今日係5月8日  係一個好重要既日子  今日係今年既母親節  同埋世界紅十字日  最重要既係Today is my birthday....

今日可以訓晏d喇   連續兩個禮拜都要早起  今日好難得可以享受訓教~~

11:00起身  玩下電腦  做d功課  就要換衫走喇 

去同阿爺﹝紅十字與紅新月運動始創人亨利•杜南先生﹞慶祝生日呀...... 

2:00返到總部  好多人同我講 生日快樂 呀  果一刻好感動  但又未至於流淚~   家惠送禮物比我呀  好開心^^

之後坐巴士去喇  包左幾架城巴   去到元朗劇院  聽野  講南亞海嘯  好有意義架  但都幾悶....

夜晚去左阿姨屋企食飯   食完睇下電視...  浪漫滿屋好睇呀  下集好慘呀...

之後食蛋糕喇   有兩個蛋糕  一個係母親節既  一個我生日既...

今年過生日好特別  著住制服切蛋糕...  我覺得我同RC好有緣  竟然世界紅十字日係我生日  同亨利一齊過生日... 

 haha...  係5月9日  零晨1:09  我老豆將kk寄比我既生日咭送到我手中...  好開心呀^^  好得意呀 張咭  內容夠哂豐富啦  仲圖文並茂  好多謝呀....

唔止咁  icq msn sms 都有人同我講生日快樂呀  好多謝大家~~

【又老一年喇  陰公！ 眼角又多左幾條魚尾紋】 ←copy by kk 送既生日咭.......

生存在世上15年  一定要活得更好  每一天進一步....

最後  我都祝自己 生日快樂  生活愉快  身體健康  闔家平安  學業進步  心想事成  龍馬精神  笑口常開  青春常駐  恭喜發財  行運一條龍.....

今日要9:00返到學校呀  但係我10:00先返到去... 唉~ 一日最衰都係我啦  醒左又訓番... 

返到去  D同學都上完喇  佢地話唔係測驗黎架  原來Ms Wong 點我地呀  佢話係字典測驗  講到好嚴重咁...  依家彭小姐話都唔知當我遲到定請假....

之後返左學半個鐘都冇就走喇  lala聲去左麥當勞換紅T   趕返head上 First Aid...

上到1:00 返屋企   點知途中  遇到件事  行行下  有個阿婆走埋黎叫我比錢佢喎  我又唔識佢  佢講d話又唔知係咩話  明d唔明d  淨係聽到 "比錢" "返工" "食飯"  咁我同佢糾纏好耐  佢見我唔比錢佢  佢就走左喇.... 

返到屋企  傾左陣電話  之後就同馬騮傾左好耐icq...其實佢講d野都好有道理既~  跟住又同人傾電話喇

夜晚  食意粉呀  好食...  之後睇奇幻朝  好感人呀呢集  睇到流淚     睇埋鋼鍊就玩陣電腦

沖涼  訓教lu...

p.s.12點正 ←許願→ happy birthday...  ^^

今日因為爆水管  好多人遲入課室呀  喬喬都係其中之一  果個ms wong就登記d人名喇  點知搞d錯左  記埋我喎  我坐左係度好耐喇  好采即刻講番....

中史堂  悶到死喇  個李sir又係度噴口水  好嘔心呀...

之後本來maths  但調堂  變左中文  派左份作文呀  好高分 85分呀  唔洗謄文... yeah...

地理 帶錯書呀  帶左上冊  好采lunch之後先有堂  lunch就返左屋企攞書喇...

geog  好眼訓... 我己經好盡力咁留心上堂  不過都釣魚釣左半堂  但唔知點解釣完魚之後會特別好精神

喬喬話尋晚打大風  佢好夜訓呀  但我尋晚關左窗  開冷氣...  唔知發生咩事~~

跟住又係中文堂呀  好好笑   同柑桔、華姐同埋喬喬係度扮《同撈同煲》果d人講野  又唱果d歌.... 【我至靚  噴香水如芙蓉...】  同埋阿ball同詠婷好搞笑...

今日大結局喇  同撈同煲  唔止咁  我地坐果位  都大結局喇  星期一就調位  唔想分開呀...

放左學  上chem勵進  做實驗呀  好玩~~   上完見到philip呀  lala聲睇下張坐位表...  我坐第二行第5個呀...

 嘩~ 我同何輝啟坐呀  F.2我都同過佢坐 佢好好人架  但唔講野  都冇研究之至...

