少燒...  返屋企就訓左教  訓到8點幾   精神哂  睇電視.....

媽媽今日去左街....  得我同細佬一齊食粥

夜晚  搞埋交誼品d野  就訓lu...

 

 




2005 年 4 月 22 日  星期五   晴天



無題 驚訝

 

今日遲到呀.... 唉~ 又要留堂喇....

今日派左好多卷  hist... 89分 都滿意架  好多同學都好高分呀  冇人唔合格  太好喇....  雁雁仲全班最高分 有91.5呀  雁雁d史好叻....

physics  74/90  都好好架喇  但係我退步左....  一日最衰都係我做唔切啦....

中文堂都得派卷呀  ms lau病左... 兩日喇  好似好嚴重咁  希望佢快d好番啦  好期待派中文卷呀 因為份卷好易  呢科比較有信心...  咁兩堂就係度玩喇  我附近d人好搞笑  笑足兩堂 ....

放左學  唔洗留堂  haha...  本來我今日又要中樂團  又要上chem勵進  所以我就搵薩sir幫我申請延遲留堂  點知佢話佢今日放學要開會  取消勵進  咁我就冇得申請啦  不過無緊要  我仲有個中樂團  咁我就唔洗留堂喇  不過星期一都要補留.....

夜晚返到佛堂呀  好耐冇返喇  佢地見到我好驚訝  個個都話  "下~ 你係黎詩雅 咁大個既"  我以前3歲幾既時候同麻麻一齊返架  忽然間覺得好掛住麻麻...

撘van仔返屋企  我第一次撘到有安全帶既van仔呀....

今日唔知搞咩  係咁打黑痴  打到標眼水...




2005 年 4 月 21 日  星期四   晴天



考完喇~~ 愉快

 

今日終於都考完喇  好開心呀...

今日chem 好難呀... 都好擔心~~  geog  得得地啦...

不過考完要上堂  冇得返屋企休息下....  真係無良~

派左卷  電腦:48分  唔合格呀...  有一題填充  我答對架 不過果題係第11題 我就將個答案寫左係第10題果個格度呀...  好唔抵呀  好想問鄺sir攞番2分  但係我諗都冇乜可能架喇... "命�埵陵价袘搹�  命�媯L時莫強求" 

數學:56  好失望呀  好差...  冇野好講...

放左學  好開心  同雁雁,小華,竹竹,詠婷,柑桔去左行街  跟住又去左公園食薯片  談心...

好好笑  我地傾『 果條橋 』 同埋『 我的家 』  好低死   之後又係8佳門口見到成地紅色 ( 倒瀉左既紅酒 )  仲以為有血案發生...

跟住又去左我屋企玩   好開心呀...

今晚可以盡情咁睇電視喇  同lo同bo 真係好搞笑...    學警雄心今集好感人呀...

今晚有教好訓喇^^




2005 年 4 月 20 日  星期三   晴天



學警雄心

 

共命運較量
望著目標不需要理風向
這次跌低總會有下一場
你有我不必怕會追不上

為願望發亮
若是未盡力掌聲也拍不響
永遠也不反悔才是堅強
有志氣一起向天開一槍

從來無悔  我這理想揮之不去
以鬥志將傷口過濾
以你決心去為明天寫下創舉

流汗水  錯與對幾多的差距
有勇氣  不應該畏懼
那�埵雀繚t便和你燃亮它  全力追

活著就算呼吸都是為了挑戰
從前難關今天實現
我確信  這天空都改變
這志向最終也  不變
現實就算多艱辛
並未退縮  成功灰心只差一線
要帶著信心  未懼下雨天
如何嚴峻  終點己經望見

日後就算多崎嶇亦你走
人生精彩只因挑戰
要帶著信心  未懼下雨天
仍然無悔我共你衝線



中史考得好差呀... 鬱悶

 

尋晚溫到6點訓覺  但都未溫好中史呀...

今日換左夏季校服喇~~

今日英文呀  好開心可以做得切呀  但係有好多都唔識...

physics  好多數計呀  又做唔切喇  冇左好多分...

中史就死喇  mc同填充都好多唔識做呀  好差呀  今次係F.1到兒家第一次咁衰...

好想快d到聽日呀  聽日考完喇  有得盡情咁玩喇  又唔洗補習  hahahahaha.....



« | 93 | 94 | 95 | 96 | 97 | 98 | 99 | 100 | 101 | 102 | »



tofumonzter@createblog.com