喬喬坐我前面  前面再前面呀  好傷心...   佢同新同學坐....

我後面有吳奕南同C.lam呀  正la...   前面係區bird同小明  幾好丫...

隔一條巷有雪華  開心呀~~   小華同杜杜坐呀   Rainie同Philip坐...  雁雁同阿ball坐<<比較怪既組合

索淇同馬騮坐呀  佢極度不滿呀...   有一對新組合  就係...文文同Leslie喇~~ 

柑桔離我好遠呀  佢就好啦  同竹竹坐  前面又有詠婷同嘉燕...

haha...佢地前面就係林生  而係林生旁邊既就係默默咁支持佢既林太

呢個位由大概2月廿幾號開始坐到兒家  我好唔捨得.... 

記得上堂成日同柑桔唱歌 唔識做數又成日問佢  仲有支 〝薛卡〞 好開心...

至於佢... 先前一知道係同佢坐都乜感覺  因為以前佢都係坐我附近  不過唔係好熟...
但之後就好開心喇  一齊玩  出貓  畫ms wong/榴槤  訓教  測驗,默書互抄..... 

今日返學好搞笑...  全日都好好笑咁~~

我特別中意今日既maths堂  haha... 緊係有d野啦~ 

PE 做體能呀  做完sit up  又做膝上壓  累死喇...  之後度高  ms 叫我幫佢記錄d同學既高度  haha... arm哂我呢個8婆  唉...有d自卑  好多同學都高過我  諗番起以前幼稚園到小學  我都係高果堆  估唔到兒家我...  但都好采都唔算係矮...

中文堂好開心   佢同我傾偈呀~~ 

其他都冇乜特別...

放左學好搞笑...

區bird  Rainie同埋小華就黎我屋企做西史project  咁我地4個就同柑桔 竹竹 詠婷一齊行啦

之後係7仔見到喬喬喎  咁就話"人家想去食雪糕呀"  <<  語氣  請參考同撈同煲...

咁點知冇雪糕喎  咁就唔食啦  佢地成班男仔就問小華借電話啦  我地就係度等啦  個『電話』有d野架!!  好好笑~~ 

跟住我地走啦  佢地成班男仔面對住個花叢除冷衫  咁成排人企係個花叢前面  我地係後面睇  好似成班人係度小便  笑死...

咁跟住上到我屋企就做project 喇...  做到about 6點 就走lu...

佢地一走  我就做功課喇  太好喇今日...  跟住沖涼 

睇同撈同煲  好搞笑呀...  馬國明同郭晉安扮妹仔  笑死...  haha~

食飯  睇學警... 之後傾左陣電話  做埋d功課就訓lu 

唉...但係5月9日調位喇  聽日就編位喇  希望唔好分開啦...

今日好開心...  佢終於都睬番我呀  好開心......

今日eng dict... 第一次攞100分呀  今個下學期...

history 睇片  嘩~ 北韓都唔知咩鬼地方黎架  d人簡直係變態 

放左學  中樂團取消  咁就去左圖書館借書喇  之後區bird同Rainie 黎左我屋企做西史project

做到好晏先走呀  之後做左dd功課  玩左陣電腦就去沖涼  食飯

睇同lo同bo呀  好好睇...  之後又睇學警  但係醫道就mama地好睇喇  唔係好明佢講乜  不過可能睇睇下就好睇架喇...

做埋d功課  同karen傾左陣偈就訓喇   今日好似過得好快咁...

今日係大日子呀....  宣誓呀~~  籌備左好耐喇  終於到喇....

今日一早就起身  拎住好多野呀  又壽司  又制服  同爸爸媽媽細佬飲茶  飲左15分鐘  就趕住去撘車...

係車度撞到成成呀  太好喇  有人幫手拎野....

返到去搞埋d野食  就要開始綵排喇  練唱歌  諗左d好搞笑既動作....

時間非常緊迫  做咩都好趕咁  綵排綵到12點幾就食飯  冇時間慢慢食  要狼吞虎嚥...

食完就lala聲搞埋d制服喇  要燙制服呀  燙完就做多一次最後綵排   就入去換制服  冬季呀~ 熱死...

 正式開始喇....  好開心~~

2點  係門口做儀仗  隻手好累呀  之後就真係開始喇...  企左好耐  好累 不過好開心^^

好采攞證書果度冇做錯咋  好擔心呢度...   唱歌果度好正呀  叫左迪迪出去 送禮物比佢  仲要成12個人面對住佢唱"我覺得光榮  因有你擁戴"  個場面好感人...

完左就影左好多相呀  影到都唔識笑...  之後就可以入返總部食野喇  d壽司...一舊都冇淨  冇得食...

跟住開檢討會  又問迪迪野  我覺得迪迪想喊架  但係佢話自己係唔會喊既  好好笑^^

好好采  今日冇落雨   前幾日綵排日日都有落雨...

開完就執野走lu  行左一陣街  就返屋企喇  累死喇  做埋宣誓果d財政事務就做功課 放左幾日假  都未掂過d功課

越來越中意睇同lo同bo   食埋飯  沖個涼   好眼訓  訓教喇  d功課...聽日早d起身先做啦....

其實我好想爸媽黎睇我宣誓架  但爸爸唔得閒  媽媽又唔黎喇....

今日去可道中學宣誓典禮呀  約左係洪水橋輕鐵站等  但因為唔識去  所以就去左天水圍搵Coco一齊去喇 

嘩~  好耐都冇撘輕鐵喇  對上一次好似得7,8歲...  以前成日都同麻麻撘架... 

架輕鐵好迫呀   當我地好迷茫  唔知落唔落車好既時候  撞到迪迪呀  跟住佢就包冇死喇...

去到可道中學  見番上次去camp識到果d朋友呀  好開心^^

睇完宣誓就返總部喇  撘巴士  訓左教   d人真係衰  影人地訓教個樣.....

返到去  食飯  之後就綵排宣誓個過程喇  做左好多次  但都係好擔心聽日自己會做錯...

綵到5點就放喇  去開會  傾埋d手尾  家惠好惡呀...  但我地會做得更好....

開完就去左阿姨屋企食飯  食完睇長今呀  但我要去買料整壽司呀  睇左一半咋  皇上真係好中意長今呀  但係我覺得長今同閔大人一齊好d  不過都唔知果結局係點....

唉!! 超出左預算喇~  買完去左姨媽屋企整  好玩...

表哥介紹左部電話比我呀  佢話好好喎   係華碩果部M303  我都覺得幾好  值得考慮....

返到屋企就執野  聽日要帶好多野呀...   聽日好重要呀架~~

好眼訓  唔做功課喇  但有好多野做呀...

今日一起身就返左總部綵排宣誓典禮呀....

步操  好熱呀...  練習攞證書  又練唱歌  餘興節目唱歌呀  唱朋友仔同埋我的驕傲呀   好高音  好驚走音...

操完就係度玩果d熱縮膠  整左個紀念品比自己  6點幾返屋企

夜晚就去左同老豆打邊爐  食左好多野呀....

我好愛我老豆呀   我個電話壞左呀  我向佢提出話買電話  佢即刻話好喎...  太好喇

買邊部好呢...??  我想要Sony Ericsson k700i 呀....  好多人都用果部  唔知係咪真係咁好用呢....  第一次自己簡電話  有d緊張.....

長今大結局喇  唔知長今可唔可以同閔大人一齊呢...??  係就好喇~~  聽日一定要睇長今呀....

今日eng 作文呀  作得好快  第一次咁快...

math做數  又係好快  都唔知搞乜  今日好快  快過哂柑桔同華姐  仲有喬喬  不嬲都係我最慢  但今日就....

唉~ 唔開心呀...  都唔知咩事   佢又唔同我講野  咁做野緊係快啦  但以前做得好慢  不過好好玩ga...

放左學大家都唔想上勵進  但係索淇話薩sir一個人lab度等我地  好似好慘咁  咁柑桔上  我都上喇...

上到4:45  我諗住唔去中樂團架喇  得果少少時間  但果ms luk又係咁搵我同雁雁  想唔去都唔得啦...  佢仲打電話去我屋企搵我  搞到我媽媽唔知作咩故仔好...

咁完左中樂團就同雁雁去左7仔食野  佢又係度等  睇下有冇識得既人請食野...

點知  冇喎...  咁我地食完  傾下偈  就走lu

今晩唔知搞咩  好早訓  睇左一半同lo同bo  就係個sofa度訓左  一訓就訓到零晨4點幾  沖涼...

之後玩多陣電腦就訓lu...

5月9日調位呀...  唔想調位  唔捨得我周圍既人...